ياضحكة الباكر اللي ماتوقعته

ياضحكة الباكر اللي ماتوقعته ٤٥

امجاد كانت طالعه بتروح تصور ع المسبح والباب كان مفتوح شوي وعمار كان جاي ينزل اغراض عند الباب وشاف امجاد وقعد يناظر ويتبسم ومايدري مين ذي
امجاد تصور ومو منتبهه له وحطت اغنيه وقعدت تتميلح وعمار واقف ونسى كل شيء حوله:مين ذي ياخي بسم الله شفيني كذا ولد اصحى
لفت امجاد للباب وشافته وانصدمت وشدت عينها فيه ودخلت:بسم الله عمار شفيه كذا يناظر بعدين انا غبيه ليه ماقفلت الباب
دخلت وراحت لبنات عمها واختها وكملو سواليف ورقص وكانت طول الوقت تستوعب نظراته للمعلوميه(كان هو حب طفولتها بس بحكم انهم ساكنين بعيد عنهم وهو طول الوقت مع اصحابه يعني مايحظر مناسبات كثير حاولت مع الايام تنساه وماتفكر فيه ابد وتقول امكن يحب)
انتهى اليوم الجميل وتوجه الكل لبيته
بيت عبد الرحمن:
جنى:مو مصدقه ياخي مها ويوسف بيتزوجون ياخي البنت ذي عسل عسل
امجاد:اي والله عاد ماالوم يوسف يحبها جمال واناقه واخلاق
جنى:اي والله الله يسعدهم
امجاد:امين
طلعت امجاد ولبست بجامتها وفتحت شباكها وجلست ع السرير وكل تفكيرها ب عامر :ياخي ليه بعد هالسنين اشوفه يعني احارب نفسي انساه وماافكر ولما تعبت وحاربت يطلع لي بس جميل جميل
في بيت فاضل:
عمار طلع غرفته واخذ شور ولبس وراح على سريره وكل تفكيره بأمجاد وكيف كبرت واحلوت كذا ومتضايق انهم بيرجعون الرياض:يعني طول عمري اقول ماابي الخبر وابي الرياض الحين انقلب الحال كذا اهخ ياأمجاد
اليوم الثاني الساعه ٣:٠٠ مساءً
ارسل يوسف:نمت اجمل نومه بحياتي وتوي صحيت تخيلي
مها:حتى انا وربي نمت وانا خلاص جسمي كله يعورني من الفستان
يوسف:مو مصدق للحين احس اني بحلم
مها:حتى انا ماتصدق كيف شعوري امس ملخبط وغريب
يوسف:صدمتيني امس بجمالك يعني اوك اعرف انك جميله وهذا شيء مافيه شك بس امس كنتي غيييير
مها:ياروحي والله
يوسف:الواحد الحين يقدر يداوم ويروح ويجي وهو مبسوط
مها:اي والله الحمد لله ارتحت خلاص كنت شايله هم الملكة وكيف وشلون
يوسف:يابعدي
بعد مرور شهرين وتحديداً يوم الخميس:
اسماء ومحمد راحو المستشفى لان كانت اسماء تحس بغثيان وتعب وراحت تحلل وكانو متوترين وخايفين
الدكتوره:ماشاء الله طلعتي حامل
اسماء:حامل؟دكتوره متأكده
الدكتوره:اي متأكده ياحبيبتي ربنا يتمم لك على خير
اسماء طلعت من المستشفى متوجه للسياره ومو مستوعبه وخايفه
محمد:وش قالت لك
اسماء:محمد
محمد:هلا شفيه
اسماء:الدكتوره قالت لي انتي حامل
محمد:صدق
اسماء:اي
محمد مسك يدها وباسها:الحمد لله يارب
اسماء:ودني لاهلي
محمد:ليه
اسماء:مدري احس اني خايفه بروح لامي
محمد:خايفه من ايش
اسماء:محمد ودني
محمد:طيب ابشري بس اهدي انتي الحين
اسماء حطت يدها على بطنها ودمعت:احس بشعور غريب
محمد:طبيعي ياروحي اول مره تحملين وبعدين الخبر غريب عليك عادي
توجهو لبيت فاضل وكان الوضع بالسياره صمت واسماء ترن بأذنها كلمت الدكتوره ومو قادره تستوعب
وصلو ونزلو محمد سلم على فاضل واخذ فنجال قهوه وراح بيته
اسماء:توي جايه من المستشفى
احلام:بسم الله شفيك
فاطمه:شصاير
اسماء:تخيلو
احلام:وش
اسماء:طلعت حامل
فاطمه صرخت وقامت حضنتها:يمه مو مصدقه
احلام:يااااروحي وش هالام الحلوه هذي
اسماء:ياروحي انتو
اسماء:تدرون مالي نفس اروح بيتي شكلي بجلس هنا اسبوع
احلام:شكل الوحام مسك على محمد
فاطمه:شكله والله
اسماء:هههههههه ماله دخل محمد بيتي كذا طفشت منه
بعد مرور شهر ويوم ولادة ساره
كانو كلهم متوترين وخايفين وينتظرون الخبر من امهم لانها مع ساره بالمستشفى
مها:امي شفيها طولت مادقت خلاص تعبت انتظر
عبير:حتى انا تعبت وطفشت
بعد مرور ساعتين دقت هدى على مها:ابشركم ساره ولدت وجابت اجمل بنت
مها بكت وقالت:الحمد لله الحمد لله
عبير:اهخخ اخيراً الحمد لله
مها:امي بتجلسين عندها اليوم؟
هدى:اي وبكره تجون انتو
مها:ان شاء الله
سهرو مها وعبير وسوو قهوه وقعدو يخططون وش يسوون بالزواج وكيف شعورهم وحماسهم
وانتهى اليوم ونامو
الساعه ٣:٠٠ صحو وافطرو وتوجهو للسياره رايحين المستشفى دخلو وتوجهو للغرفه
مها راحت لساره:الحمد لله على السلامه وتتربى بعزك يارب
ساره:ياحبيبتي انتي
مها راحت للبيبي:يمااامي وش الحجم هذا باكلها مقدرر
عبير:وشو ذا نتفه نتفه