ياضحكة الباكر اللي ماتوقعته

ياضحكة الباكر اللي ماتوقعته ٢١

صباح يوم جديد على ابطالي وتحديداً بالديره:
عبد الرحمن:قومو الحقو صلاة الجمعه ياعيال
عمار:طيب ياعمي
يوسف:دقايق يبه
عبد الرحمن:قومو ماباقي شيء البسو واطلعو
يوسف:طيب يبه
عمار قام:يالله صباح الخير
يوسف:عمار كم الساعه
عمار:الساعه١١ باقي ساعه ع الاذان
يوسف:الله يهدي ابوي بس
عمر:قومو ياعيال يلا على مانفطر بيروح الوقت
عمار:ايش الفطور
عمر:البنات يجهزونه
يوسف قام وغسل وجهه وفتح جواله ولقى اشعار من مها قبل ٥ دقايق:وش تبغون فطور؟
يوسف:اي شيء منك حلو
مها:صدق ترا مااستهبل وش تبون بسرعه
يوسف:اي شيء عادي
مها:تحب البيض؟
يوسف:احب كل شيء من يدك
مها:لاتخليني اسحب عليك واخليك جوعان اخلص
يوسف:اي احبه بس اسمعي
مها:هلا
يوسف:في نعناع
مها:اي
يوسف:سوي لي كوب
مها:تمام
مها قامت تسوي طبق بيض وشاي نعناع
فاطمه:هذا لمين؟
مها:للعيال
فاطمه:اهاا تمام جوعانه ياخي
مها:بخلص فطورهم واسوي لنا انا وانتي
فاطمه:اوك
مها سوت الفطوو وخلصت
مها:اي اسمعي تعالي ساعديني طلعي من الثلاجه القشطه والجبنه
فاطمه:صايره تتدلعين العيال شعندك
مها توترت وقالت:شفيك اخوي يقول ابي فطور جوعان اكيد بسوي لهم شيء زين
فاطمه:اي الله يخليكم لبعض
مها:اهخ منك يالخفيفه كل اللي حولك شكو
مها ارسلت خالد:اسمع قول ليوسف الفطور جاهز تعال خذه عند الباب
خالد:طيب
راح ليوسف وقاله:خاله مها تقول الفطور جاهز تعال خذه يوسف راح ياخذ الفطور وكتب لها:تسلم يدك
مها:الله يسلمك،عافيه
يوسف:يعافيك ياعيني
مها راحت تفطر مع بنات عمها وصور لها يوسف الشاي وكتب:‏كاسة شاي نعناع، من يدّك وكم ضحكة أسرقها من عيونك، هذا كل اللي أحتاجه هالأيام.
مها ابتسمت وطلعت من المحادثه وتوجهت تفطر مع البنات
احلام:اهخ تعودت عليكم مو مصدقه بكرا بنمشي الرياض
مها:بشتاق لكم والله
عبير:متى بتجون طيب
احلام:قريب عيد الاضحى
عبير:اهخ يعني شهرين مابنشوفكم
احلام:للاسف
مها:يلا معليه
جات الساعه ١٠:٠٠ بالليل وكانو شابين الضو وجالسين يسولفون ويتقهوون
يوسف ارسل:تبين كرك؟
مها:لا قاعده اشرب هوت شوكليت
يوسف:طيب ماتسألين ابي ولا لا
مها:تحبه؟
يوسف:احب كل شيء انتي تسوينه
مها:ياربي منك تبي اسويلك؟
يوسف:اتمنى
مها:تمام بسوي خل خالد يجي ياخذه
يوسف:انا بجي
مها:لا خيير البنات بالحوش
يوسف:الباب الثاني
مها:يوسف ترا اللي قاعدين نسويه غلط ابوي وعمامي كلهم فيه
يوسف:ياخي مابنسوي شيء عطينيه انتي عند الباب
مها:اوف تمام خمس دقايق وتعال عند الباب
يوسف:اجيك يسلم راسك وشلون ماجيك
مها ابتسمت وطلعت برا المحادثه وتوجهت للمطبخ طلعت الحليب والكاكاو والجالكسي وقعدت تسوي
فاطمه:توك شاربه هذا لمين
مها:بسم الله فجعتيني لاخوي
فاطمه:اها
مها ارسلت:وينك انا ع الباب
يوسف:جاي
مها واقفه تنتظره وخايفه لايشوفها احد جاء يوسف:امسكي الفروه ماابيها
مها:لا مااحتاجها خذها
يوسف:برد ترا اليوم
مها:ماابيها اقولك
يوسف:بروح البقاله بعد شوي تبين شيء؟
مها:لا