ياضحكة الباكر اللي ماتوقعته

ياضحكة الباكر اللي ماتوقعته ٤٧

مها:والله
يوسف:انا طفشت منها
مها:ههههههههه
جاء وقت الرحله وقامو متوجهين للطياره وماسكين يد بعض ومها ميته خوف دخلو الطياره وجلسو وكانت يدها ترجف مسكها يوسف:بنت اهدي شفيك انا معك
مها:بطني يعورني خايفه
يوسف شد على يدها واقلعت الطياره وشدت يده بقوه
يوسف:اظافرك يالطيبه غرزتيها فيني
مها:احسن
يوسف:اوح
مها:اسكت مو وقتك انا بموت
يوسف:الحين يهدا كل شيء وماتحسين اصلاً انك فوق
مها حطت راسها على كتفه ومسكت يده بقوه وابتسم ويبدو انه عايش اجمل لحظاته
في بيت فاضل:
اسماء:بروح موعدي شوي وخايفه
احلام:خايفه من ايش
اسماء:مدري
فاطمه:نهدا نهدا مافي شيء يخوف
اسماء:مشتهيه قهوه بس خايفه اشربها
احلام:اشربي قليل لاتكثرين
فاطمه:اي شيء بسيط
اسماء:خايفه والله
احلام:شرايكم بما اننا بالخبر نكلم بنات عمي نروح مول بكره كلنا
اسماء:كيفكم انا ماابي
احلام:ليه ياخي اطلعي غيري جو
اسماء:مالي خلق والله
فاطمه:كيفك احلام خل نروح والله طفشانه
احلام:تمام بكلمهم شوي
فاطمه:تمام
وصلو مها ويوسف الساعه ٦ المغرب وكانو تعبانين دخلو الفندق ونزلو اغراضهم وتعشو ونامو عشان يطلعون الصباح بدري
بيت فهد:
ساره:تعتبتي ياخي بس تصيح خلاص
هدى:هذا العمر يتعب والله ولازم الحوسه ذي
عبير:خليها عندي انا انومها والعبها واسوي لها كل شيء
ساره:حبيبتي يومين وتطفشين منها
عبير:لا والله حبيبتي ذي مااطفش منها
ساره:عاد تصدقون احس اذا مها جابت بيبي بيكون عند ابوي غيييير مدري احسها مرا يحب مها
عبير:اي حتى انا عاد ابوي مع مها غير
ساره:اي وماقد شفته متأثر بس بزواجها طول الوقت مدمع ياروحي هو
هدى:لان يوم كانت صغيره كانت طول وقتها معه وتروح وتجي معه
ساره:اي واذكر تنام عنده احيان
هدى:اي وجريئه معه تبوسه وتحضنه وتروح معه كل مكان انتو كنتو تستحون شوي
عبير:تتوقعون الحين نايمه؟اشتقت لها ودي ادق اسولف
ساره:قبل شوي تقول وصلنا بعد رحله اكثر من ٨ ساعات
اكيد انها تعبانه
عبير:اصلاً عادي مرا يازين الخبر بس
ساره:وانا بسافر بعد كم يوم
عبير:بعد؟لا اكتملت صدق
ساره:اي والله تركي يقول بنروح لندن كم يوم بنغير جو وبعد الولاده ودي اخذ فتره نقاهه
عبير:خلاص زوجوني تعبت تركتوني كلكم وجع
ساره:لاحقه لاحقه
صباح يوم جديد على العرسان😂:
الساعه ٦:٠٠ صحت مها واخذ شور وحطت ميكب خفيف وسوت شعرها وتعطرت ولبست وصحى يوسف اخذ شور ولبس وتعطر واخذو جوالاتهم والمظلات بحال جاء مطر وطلعو يتمشون
مها كانت لابسه بنطلون ابيض وتوب ابيض وجاكيت بني
يوسف كان لابس بنطلون جينز وبلوفر ابيض طلعو وراحو يفطرون بمطعم بعدها اخذو قهوه وقعدو يتمشون مع بعض ويسولفون ويصورون وبقمة الروقان والهدوء
بعد مرور سنه كامله:
اسماء جابت ولد وسمته عبد العزيز وزوجة عبد الله جابت توأم عيال والعائله كانت سعيده
يوم من الايام:
مها حست بغثيان وكانت خايفه تحلل وتكون حامل
راحت الصاله:يوسف
يوسف:هلا
مها:جيب لي من الصيدليه هذا
يوسف:وش ذا
مها:جيبه حق الحمل
يوسف:حمل ايش وش تخربطين انتي
مها:ياخي جيبه ابيه
يوسف:تمام
طلع وراح الصيدليه يجيبه ومها كانت ميته خوف وكانت مجهزه بوكس بحال انها طلعت حامل كان فيه شوز اطفال صغير وفيه لبس بيبي ابيض وورقه مكتوب فيها(جاهز انك تكون بابا؟انتظرني بعد ٩ شهور احبك مرا وماما تحبك)حطتها ع السرير ومتوتره وتنتظر يوسف يجي
دخل يوسف واعطاها وراحت ركض وحللت وطلعت حامل😭 بكت وطلعت راحت الغرفه ولبست فستان ابيض وقعدت ع السرير
وجاء يوسف:شفيه وش طلع
مها:ولاشيء بس افتح البوكس ذا شوف وش فيه جاء امس ومافتحته
يوسف فتحه وانصدم وقعد يقرا الورقه والشوز بيده وصنم عند الورقه مو قادر يتكلم مها ابتسمت ووقفت
يوسف ناظر فيها ودمع:صارت؟
مها بكت وقالت:صارت
توجه لمها وحضنها بقوه:يادنيتي انتي الله يخليك لي ويتمم لك ويخلي لي اللي ببطنك
مها:امين يارب
يوسف قعد ع السرير واخذ منديل يمسح دموعه ومها حطت يدها على كتفه:مو مصدقه خايفه وفرحانه بنفس الوقت