احلام:عمار وش اشتريت شفتك تحت اول
عمار:اخذت تيشيرتات بس وجاء صاحبي وتعشينا مع بعض
احلام:ماتقهويت
عمار ابتسم وقال:الا اخذت قهوه وكانت الذ قهوه اشربها بحياتي
امجاد ابتسمت وبنفس الوقت انقهرت
احلام:اوف اوف ليه
عمار:لذيييذه صراحه
احلام:وش اخذت
عمار:كراميل ميكاتو
احلام:اهاا
فاطمه:يوه لذيذه مرا ذي
عمار:بالحيييل
وصلو البنات ودخلو داخل وتوجهو للسطح وحطو الفرشه وجابو خرابيط السهره وقعدو يسولفون
الساعه ٢:٠٠ فاطمه:اشتهيت شاي
احلام:اوووه حتى انا
فاطمه:امجاد تروحين معي نسوي؟
امجاد:تم يلا
نزلو تحت ووصلو نص الدرج قالت فاطمه:دقيقه نسيت جوالي روحي المطبخ الحين اجيك
امجاد نزلت وطلع عمار من غرفته بينزل وشافها ع الدرج ووقف يناظر وابتسم
امجاد من الصدمه وقفت وماقدرت تتحرك وكانت فاتحه شعرها ولابسه جينز وتيشيرت اسود
عمار:اشوف الصدف قاعده تكثر
امجاد:وش قصدك
عمار:طفشت وانا اشوفك بكل مكان
امجاد:لاياشيخ محد ميت عليك ترا
عمار ضحك وقال:ووش منزلك من فوق
امجاد:مو شغلك
عمار:اوف شفيك تكلميني كذا
امجاد:يع تراك مستفز وتجيب المرض
عمار:اوح ليه وش سويت
امجاد:خلاص انقلع ماسويت شيء
عمار:انقلع؟وش هالاسلوب التبن ذا
امجاد:اسلوب تبن واخلاق تبن وش تبي
عمار:اوفف معترفه يعني
امجاد:خلاص ياخي انطم
جات فاطمه تغني من فوق وعمار ركض على طول تحت
امجاد ضحكت:الحمد لله والشكر
فاطمه:شفيك واقفه للحين انتي
امجاد:كنت ع الجوال اشوف شيء
فاطمه:امشي امشي
دخلو المطبخ يسوون شاي ويغنون مع بعض وكان عمار ورا الشباك ويضحك ومبسوووط ووده مايرجع الرياض ابد
امجاد:تدرين ودي اسوي هوت شوكليت ماابي شاي
فاطمه:سوي لك ياروحي عاد انتي ماشربتي قهوه
امجاد:اي شكلي بطلب احس اشتهيتها
فاطمه:بكلم امي امكن تبي قهوه بعد
امجاد:تمام روحي قولي لها
فاطمه:تمام
طلعت وراحت غرفة امها وعمار راح للكوفي اللي جنبهم وجاب لها قهوه
اخذو البنات الشاي وطلعو السطح وامجاد فتحت جوالها بتطلب وعمار ارسل لفاطمه:تعالي الغرفه ابيك
فاطمه نزلت وفتحت الباب هلا عمار:في قهوه جبتها وماابيها عطيها اي احد من عندك
فاطمه:بسم الله كأنك حاس انو امجاد تبي قهوه
عمار:امجاد بنت عمي عبد الرحمن؟
فاطمه:اي شفيك ناسي
كان يسوي نفسه غبي عشان ماتشك
عمار:تمام عطيها
فاطمه:اوك
اخذت القهوه وكانت حاره وطلعت فوق:امجاد طلبتي؟
امجاد:قاعده اطلب
فاطمه:خلاص كنسلي خذي
امجاد:وش ذا
فاطمه:قهوه
امجاد:شلون جبتيها
فاطمه:مو انا جبتها عمار
امجاد:عمار؟
فاطمه:اي يقول جبتها وماابيها عطيها اي احد او خذيها وانتي كنتي تبين قهوه وماشربتي
امجاد ابتسمت واخذتها وقعدت تشرب وعارفه انه بيعوضها على حقتها اللي اخذها
انتهى اليوم والكل توجه لبيته ينام
دخلت امجاد غرفتها وكانت مبسوطه من الموقف اللي بالمول ولما شافته ببيتهم وهي من طفولتها تحبه:ياربي شصاير فيني انا شفيني صرت كذا
فتحت الجوال ولقت اضافه سناب وقبلت وارسل لها:عوضتك بالقهوه اللي اخذتها منك عشان ماتقولين ذا قليل ادب
انصدمت وشقهت:بسم الله ذا وش عنده وكيف جاب سنابي
ارسلت:كيف جبت سنابي
عمار:ذي مو سالفتنا انا اتكلم عن القهوه
امجاد:وانا اتكلم كيف جبت سنابي؟
عمار:مو لازم تعرفين
امجاد:الا لازم
عمار:من فاطمه
امجاد:كيف اخذته
عمار:بسيطه قلت لها بشوف شيء ودخلت السناب وكبشرت ع اليوزر
امجاد:وليه ذا كله
عمار:عشان اعلمك بس اني شخص محترم وادري غثيتك بالمول بس عوضتك
امجاد:محترم وانت تمشي معي بالسوق كأني اختك وتسولف ولما شفتني ببيتكم ووقفت وتكلمت
عمار:شفيك مشيت معك لان العامل كان بيجي وانتي تعرفين بعض العيال كيف نيتهم وعشان اوصل القهوه معك ولما كلمتك صراحه كنت طفشان وشفتك وسولفت
امجاد:ماشاء الله
عمار:بس صدمتيني اذكرك بزر كنت اصفقك وانتي صغيره
امجاد:انت هيه شفيك طقيت ميانه على طول
عمار:امجاد لانخبي على بعض كلنا ندري انك تحبيني
امجاد:ايش احبك؟من متى
عمار:من وحنا صغار ومتأكد للحين
امجاد:ترا اخذ بنفسك مقلب انت
عمار:طيب احلفي انك ماتحبيني
امجاد:وليه احلف على شيء تافه
عمار:انا عندي مو تافه احلفي
امجاد:ارفع علومك
عمار:اخص اخص مرفوعه علومي بس الحين لاتغيرين السالفه احلفي
امجاد:ماابي احلف عمرك ماصدقت
عمار:شفتي قلت لك كلنا عارفين الحقيقه
امجاد:ترا كنت بزر لما كنت احبك
عمار:ولازلتي تحبيني ادري
امجاد:مو على كيفك داخل قلبي انت شايفه؟
عمار:لا بس اللي اعرفه حب الطفوله مستحيل ينمحي
امجاد:ياليل فكنا بالله من السوالف ذي
عمار:ليه تدرين انها اجمل ايامي لما كنا بالخبر كلنا واحنا اطفال تذكرين لما نلعب كوره فريقين وتقولين انا ابي مع عمار يوووه ياحلو هالايام
أنت تقرأ
ياضحكة الباكر اللي ماتوقعته
Lãng mạnروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
