ياضحكة الباكر اللي ماتوقعته

ياضحكة الباكر اللي ماتوقعته ٤٣

امجاد:يووه عاد مااحس وليد كذا مو لايق عليه
يوسف:ههههههه ياما تحت السواهي دواهي
مرام توجهت لغرفتها ودقت على هدى:سلام
هدى:ياهلا بأوخيتي وعليكم السلام
مرام:كيفكم اخباركم
هدى:بخير الحمد لله كيفك انتي وعيالك
مرام:بخير الحمد لله
اسمعي انا صراحه داقه عليك بخصوص موضوع مهم
هدى:وش تكلمي
مرام:حنا نبي القرب منكم وبنجي نخطب مها لولدنا يوسف بس قلت اكلمك قبلها واشوف رايك ومتى يناسبكم
هدى:ياحبيبتي هذي الساعه المباركه والله انا بشوف راي ابوها ورايها واكلمك
مرام:تمم خذي راحتك ياروحي
هدى:ياحبيبتي الله ييسرها
قفلت المكالمه هدى وكانت تفكر بالموضوع وخايفه ترفض مها مثل مارفضت اللي قبله وهي تعز اختها وتحبها مرا
نزلت الصاله تتقهوى
فهد:شفيك بغرفتك طولتي
هدى:كنت اكلم مرام
مها فزت وطالعت فيها وابتسمت
فهد:وش تبي عسى مافيهم شيء
هدى:لا الحمد لله طيبين بس داقه علي بخصوص موضوع
فهد:وش موضوعه
هدى:يبون بنتك لولدهم
مها اخذت جوالها وطلعت غرفتها تركض وابتسامتها شاقه وجهها
فهد:صادقه
هدى:اي والله يبون مها لولدهم يوسف
فهد:والله ونعم والله انه رجال بس بنتك الحين وش يفهمها
هدى:روح كلمها انت انا لو كلمتها ماراح تفهمني
فهد:تمام بروح لها
طلع غرفتها وطق الباب ودخل:مها تعالي يابوي بقولك شيء
مها:سم يبه
فهد:اسمعيني يابنيتي عمك عبد الرحمن يبيك لولده
مها ابتسمت وحاولت تخفي ابتسامتها ونزلت راسها وشدت على يدها
فهد:انتي تعرفين كيف عمك عبد الرحمن يعزك ويحبك
مها:حتى انا والله اعزه واحبه
فهد:ويوسف رجال محترم ومتربي وموظف ومو ناقصه شيء فكري ياوليدي لاتستعجلين وردي لي
مها:يبه انا موافقه
فهد:موافقه!!صادقه
مها:اي صراحه عمي اعزه وبنات عمي علاقتهم حلوه معي ويوسف مو ناقصه شيء ووظيفته زينه
فهد حضنها وقال:والله وكبرتي يابنيتي وبتخليني مثل اختك
مها صاحت وحضنته بقوه:يابعد الدنيا واهلها والله اني مااخليك وبجيك كل يوم
فهد:الله يخليتس لي ويوفقك ويسعدك
مها:امين ياحبيبي انت
فهد نزل تحت وحضن زوجته هدى:ابشرتس وافقت
هدى:وافقت؟تمزح معي
فهد:لا ماامزح وافقت بنتك
هدى:ووش فيك كذا بتتشقق من الفرحه
فهد:هذي مها شلون ماتبيني افرح شلون كبرت كذا والحين بتتزوج
هدى:هذي سنه الحياه
عبير دخلت عند مها بتاخذ الشاحن ولقتها تصيح
عبير:بسم الله شفيك انتي
مها ركضت وحضنتها: خطبني ياعبير خطبني
عبير:وش فيه وش تقولين
مها:يوسف خطبني
عبير شهقت بقوه وحضنتها:يمه صادقه انتي
مها:اي والله ابوي توه طلع من عندي
عبير بكت:يابعد روحي انتي قسم بالله انه رجال وانه محظوظ فيك
مها:ياروحي اهخ فرحانه يامها فرحانه حاسه بشعور يجنن
عبير:يادنيتي انتي الله يتمم لك ويديمكم لبعض
مها:امين يارب
عبير:يعني الحين بقعد لحالي هنا
مها:هههههه شفيك لسى مارحت ترا
عبير دقت على ساره:الووو
ساره:هلا
عبير:سااااره تخيلي
ساره:بسم الله شفيه
عبير صاحت ومسكت يد مها بقوه:تخيلي مها انخطبت
ساره:احلفي
عبير:وربي ومين بعد حبيب القلب
ساره:اووووففف سواها يوسف
عبير:اي اي ابوي توه كلمها
مها:اهخ ياساره مبسوطه بطير من السعاده
ساره:ياروحي الله يتمم لك ويسعدك يمه قلبي عورني
مها:ساره ودي احضنك احس مو قادره اصدق
ساره:ياااعمري عاد تصدقين ماكنت متوقعه يسويها يوسف لاكن والله انه رجال وقد كلمته الله يهنيكم ويخليكم لبعض
مها:امين يارب
في بيت عبد الرحمن:
مرام توجهت لغرفة يوسف طقت الباب ودخلت:سلام
يوسف:ياهلا وعليكم السلام
مرام:ابشرك
يوسف:وش صار
مرام:كلمت هدى وكلمت فهد وقالت لي حياكم بالوقت اللي يناسبكم
يوسف طار من السرير:يعني وافقو يمه ابوها وافق
مرام:اي وافقو ويبون نجيهم عشان يتم كل شيء
يوسف باس راسها وقعد يدور بالغرفه والدمعه بعينه:ومتى بنروح
مرام:امكن بعد بكره
يوسف:بكره يمه بكره
مرام:لا بعد بكره شفيك انت لاتحمس على طول اهدا
يوسف:مقدر يمه مقدر خلاص صبرت كثير
مرام:اصبر يوم بعد مايضرك