في بيت عبد الرحمن
الام:يابنات روحو لمجلس الرجال بخروه وسوو القهوه الحين بيوصل عمكم
جنى:رتبت المجلس وبخرته ياامي وراح يوسف يجيب الحلى والاغراض الناقصه
امجاد:انا بسوي القهوه واحطها واطلع احط ميكب خفيف
جنى:تمام يلا انا باخذ شور وبلبس
امجاد:تمام لاتتأخرين
جنى:اوك ماراح اطول
جهزو ولبسو وينتظرون عمهم وخالتهم اللي صار لهم شهرين ماشافوهم
في بيت فهد
تجهزو وخلصو وتوجهو للسياره وعمر ركب سيارته وتوجهو لبيت عمهم
فهد:والله اني اشتقت لاخوي وعياله
عبير:وانا اشتقت للبنات
مها:ساره وين ماكلمتكم
الام:تقول ع العشاء بتجي
عبير:اهخخ مشتاقه لخلود
مها:ترا شفتيه الاسبوع اللي راح شفيك
عبير:اشتاق له كل يوم والله
وصلو والعم واقف ع البوابه يرحب فيهم نزلو البنات والاب وتوجهو يسلمون على عمهم
عبد الرحمن:ياهلا والله ببناتي كيفكم اخباركم
مها:بخير ياعمي انت كيفك وحشتنا والله
عبد الرحمن:والله انتو وحشتوني اكثر يابنيتي تفضلو تفضلو
دخلو البنات جوا متوجهين لغرفه الحريم
جنى:ياااهلااا وحشتوووني بنات
مها:هلا فيك وحشتيني اكثر ياجنوونتيي
جنى:يامرحبا توه نور بيتنا
مها:بنورك ياحلوه
جلسو وتقهوو وسواليف وجات ساره
عبير فزت من سمعت صوتها تسلم ع الباب قالت لمها جاء خلوودييي
مها:الولد ذا مدري وش مسوي لك
عبير:اسكتي ذاا حبيبي
دخلت ساره وسلمت وجلست جنب مها تتقهوى وخالد وسامي رايحين جايين يلعبون وطبعاً عبير معهم
ساره:مها ترا بروح معكم وبشرك بنام عندكم
مها:احلفي
ساره:وربي زوجي مسافر رحلة عمل ثلاث ايام
مها:الله اخيييراً بنسهر سوا وينام خلود جنبي
ساره:اي تبون خلود انا ساحبين علي طبعاً
جاء وقت العشاء ودخل يوسف ينزل الاغراض جوا وتوجه لغرفته ياخذ مفتاحه ونزل بيطلع من الباب اللي قريب غرفه الحريم ورفع عينه الا ويشوف الجمااال اللي ماقد شافه في حياته
مها كانت تعدل روجها ع المرايه وشافت يوسف يناظر فيها لفت وجهها وناظرت فيه وماعرفت ايش تسوي وتوجهت للغرفه وجلست مكانها ويدها ترجف ماتوقعت ان يوسف كبر وصار وسيم لهدرجه طبعاً يوسف ومها كانت طفولتهم مع بعض ومواقف كثير صارت وهم اطفال
حاولت انها تنسى اللي صار لاكن كانت نظراته عالقه براسها وتحاول تتخطى
مرام:تفضلو ع العشاء حياكم الله
تعشو وبعدها جلسو يسولفون ويكملون السهره
جنى:شرايكم نطلع الحوش بنات
عبير:يلا مشينا
مها:برد بنات
جنى:عادي بجيب لكم بلوفرات
امجاد:يلا روحو وبسوي لكم هوت شوكليت واجيبه
مها:يالبيييه انتي جوي
امجاد:يلا اطلعو
طلعو البنات ويتمشون الا ويشوفون ظل عند الباب
جنى:ذا اكيد يوسف معليكم يروح البوابه الثانيه يدخل منها
عبير:يووه يوسف اخر مرا شفته قبل سنتين
جنى:هههههه كبر الاخ وازعجنا يقول اخطبو لي
عبير:اوف عاد للحين بزر شفيه مستعجل
امجاد:جيييت
مها:هلا هلا
امجاد:بنات ماتبون نشعل الضوء
مها:كيفكم
جنى:اي احس برد
امجاد اشعلت الضوء وقعدو يسولفون والهوت شوكليت بيدهم
امجاد:حطت اغنيه وقعدت تصور جنب الضوء
مها:حطي اغاني زينه بنصور كلنا
امجاد:وش تحبين انتي
مها:حطي محلا اللقى وياك
امجاد:اوو طلعتي ذويقه حتى بالاغاني
مها:هههههه افا عليك
يوسف كان جاي بيدخل وسمع الاغنيه ووقف ع الباب يسمع وكل تفكيره ب مها ومو قادر يتخطى اللي شافه
خلصت السهره وراحو بيتهم
ساره:مها بتنامين
مها:لا انتي بتنامين
ساره:لا بنوم خالد وسامي واجي غرفتك نسهر للفجر
مها:خالد ينام عندي قلت لك
ساره:بيزعجنا يامها معليك انا بسهر عندكم بعدين اروح انام عنده
عبير:خير وانا
مها:تعالي غرفتي انتي بعد
عبير:بلبس بجامتي واجيكم ياويلكم تسولفون بدوني
مها:معليك ساره مطوله بعد بتنوم عيالها
ساره راحت الغرفه ولبست بجامتها وقعدت تنوم خالد وسامي
مها بغرفتها تمسح الميكب وكل تفكيرها بيوسف ونظراته
مها:وجع شفيني انا ارجف خلاص لازم اطلعه من تفكيري شذا نظره تسوي فيك كذا بعدين مين يوسف ذا لي خمس سنين واكثر عنه
أنت تقرأ
ياضحكة الباكر اللي ماتوقعته
Romanceروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
