ياضحكة الباكر اللي ماتوقعته

ياضحكة الباكر اللي ماتوقعته ١٦

مها:على ٩ كذا
يوسف تمام خلوكم جاهزين
مها:تمام
مر الوقت وجو احلام وفاطمه وقعدو يفطرون وعلى الساعه ٩
جنى:بنات يوسف يقول شرايكم تتقهوون برا
مها ابتسمت وقالت:تمام ماعندي مشكله
احلام:تمام
فاطمه:الله يلاا مشينا
امجاد:تمام
جنى:يلا البسو بنطلع
قامو البنات وتجهزو ولبسو عباياتهم وتوجهو للسياره
مها ركبت اول وحده:سلام
يوسف:وعليكم السلام
مها:ثواني الحين يجون
يوسف:ان شاء الله يطولون
مها ناظرت فيه وابتسمت ولفت وجهها ع الشباك
يوسف:تبين اغنيتنا؟
مها من سمعت اغنيتنا ابتسمت وقالت:اي
يوسف:تم
شغلها وجو البنات ركبو ومشو والاغنيه شغاله
امجاد:ياليل ازعجتني فيها يايوسف
جنى:منجد وامس بعد حاطها
مها:شفيكم حلوه الاغنيه
جنى:هي حلوه بس ازعجنا فيها
امجاد:خلاص غيرها
مها:لا خليها تخلص
يوسف ابتسم وناظر المرايه ومها كانت تناظر فيه وتحاول تخفي ابتسامتها
وصلو الكوفي ونزلو البنات
جنى:يوسف وين بتروح
يوسف:باخذ قهوه واجلس بالسياره لين تخلصون
جنى:اما بتجلس لحالك روح لعامر واذا خلصنا ندق عليك
يوسف:لا ماعليك بتكي على جوالي واتقهوى
جنى راحت للبنات وطلبو الحلا والقهوه وقعدو ينتظرون ع الطاوله مها كانت تطالع بيوسف بالسياره وهو يناظر فيها
ارسلت له:خلاص لاتناظر ترا كلهم بيشكون
ارسل:خليهم يشكون
ارسلت:يوسف تكفى ماابي يدرون بعدين ترا نظراتك توترني
ارسل:وش ذنبي طيب اذا انتي حلوه لهدرجه
ابتسمت وقفلت جوالها وقعدت تسولف مع البنات كان يشوفها من بعيد ويبتسم
تقهوو البنات وسولفو وصارت الساعه ١١
جنى:شرايكم نمشي
مهت:اي يلا
امجاد:مها بتروحون معنا البيت؟
مها:لا بنرجع بيتنا وراي مشوار بالليل لازم انام
امجاد:اما
مها:والله اصلاً ملكة محمد بعد بكره وحوسه مرا
امجاد:الله يعينكم
طلعو البنات وتوجهو للسياره
جنى:يوسف مها وعبير بنوصلهم بيتهم
يوسف:تمام
وداهم بيتهم ونامو على طول
صحو على ٩ بالليل وطلعو يخلصون امورهم
في بيت عبد الرحمن
جنى:اهخ تعودت عليهم يومين مدري كيف اليوم بجلس كذا طفشانه
يوسف:ليه ماراح يجون؟
جنى:لا مشغولين ملكة محمد بعد بكره
يوسف:يوووه نسيت تصدقين
جنى:مها مرا مضغوطه واليوم عندها مشوار مهم
يوسف:الله يعينها
امجاد:اسمعي فستان مها وش كان لونه نسيت؟
جنى:رمادي
امجاد:اي ذكرت الله يجنن
جنى:اي مرا حلو
يوسف طلع غرفته وقعد ع الانستا يتابع وشاف مها منزله ستوري طار من الفرحه وفتح الاستوري وكانت منزله اغنيه يابعدهم كلهم ابتسم وقعد يعيد الاستوري مليون مرا
ومر يومين وجاء اليوم المنتظر ملكة محمد واسماء💜
الساعه ٦:٠٠ وتحديداً بالشاليه
مها:يمه متى بيجون الضيوف
هدى:على ٨ كذا امكن
مها:تمام بطلع اصور بالحوش
هدى:تمام انتبهي
اسماء:فاطمه كيف شكلي في شيء ناقص
فاطمه دمعت:لا تجننين استودعتك الله
اسماء:حبيبي لاتبكين ماابي مكياجي يخرب
احلام دخلت:ياااربي وش هالجمال اسماء بسم الله عليك
اسماء:امانه حلو؟
احلام:تجننين ماشاء الله
مها توجهت لغرفة العروسه تكلم المصورات دخلت:ياعروسة قلبي انتي
اسماء:حبيبي انتي
مها:محمد خمس دقايق وبيدخل بنات
احلام:تمام يلا فاطمه امشي بنطلع