يوسف:اي
مرام:تتكلم من جدك انت ولا تمزح معي
يوسف:لا والله اتكلم جد
مرام:ووش عرفك بمها انت
يوسف:شفتها مرا بالصدفه وخواتي دايم معاها ويمدحونها والبنت واضح انها مؤدبه ومحترمه وعمي فهد اعزه واحبه وهو نفس الشيء بعد
مرام:انا بزوجك وحده من بعيد مو مرا قريبه مننا
يوسف:ليه
مرام:ازين ياولدي القرب مامنه خير
يوسف:يايمه يابعد راسي انا ابغاها هي وصدقيني ماراح اكون مبسوط وسعيد الا معها
مرام:والحين كيف افاتح اهلها ولا اقول لأبوك
يوسف:عادي ابوي ماراح يعارض علاقته مع عمي حلوه ويعزهم كلهم قولي ان انتي تبينها لي والولد ماعنده مشكله
مرام:الله ييسرها ويكتب لك اللي فيه الخير
يوسف باس راسها ويدها:امين يابعدي امين
طلع وتوجه لغرفته مبسوط ومو مصدق ان الامر مشى بالسهوله والسرعه ذي
مرام قعدت تفكر ومصدومه وشلون مها بتكون زوجه ولدها وشلون هالشيء بيصير
بعد مرور ثلاث ايام:
مرام توجهت لغرفتها وكان عبد الرحمن يقرا كتاب دخلت وقفلت الباب:عبد الرحمن بكلمك بموضوع
عبد الرحمن:وش فيه
مرام:يوسف يبي يتزوج
عبد الرحمن:ايش بيتزوج؟
مرام:اي شفيك
عبد الرحمن:ولاشيء بس انصدمت
مرام:ليه انصدمت تراه كبير ومتوظف ومو ناقصه شيء
عبد الرحمن:طيب ومين بتاخذين له
مرام:مها بنت اخوك
عبد الرحمن:مها ماغيرها
مرام:اي صراحه البنت جميله ومؤدبه ومحترمه
عبد الرحمن:انشهد ماشاء الله عليها بس احسها صغيره
مرام:لا مو صغيره بتدخل ٢١ البنت
عبد الرحمن:ومتى بتروحين لهم؟
مرام:مدري بخليها بعد ملكة وليد
عبد الرحمن:الله ييسرها له
مرام دمعت وهمست:امين
مرام طلعت وتوجهت لغرفة يوسف طقت الباب ودخلت:يوسف
يوسف:يامرحبااا
مرام دخلت وحضنت يوسف وقالت:فاتحت ابوك بالموضوع ووافق وبعد ملكة وليد بعد اسبوعين بكلم هدى
يوسف دمع وحضنها بقوه:الله يخليك لي ولايحرمني منك
مرام:ولا منك ياروحي والله اني لاشفتكم مبسوطين ومرتاحين احس اني مالكه الدنيا كلها
يوسف:يابعد راسي ماتدرين قد ايش فرحت والله
مرام:الله ييسرها
يوسف:امين
طلعت مرام وقعد يوسف يستوعب ان خلاص ماباقي شيء وتكون حبيبته له بالحلال دمع وقعد يتأمل صورها ويتنهد وارسل:صاحيه؟
مها:اي
يوسف:مهاااا واخيراً بتكونين لي
مها:يوسف كلمت امك؟
يوسف:كلمتها وكلمت ابوي ووافقو وافقو يامها خلاص ماباقي شيء وتكونين زوجتي
مها فزت ودمعت ويدها ترجف وكتبت:يوسف صادق ولا تستهبل قاعده ارجف
يوسف:والله اني صادق طاير من الفرحه وربي احس اني ملكة الدنيا كلها
مها:طيب متى بتجون
يوسف:بعد اسبوعين بعد ملكة وليد على طول
مها:الحمد لله الحمد لله يمه مو مصدقه
يوسف:حتى انا مو مصدق وربي ولاتوقعت ان بيفهموني ويوافقون كذا بهالسهوله الحمد لله
مها دمعت وقالت:يعني خلاص بنكون مع بعض
يوسف:اي ياروحي بنكون مع بعض ياعيون وقلب يوسف
مها:احبك يازوجي المستقبلي
يوسف:اعشقك يازوجتي المستقبليه
مها:يمه يدي ترجف وقلبي يوجعني ماكنت اتوقع ان هالحب بتكون هذي نهايته الحمد لله
يوسف:الله يديمك لي طول العمر وبأذن الله بكون لك كل شيء تبينه
مها:انت تكفيني ماابي شيء
يوسف:احس جاتني لحظة ادراك خلاص بصير زوج ومسؤول
مها:حتى انا يمه
بعد مرور اسبوعين وتحديداً يوم ملكة وليد:
بيت فاضل:
احلام:اسماء بتروحين معنا ولا محمد بيوصلك؟
اسماء:معكم
احلام:زين
فاطمه:اسماء بتلبسين فستانك الاحمر؟
اسماء:اي اول مره يشوفوني بعد الزواج وصراحه ابي شيء زين
أنت تقرأ
ياضحكة الباكر اللي ماتوقعته
Romantikروايتي الاولى✨💜. جعلك بعد كل من جاني وخلاني وجعلك بعد كل من جيته وخليته يااخر محطاتي وياخير خلاني ياضحكه الباكر اللي ماتوقعته حساب الكاتبه انستا(raiixli)
