ياضحكة الباكر اللي ماتوقعته

ياضحكة الباكر اللي ماتوقعته ١٨

بعد مرور خمس ايام:
فهد دق على فاضل:كيفك ياخوي اخبارك
فاضل:بخير الحمد لله كيفك انت
فهد:والله بخير الحمد لله اسمع شرايك نطلع للديره يومين قبل تمشون الرياض
فاضل:والله ماعندي مشكله
فهد:وش رايك ع العصر نحرك؟
فاضل:تم اللي تشوفه ياخوي
فهد:كلم عبد الرحمن وقوله
فاضل:ابشر
فهد قفل الاتصال وتوجه للصاله وكلهم كانو جالسين:خلوكم جاهزين العصر بنروح الديره
مها:ليش وش الطاري
فهد:ابد كلمت اخواني وبنروح هناك يومين نغير جو قبل يمشي فاضل
عبير:يعني البنات بيجون؟
فهد:اي كلهم
عبير:اذا كذا تم
مها:اي اذا معنا تمام
فهد:جهزو اغراضكم ع العصر بنمشي ان شاء الله
مها:ابشر يبه
فهد:الله يبشرك بالجنه
مها طلعت غرفتها وقعدت ترتب اغراضها وتاخذ قهوتها واشياء السهره
عبير:تصدقين كملنا سنتين مارحنا الديره كلنا
مها:اي عشان كذا انصدمت لما تكلم ابوي
عبير:بس احس بننبسط صراحه
مها:حتى انا
في بيت عبد الرحمن:
عبد الرحمن:خلوكم جاهزين العصر بنحرك الديره
يوسف:الديره؟ليه
عبد الرحمن:كلمني فاضل يقول فهد قاله بنغير جو يومين كذا تعالو
جنى:الله عمي فهد بيجي تممم
امجاد:الله اشتقت للديره تدرون
يوسف من سمع عمه فهد انبسط:تمام يابوي انا مين بيروح معي؟
عبد الرحمن:خواتك معك انا باخذ امك والاغراض
يوسف:تمام
جنى غمزت ليوسف:تاخذ لنا كوكيز؟
يوسف:من عيوني
جنى:اوف ماعمري سمعت هالكلمه منك
يوسف:خلاص طيب
جنى:هههههههه
اذن العصر وصلو وكل واحد توجه لسيارته
مها:يبه لايكون نسينا شيء
فهد:لا متأكد جبت كل شيء
عبير:مها جبتي البلوفرات ترا بردد
مها:اي جبت معليك
عبير:كلمتي بنات عمي طلعو ولا لسى؟
مها:لا ماكلمتهم
حركو وتوجهو للديره وكل واحد بالسياره حاط سماعته ويتابع مسلسله وصلو ونزلو كلهم
مها:ابوي خايفه تطلع لي حشرات
فهد:لا يابنيتي امس كلمت العمال ينظفون كل شيء
عبير:بدخل الاغراض واحط ميكب خفيف قبل يوصلون
مها:ميكب بالبر شفيك انتي
عبير:خفيف خفيف
مها:اقول بس حطي روج وانتهينا
عبير:وش تبين انتي بحط كيفي
مها:يمه انا مين يبنام معي بغرفتي؟
هدى:مدري عن بنات عمك اسأليهم اذا جو
وصل عبد الرحمن واهله ويوسف وخواته دخلو السياره داخل وتوجهو الرجال للمجلس والبنات للبيت جوا
مها:هلا والله
جنى:هلا فيك وحشتني الديره والله
مها:حتى انا والله
امجاد:بنات اليوم نبي فعاليااات
مها:ابشري بي بس الحين خل نضبط القهوه للحريم واحنا بعد المغرب نسوي قهوتنا