ياضحكة الباكر اللي ماتوقعته

ياضحكة الباكر اللي ماتوقعته ٢٥

احلام:تمام لاتشيلين هم
اسماء:تكفين لاتنسين
احلام:ماراح انسى ياروحي
اسماء:نزلي فستاني معي السياره
احلام:تمام خليه ننزله انا وفاطمه انتي روحي اكلي لك شيء وروقي
اسماء:مالي نفس
احلام:بنت كذا مايصير شفيك متوتره لهدرجه اهدي شوي
اسماء:سوي لي قهوه ماابي اكل
احلام:بجيب لك كروسان معاه
اسماء:تمام
توجهت احلام وسوت لها قهوه وكروسان وطلعت لها بغرفتها
احلام:ياويلك ماتاكلينها
اسماء:الله لايحرمني منك ياشيخه
احلام:ولامنك ياروحي
في بين فهد:
عبير:مها متى بنروح الصالون
مها:على ثلاثه كذا نطلع
عبير:جنى وامجاد متى بيروحون
مها:مدري والله
مر الوقت وجات الساعه ٥:٠٠ البنات بالصالون
جنى:عبير مها وين
عبير:تسوي شعرها
جنى:وانتي متى بتبدين
عبير:بعدها
جنى:بنزل اجيب قهوه من تحت تبين!
عبير:اي جيبي لي سبانيش
جنى:تمام
امجاد:جيييت شرايكم
عبير:وش هالجمااال
امجاد:امانه كيف بنات حلو؟
عبير:يجنن
جنى:كل شيء يجنن والله
امجاد:الحمد لله
مها خلصت شعرها وطلعت تتقهوى برا الى مايجي وقت الميكب ارسل يوسف:الحلو خلص ولا لسى؟
مها:خلصت شعري باقي الميكب
يوسف:متأكد انه حلو وانا ماشفته
مها:انت وين
يوسف:قريب الصالون
مها:صدق؟
يوسف:اي انتظر خواتي
مها:اها
صورت شعرها ع المرايه وطرف عينها وارسلت وشافها يوسف ارسل:ياربي ثبتني هذا ويش
مها:حلو؟
يوسف:يجنن
مها:يلا جاء دوري مع السلامه
يوسف:مع السلامه
دخلت مها وبدت بالميكب والبنات خلصو وقعدو يتقهوون وينتظرونها
جنى:ماكأنها طولت؟
عبير:مرااااا
امجاد:شكلها طالبه شيء معين تسويه لها
عبير:اي مها مايعجبها اي شيء
جات مها:جيييت
جنى:بسم الله علييك مها وش ذا
مها:ايش
جنى:تهبليييين يختي
مها:فجعتيني احسب مو حلو
امجاد:يجنن وربي
مها:تأخرنا بنات يلا عمر تحت ينتظر
امجاد:يلا ويوسف بعد تحت
نزلو كلهم وكل وحده توجهت لسيارتها مها دخلت وفتحت الشباك وقعدت تناظر بيوسف وهو يناظر فيها
توجهو للقاعه وكلهم متوترين دخلو وكل وحده قامت تصلي وتلبس فستانها طلعت مها:عبير ساره كيف شكلي
ساره:تجننين وربي
عبير:يمامي بسم الله عليك تاخذين العقل
ساره:يلا بنات امشو نشيك ع الخدامات وندخل داخل
مها:دقيقه بصور جوا
عبير:حتى انا
ساره:بسرعه زفتهم ترا الساعه ٧ونص
عبير:الضيوف متى بيجون؟
ساره:مكتوب بالكرت ٩
مها:حلو بصور قبل تجي العروس
دخلت داخل وقعدت تصور من كل الزوايا شوي كذا جات عبير:مها اسماء جات
مها:احلفي
عبير:وربي ومحمد ع الباب بتبدا زفتهم
مها:تمام يلا بطلع
اسماء مع المساعدات بالغرفه يساعدونها بالفستان ويعدلون روجها ويجهزون اكسسواراتها
محمد ينتظر ع الكوشه والتوتر عنده الف
اسماء لبست وخلصت واخذت مسكتها ونزلت وبدت الزفه ونزلت من فوق ومحمد واقف تحت وقاعد يتأملها وهي نازله وصلت عنده وكملو مع بعض يمشون للكوشه والمصورات يصورون
المصوره:ياعروسه قربي شوي وحطي يدك على كتف زوجك اسماء انحرجت ونزلت عينها وحطت يدها على كتفه محمد مسكها من خصرها
المصوره:برافووو ياعريس
اسماء وجهها صار احمر وعينها بالارض كملو تصوير وقعدو ع الكوشه يسولفون
مها بالغرفه:يدي ليه ترجف
عبير:حتى انا
ساره:الله يوفقهم ويسعدهم
مها:امين يارب
عبير:الزفه كلها مشاعر يابنات
مها:اي احس ببكي
عبير:حتى انا والله
يوسف ارسل: مافي صوره لو بالغلط؟
مها صورت ع المرايه نص فستانها والتسريحه والميكب وارسلتها
يوسف:ابي اخطفك كيف؟
مها:ههههههه
مها:متى بتجي الزواج؟
يوسف:متى تبين؟
مها:اتكلم جد متى بتجي
يوسف:على ٩ بجي ليه؟
مها:اسأل بس
يوسف:تمام
مها:يلا مع السلامه شويات ويجون الضيوف وبنشغل
يوسف:ياحظ الضيوف بس يشوفون اللي انا نفسي فيه
مها:ياربي منك
يوسف:يلا يلا سلام
مها ابتسمت:مع السلامه
جات الساعه ٩:٠٠ وبدو يجون الضيوف وهدى وبناتها ع الاستقبال
جنى:وش هالذوق الحلو يامها
مها:ياروحي انتي الحلوه
امجاد:ماشاء الله كل شيء يجنن وربي
جنى:كنت عارفه انه بيطلع كل شيء حلو من يوم دريت مها المسؤوله
مها:ياحبايبي انتو
اكتملو المعازيم وقعدو يرقصون ويتقهوون وجات ام احمد وبناتها عائشه وابرار
ام احمد:عائشه هذي مها اللي كلمتك عنها
عائشه:هذي هي بنت فهد
ام احمد:اي هذي
ابرار:ماشاء الله تجنن
ام احمد:اي من رمضان اقولكم عنها
عائشه:ومتى بتتكلمين مع هدى؟
ام احمد:امكن بعد اسبوع كذا
ابرار:محظوظ احمد اذا ذي بتكون زوجته
عائشه:امكن ترفض شفيك تحمستي على طول
ام احمد:لا ماترفض ان شاء الله تخرجت هالسنه وماوراها دراسه
عائشه:الله يكتب اللي فيه الخير
بدت الزفه الساعه ١١:٠٠ ونزلت اسماء والبنات كانو تحت يناظرونها
احلام ماقدرت تمسك دموعها ومها وفاطمه يصورون
وجنى وامجاد يناظرونها والمشاعر فل عندهم
اميره دمعت وقعدت هدى تهديها
انزفت وتوجهت للكوشه وراحو البنات عندها يصورونها
مر الوقت وجاء وقت العشاء وتوجهو المعازيم للبوفيه  ودخلو البنات يرقصون ويصورون ع الكوشه ومشت اسماء للفندق