ياضحكة الباكر اللي ماتوقعته

ياضحكة الباكر اللي ماتوقعته ٣٤

مها:يمه ماابي قوليلها البنت مو جاهزه الحين
هدى:الله يصلحك يابنتي انا ابغا لك الخير وقلت لك ولدهم موظف وماشاء الله ماحد يذكره الا بالخير
مها:الله يخليه لها انا ماابيه
هدى:بنشوف مين بيخطبك عاد
هدى نزلت وتوجهت لفهد:بنتك تقول ماابي تفاهم معاها
فهد:بروح اكلمها واذا رفضت خلاص ماني جابرها
هدى:حاول تقنعها
فهد طلع الغرفه وطق الباب ودخل:سلام يابنيتي
مها:ياهلا وعليكم السلام
فهد توجه للسرير وجلس جنب مها وحط يده علي كتفها وقال:اسمعي يابنيتي انا ماقصرت عليك بشيء ودايم اختار لك الزين واتمنى لك الخير ممكن تقولين لي وش سبب رفضك للي خاطبينك؟
مها:ياحبيبي انت والله مافي سبب بس مااحس اني جاهزه الان
فهد:هذا السبب؟
مها:اي وبيني وبينك ماارتاح لهم مرا
فهد:الله يرزقك باللي يستاهلك ويستاهل قلبك النظيف
مها دمعت وقالت:امين وحضنته وحطت راسها على كتفه
بيت عبد الرحمن:
جنى:امجاد شرايك نسوي لمها حفله
امجاد:استلمت وثيقتها؟
جنى:اي اكيد
امجاد:تمم والله بس متى
جنى:شرايك بعد يومين نعزمها هنا ونجهز لها سبرايز؟
امجاد:تمام والله بس لازن نجهز من الحين
جنى:اول شيء بعطيها خبر بقول تعالو عندنا نسهر مع بعض واذا قالت تمام نبدا نجهز
امجاد:تمم
جنى ارسلت لمها:سلام ياحلوه
مها:هلا وعليكم السلام
جنى:شرايكم تجون عندنا يوم الاثنين بنسهر مع بعض
مها:تمام ماعندي مشكله
جنى:تمام ننتظركم ع المغرب
مها:تمام حبيبي
جنى:امجاد وافقت
امجاد:يعني لازم بكره نطلع نجيب الاغراض
جنى:اي بنجيب كيكه وبالونات وشموع وهديه وايش بعد؟
امجاد:بس
جنى:تمام
يوم الاحد:
جنى:يوسف نص ساعه وبنروح معاك
يوسف:وين
جنى:ناقصنا اغراض بنجيبها
يوسف:اغراض ايش
امجاد:بنسوي حفله لمها بكره وبنطلع نجيب الكيكه والاشياء الباقيه
يوسف ابتسم وتذكر انها تخرجت وقال:تم
مر الوقت وطلعو البنات متوجهين للسياره
جنى:اول شيء ناخذ الهديه صح؟
امجاد:اي
جنى:محتاره وش اخذ لها
امجاد:اسواره وعطر وانتهينا
يوسف كان مخطط يجيب اسواره قال:لا اسواره مالها داعي
جنى:ليه؟
يوسف:مدري احس جيبو شيء ثاني احلى
جنى:مثل ايش؟
يوسف:مثلاً ميكب او سلسال او شنطه كذا حلوه
جنى:اخص انت وش عرفك بالهدايا
يوسف:احس هذي الاشياء يحبونها البنات
امجاد:شكله متعود يهدي ذا
جنى:اشك انا
يوسف:انقلعو الشرهه ع اللي يعطيكم افكار اصلاً
توجهو للمول واخذو الهديه وغلفوها وراحو يحجزون الكيكه وياخذون البالونات والشموع
جنى:يوسف ياويلك تسحب بكره الساعه اربعه تجيب الكيكه قبل تجي البنت
يوسف:تمام
راحو البيت وقعدو يجهزون ويرتبون الغرفه وقالو للخدامه تسوي القهوه العصر وتحطها
في بيت فهد:
عبير:ساره بتروحين معنا بكره؟
ساره:مدري مااتوقع بمشي بيتي
مها:الحين انتي بالشهر الثاني؟
ساره:الثاني ايش حبيبتي انا بدخل الخامس
مها:يمه مو باين
ساره:اي يبان بعد الخامس كذا
عبير:يعني جنس الجنين بان ليه ماتعلمينا؟
ساره:موعدي بعد بكره واعرف ايش
مها:احلفي
ساره:اي
مها:اهخ يارب بنت
ساره:اللي من الله حياه الله
عبير:احس بنت صدق
ساره:مثل زوجي يقول متوقع بنت
مها:بنات البس بكره فستاني الاصفر ولا الاسود؟
عبير:الاسود يجنن
ساره:الاسود وربي حلو وشعرك ويفي
مها:والله؟
ساره:اي انا اسوي لك ويفي قبل امشي
مها:لا عبير تسوي لي
ساره:تدرون مع اني جايبه اثنين فيني خوف من الولاده بشكل مو طبيعي
مها:يمه رعب رعب لو تجيبين خمسه
عبير:معليك لاتفكرين كل شيء بيمر بسهاله بأذن الله
ساره:يارب
مها طلعت غرفتها وطلعت فستانها وحطته على جنب وقعدت تحط ماسك وترتب غرفتها والتفتت ع الجوال وشافت يوسف يتصل وقامت قفلت الباب وردت:هلا
يوسف:سلام
مها:وعليكم السلام
يوسف:شفيك مختفيه اليوم
مها:كنت جالسه مع خواتي وتوي افضى
يوسف:طيب ترا في شخص يشتاق هنا
مها:معليش وربي انشغلت