ياضحكة الباكر اللي ماتوقعته

ياضحكة الباكر اللي ماتوقعته ٣٧

حبيته من اول ماشفته وكل ماشوفه احبه اكثر
ساره:ياربي منك يامها مدري وش اقول وربي
مها:لاتقولين شيء افهميني بس بعدين لما سافرنا جده صارت بيننا لحظات حلوه وبالعيد ورمضان والله ياساره صرت اشوفه كل شيء بحياتي وادري انه غلط وابوي لو درا ذبحني لاكن حبيت مو بيدي
ساره:شوفي انا فاهمه وعارفه لاكن الان اللي ابيه منك تقوليله تحبني تعال اخطبني وتحذفينه من عندك ان كان رجال ويبغاك فعلاً بيجي وان كان مايحبك ماراح يجي
مها:قالي هو انو بيكلم امه وبيجي لاكن الان مشغولين بملكة اخوه وليد ومو قادر يتكلم لاكن صدقيني احنا لبعض
ساره:ياروحي يامها عاد انتي الوحيده اللي ماتوقعت انك بتحبين يوم من الايام لاكن بقولك شيء ذوقك ناااار
مها ابتسمت وقالت:ياخي احبك وربي احبك
ساره:اعشقك ياعيوني يلا الحين ابيك تغسلين وجهك وتحطين ميكب خفيف وتنزلين عندنا بنتقهوى كلنا
مها:تمام جايه
ساره طلعت وتوجهت للصاله تحت:يازين ريحة بيتنا
هدى:اي عاد انا مااستغني عن البخور
ساره:يازينك انتي وبخورك
فهد:وين عيالك
ساره:راحو مع ابوهم لعماتهم بيجون بعد شوي
فهد:زين ووين مها مااشوفها
عبير:مدري عنها
ساره شدت عينها ب عبير وقالت:شويات وتجي يبه يلا بذوقكم الحلا اللي مسويته
عمر:خليه انا اجيبه
ساره:اوف عمر صاير يساعد ماشاء الله
عمر:عشانك حامل بس
ساره:اهاا يعني مو عشاني اختك
عمر:الا الا طبعاً
قعدو يتقهوون ويسولفون ونزلت مها:سلام
فهد:ياهلا وعليكم السلام
هدى:شفيك يابنيتي تأخرتي
مها:اخذت لي شاور سريع
هدى:اها زين تعالي تقهوي وذوقي حلا اختك
مها:ياربي منه حلا ويجيب حلا
ساره:صايره احب الشوكليت مرا
مها:يويلي انتبهي تكفين السكر
يوسف ارسل لمها:متى بتروحين؟
مها:امكن مااروح
يوسف:افا ليه
مها:ماقدر يوسف اعذرني
يوسف:شفيك صاير شيء؟
مها:لا
يوسف:مها لاتخبين فيك شيء
مها:لا مافيني شيء بس مصدعه اليوم وساره عندنا
يوسف:اها اوك
مها:يوسف تكفى لاتزعل تدري لو اقدر مارديتك
يوسف:لا مازعلت والله
مها:انا الحين مع اهلي شوي ادق عليك تمام؟
يوسف:تمام انتظرك
قعدو يسولفون وتعشو وكملو السهره بالسطح
عبير:اشتهيت شاي
ساره:قومي سوي لنا
عبير:بالله قومو انتو
ساره:انا حامل ومها تعبانه قومي يلا شاطره
عبير:بس عشان اللي ببطنك مو عشانك
ساره:ههههه
ساره:مها كلمك؟
مها:اي قلت له مااقدر اجي المطعم
ساره:مطعم شنو؟
مها:امس بنات عمي سوو لي حفله تخرجي ولما وصلت البيت ارسلي مندوب وطلعت الهديه من يوسف وبعدين قال بكره حاجز لك عشاء بمطعم روحي بأي وقت وخذي اللي تبين
ساره:اوف اوف طلع مو هين يوسف
مها:اي صدمني
ساره:الحب افعااال
مها:احسه زعل
ساره:معليك يرضى بعدين اهم شيء مارحتي
مها:اسمعي انتي الحين كم لك شهر؟
ساره:توي دخلت السادس
مها:احلفي
ساره:وربي ليه
مها:بطنك واضحه
ساره:اي بدا يكبر والحمد لله راح الوحام
مها:عرفتي جنس البيبي؟
ساره:اي بس ماراح اقول بسوي حفله ببيتي وتجون وتعرفون
مها:حفله تحديد جنس الجنين؟
ساره:اي ان شاء الله قاعده اجهز
مها:احس احس انو اللي ببالي صح