ياضحكة الباكر اللي ماتوقعته

النهايه💜.

امجاد:يازينها بس الحين كل شيء تغير
عمار:اي والله كبرنا اللي تزوج واللي توظف خلاص ماعاد فيه وناسه مثل اول
امجاد:منجد
عمار:تذكرين يوم رحنا شاليه وغرقتي وطلعتك؟كنت خايف وربي ومدري وش اسوي
امجاد:الله لايعيد هاليوم بغيت اودع
عمار:هههههههه
امجاد:ماكأننا زودناها ننام احسن
عمار:تصبحين على خير
امجاد:وانت من اهله
قفلت الجوال وحطت راسها ع المخده وقعدت تفكر فيه وحبته اكثر واكثر
صباح يوم جديد وتحديداً بيت فهد:
عبير:اخخ ابي الوقت يمشي بسرعه اشتقت لمها
هدى:خلي الخدامه تكنس وتسوي القهوه يوسف بينزل معها
عبير:ياليل النشبه وش يبي
هدى:بنت عيب شفيك زوجها وبيسلم على عمه وخالته
عمر:بجيب حلا العصر وورق عنب مع الشاي والقهوه
هدى:زين
عبير:ساره بتجي؟
هدى:تقول يمكن
عبير:زين
عمر:بروح انام ساعتين كذا والعصر اقوم اجيب الاغراض
عبير:وانا بكمل مسلسلي امكن الوقت يمشي
هدى:تمام
الساعه ٤:٠٠ العصر لبست مها وطلعت اخذت حلا وتوجهت لبيت ابوها
مها:متحمسه لردة فعلهم
يوسف:مو لازم تعلمينهم توك عرفتي انتي
مها:مقدر مقدر خواتي وامي لازم اعلمهم
يوسف:ع الاقل خل يجي لك ثلاث شهور اربعه
مها:مقدر والله احس ذا خبر لازم يدرون عنه
يوسف:بكيفك
مها:بس انت ياويلك تعلم اهلك
يوسف:خير اكيد ماراح اتكلم
مها:اي كفو
يوسف:ههههههههههه
وصلو ونزلو وطقو الباب وفتح فهد:يامرحباا
مها:ياهلا والله باست راسه ويده كيفك اخبارك
فهد:والله بخير كيفك انتي يابنيتي
مها:بخير دامك بخير
دخلو المجلس وجلسو يتقهوون يوسف ومها وهدى وفهد شويات كذا وطق الباب محمد:سلام عليكم
يوسف:ياهلا وعليكم السلام
فهد:يامرحبا وعليكم السلام
مها:جبت اسماء؟
محمد:لا والله عند اهلها
مها:يوووه قهر اشتقت لها
محمد:هههههه والله مشغلها عبد العزيز
مها:ياروحي الله يحفظه
محمد:امين يارب
قعدو ساعه ومشى يوسف ومشى محمد وفهد طلع غرفته وساره وعبير كانو فوق طلعت لهم مها:سلااام
عبير قامت وحضنتها:وعليكم السلام خير مابغيتي تطلعين
ساره:شفيك لصقتي بيوسف حتى حنا نسيتينا
مها:شفيكم علي كنا نسولف مع ابوي واستحيت اقوم وهو جالس
ساره:ووش فيه طول
مها:اعجبته الجلسه مع ابوي ومحمد وعمر
ساره:تعالي تعالي وحشتيني
عبير:والله اشتقت بالحيييل عجزت اتقبل البيت بدونك
مها:ياروحي والله اسمعو بقولكم شيء بس بدون صراخ معليش مقدر اسكت
عبير:ها اصدميني
ساره :وش فيه
مها:انا عن قريب
ساره:اي
عبير:اي اخلصي
مها:بصير ام
ساره:يييييياربي لا لا مااتخيل
ساره:دقيقه خليني استوعب
مها:حتى انا للحين عجزت استوعب
ساره حضنتها:يااابعد روحي وربي انه اجمل خبر اسمعه بحياتي
عبير:يمه جتني قشعريره مو مصدقه
مها:ياروحي انتو
عبير:شلون شلون نونو بيجيب نونو
ساره:ام تحتاج ام
مها:هههههههههههههههه
عبير:متى عرفتي وشلون وكيف
مها:تخيلو لي فتره احس بغثيان كذا وشيء غريب وشكيت وحللت وانصدمت ويوسف ياعمري فرح بالحيل
ساره:ياروحي انتو الله يتمم لك ويفرحكم
مها:امين
عبير:ابوي مادرا؟
مها:لا
عبير:احسه بيفرح مرااا
مها:مدري شلون اتكلم احس مستحيه
ساره:ماعليك امي تعلمه
مها:امي من شافت وجهي شكت وقالت شكلك حامل وهزيت راسي وحضنتني ودمعت
ساره:يابعد روحي وقلبي
عبير:دموعي مو راضيه توقف
نزلو تحت يسولفون مع ابوهم
فهد:تعالي يابنيتي عندي
مها جات وجلست جنبه وحضنها:الله يتمم لك على خير ويقر عينك
مها:ياروحي انت امين
بعد مرور اربع ايام وباقي يوم لفاضل بالخبر ويمشون الرياض
عمار كانت متضايق وماوده يطلع ابد
احلام:يعع ماابي اروح
فاطمه:حتى انا
عمار:عاد تصدقون حتى انا
احلام:اوف عاد انت ماتطيق الخبر
عمار:تعودت ياخي
فاطمه:ودي بكره نحلل اخر يوم ونطلع اي مكان مع بنات عمي
احلام:شرايك نروح مول كلنا
فاطمه:طفشت من المولات ياخي
احلام:يعني وين نروح
فاطمه:ودي ناخذ شاليه
احلام:لا صعبه لازم عشاء وقروشه
عمار:علي العشاء
احلام:اوب اوب ماعمرك عشيتنا والحين عليك؟
عمار:انبسطو اخر يوم ترا عادي
احلام:ماشاء الله عليك اول مرا تفكر فينا
عمار:ياخي خلاص مافي عشاء الشرهه علي ابيكم تنبسطون
فاطمه:اسمع بنخليهم يجون هنا وانت عليك العشاء تمام؟
عمار:بكيفكم عادي اي مكان
فاطمه:كفو والله
احلام ارسلت:حياكم الله عندنا بكره بنسهر مع بعض قبل نمشي الرياض
جنى:الله يبقيك بأذن الله
عبير:ياروحي ان شاء الله
عمار وده يحلل اخر يوم ومايدري وش يسوي
انتهى اليوم ومن البكره ع المغرب بدو يجون واجمعتو كلهم
عمار كان جايب من دانكن قهوه سوداء لهم وجايب من ستاربكس كراميل ميكاتو لفاطمه وامجاد لانهم مايشربون السوداء
امجاد:الله عليك يافاطمه فاهمتني
فاطمه:عمار جابه يقول انتي قلتي مرا ماتحبينها ومرا قلت له انك تحبين الكراميل ميكاتو
امجاد انصدمت وقالت:اها الله يعطيه العافيه
فاطمه:امين
ابتسمت امجاد وكتبت له:شلون عرفت اني مااحب السوداء
عمار:مرا قالت لي فاطمه وشفت طلبك بالمول كان غير عنهم
امجاد:ماشاء الله مركز وعارف
عمار:اكيد
امجاد:شكراً
عمار:شدعوه ترا كلها قهوه
امجاد:طيب شكراً
عمار:العفو
امجاد:صوت المباراه ذا عندك؟
عمار:اي اتابع برشلونه
امجاد:ماشاء الله الصوت واصل اخر الحاره سمعت ان برشلونه سجل وانا فوق
عمار:هههههههههههه تعودت ارفع ياخي
امجاد:اذكرك برشلوني للحين مافكرت تغيره؟
عمار:لا من يومي برشلوني مقدر اغير
امجاد:ياقدمي
عمار:وانتي للحين اتحاديه؟
امجاد:اي
عمار:ياحليلك الله يعينك على فريقك
امجاد:شفيه فريقي
عمار:الله لايبلانا بس
امجاد:اقول حدك عاد الا الاتحاد
عمار:اوف اوف
امجاد:خلك على هلالك بس
عمار:يازينه
امجاد:صراحه احب الهلال انا
عمار:حتى انا احب الاتحاد والله
امجاد:وليه تضحك وتطقطق
عمار:ابي انرفزك ولا انا احبه والله
امجاد:ياحبك لطقطقه والنرفزه
عمار:والعناد اوووه جوي
امجاد:الله يعين عمي عليك
عمار:لا عند ابوي عاقل انا مااطقطق كذا
امجاد:اهاا زين
عمار:الله يعين امي علي طفشتها
امجاد:الله يعينها
عمار:بس تحبني ماتقدر
امجاد:اكيد بتحبك ولدها
عمار:اكيد وفي ناس ثانيه تحبني الله يعينها علي
امجاد:تراك غثيتني قلنا لك زمان ذا زمان
عمار:لاتنكرين ترا والله عارف وش بقلبك
امجاد:وتحلف بعد؟
عمار:اي
امجاد:ياثقل دمك بس
عمار:بس تأكدي ان الشعور متبادل
امجاد انصدمت وطلعت من المحادثه وراحت دورة المياه:يمه ذا شفيه لا لا ذا حلم مستحيل حقيقه
انتهى اليوم الجميل والكل توجه لبيته ومر يوم ومشى فاضل الرياض
بعد مرور ٨ شهور:
مها حست بألم وخافت ودقت على امها
هدى:هدي هدي لاتتوترين
مها:يمه تكفين بموت الم الم
هدى:بنت اهدي ريحي اعصابك
يوسف دخل وهي تصيح وتكلم امها ومسك يدها وقالت لأمها:بطلع المستشفى خلاص مقدر
هدى:تمام جايتك انا
مها قفلت ومسكت يد يوسف:اهخ مقدر خلاص
يوسف:يابنت اهدي وامشي بنروح
مها لبست عباتها وطلعت المستشفى وطول الطريق خايفه ومتوتره وتدعي ويوسف ماسك يدها ومتوتر
وصلت المستشفى ولقت هدى عند الباب وراحت ودخلوها الغرفه وقالو ولاده خلاص
هدى مسكت يدها:لاتخافين اذكري ربك وتوكلي عليه
مها مو قادره تتحمل ماسكه طرف السرير وتتألم وهدى تقطع قلبها وقعدت تهديها
بعد مرور خمس ساعات ولدت وجابت بنت
يوسف كان بالسياره يدعي لها ودقت عليه هدى:مبروك الله ينبتها نباتاً حسنا ويرزقكم برها
يوسف دمع:الله يبارك فيك الحمد لله الحمد لله ياخاله كيف مها؟
هدى:والله تعبانه ياوليدي توها ولدت
يوسف:الحمد لله على سلامتها
هدى:الحمد لله الحمد لله
يوسف مو مستوعب انه اخيراً صار اب
مر الوقت ودخل وقدر يشوفها دخل وجلس جنبها ع السرير ومسك يدها:الحمد لله على السلامه
مها:الله يسلمك
يوسف:اهه لو اقدر اوصف لك شعوري لما قالت امك:مبروك قلت اخيراً وربي شلت همك بس تطمنت لما علمتني
مها:ياروحي والله
يوسف:عطيتيني اجمل هديه بالحياه وتحملتي الالم الله يكتب اجرك ويخليك لي ويخلي لنا ثمرة حبنا الجميله احبك يابعد الدنيا واهلها
مها:ياعمري انت امين يارب،اعشقك
باس راسها وشد يده على يدها وقعد يتأملها
وبعد مرور سنه عمار خطب امجاد واخيراً اجتمعو حب الطفوله😭💜💜💜
وبكذا نكون انهينا الروايه وشكراً لكم على قرائتكم واتمنى انبسطتو واستمتعتو فيها كتبتها وعشت شعورها والحين انهيها بكل حب،لقائنا بأذن الله بالعيد برواية اجمل واجمل،احبكم🤝💜💜💜💜💜💜💜💜.