حبك في قلبي قصيده

البارت(٦)

" بعد يومين اجتمعو في نفس الكوفي في نفس المكان ياحلو الصدف ، والصدفه الي تكون معك عن عمر كله "
' خلصت محاضراتها واتجهت هي وندى للكوفي
ياسمين: ندو v60 عندهم خياال انصحك فيه
ندى: دام تقولين كذا تم
انصدمت ياسمين بالي شافته حطو بيانو في الكوفي ماتوقعت ابدا
ياسمين: ندى شوي بروح استأذن منهم اذا اقدر اعزف
ندى: ياسمين حتى هنا !!
ياسمين راحت واستأذنت منهم ووافقو
عزفت ياسمين
مقطوعه Yann tiersen, penn ar roche
كانت تتدرب عليها من شهور متواصله وابدعت في نص العزف دخل عساف والصدمه الاكبر شافها وانبهر بالكم الهائل من جمال اللحن كأن اصابع يدها تُراقص البيانو
ياسمين كانت داخله جو مع العزف ومو منتبه بالي حولها وهذي حالتها اذا عزفت تنعزل عن العالم وتنغمس في العزف بعد ماخلصت اندهشت من الناس الي يصفقون ماتوقعت ابدا خجلت واتمنت الارض تنشق وتبلعها
جات البرستا وهي تقول: قهوتك علينا ومره عزفك يجنن
تورطت ياسمين ماتحب الاضواء تكون عليها ابدا حتى اذا تكرمت في المسابقات تصارع هي وحيائها
تقدم عساف وهي يطلب قهوته وسمع اسمها كان ياسمين حتى اسمها له معنى حلو
التفت ياسمين له وكأنه عرفته هل هو ولد عمها او انها مشبهه ؟
ياسمين : ندى بنت
ندى وهي منشغله في جوالها: هلا؟
ياسمين: ندى ومرض شوفي شكل ذا ولد عمي
ندى: وانا وش عرفني بولد عمك ليكون عايشه معكم وبعدين وشلون وحده ماتعرف ولد عمها ؟
ياسمين: مدري يمكني مشبها
ندى وهي منبهره منه: ياسمين ول وشذا الجمال اهخخ قلبي احس بنهار قدامك
ياسمين وهي تضربها من عند كتفها: نددى سلامات خفيفه لذي الدرجه
للان تبي تعرف اذا هو عساف او انها مشبهه بعد ، ماطول عساف خذا طلبه وطلع بسرعه
ياسمين: ندى خلصتي ؟
ندى: اي وانتي
ياسمين : اي اسمعي تروحين معي للبيت ؟
ندى : لا مقدر ابدا تعرفين امي لو اروح لك اليوم قسم بالله ان تعلق رقبتي تقول ازعجتي الناس وانتي عندهم وتعرفين قبل يومين عندك وفوقها نايمه
ياسمين: اسحب كلمتي طيب
ندى: المرات الجايه ان شاءلله
...........
-ابو فارس-
الطريق طويل والصمت محتل المكان امها نايمه وابوها يسوق ومركز وجالسه تتأمل الطريق اتصل جوالها وكان خالد،
خالد: ياسمين وين قدكم فيه
ياسمين: شوي ونكون عندكم
خالد: يوه شكلكم مطولين الصبحي تقول مستحيل انزل العشاء وهم تو ماجو قولي لابوي يستعجل
ياسمين: تمام معسلامه ، وقفلت الخط
خالد وهو منصدم انها قفلت : والله ياسمين ذي ماهي بهينا
انصدم عساف والي كان جمب خالد وسمع همسه
هل تكون ياسمين هي ؟ مستحيل ابدا بس ليش لا يمكن تكون هي ياربي
الجد: عساف
عساف متنح في فنجال قهوته
خالد وهو يضرب فخذه عشان ينتبه : ولد جدي يكلمك
عساف: لبيه
الجد: لبيت حاج ، بتجلس طول الاسبوع هنا ولا بترجع
عساف: لا ابشرك ماخذ اجازه
الجد: ازين لك عشان بعد ترتاح

........
ياسمين: يبه اتصل علي خالد يقول استعجلو يبون يغرفون العشاء
ابو عساف: قدنا قريبين ، مها قومي
فتحت عيونها تعلمه انها قايمه
بعد ربع ساعه وصلو
اتصلت ياسمين على ورد وبعد دقايق ردت ورد
ورد: هلا ياسمين وصلتو ؟
ياسمين: اي افتحي الباب نطق من زمان ماحد سمعنا
ورد وهي طايره من الفرح : زين زين جايتكم
راحت تركض تفتح الباب وعلى طول ضمت ياسمين بقوه بعدين راحت تبوسها لفت على امها وابوها تسلم عليهم
ابو فارس: وش اخبارك وانا ابوك
ورد: الي يشوفك بيصير بخير ورجعت تضمه
ام فارس: يارب في طريق عشان ادخل على طول الغرفه مراح نروح بيتنا بنجلس هنا الين ننضفه
ابو فارس : الي تشوفينه سويه
دخلو وسلمو على الموجودين كالعاده صبحى تهلي وترحب تعشو وبعد العشاء اقترح الجد انهم يطلعون في الحوش
-عند البنات-
ورد: بنات جدي يقول بنطلع للحوش ولازم نطلع زياده فرش بالله ساعدوني
غيدا: تمام
غيد: ورد والله كان ودي اساعدك بس اظافري بتتكسر
الهنوف: غيد وقسم بالله لو يشوفها جدي ان يجلس ينتقدك الين تندمين
غيد: اهخ ياربي اهج من ابوي يجينا جدي ياربي
ياسمين: بنات بالله بعد ماينامون لاننام بنجلس في الحوش الين الساعه ٢ او ٣
ورد: تم قدام
الكل اتفق
طلعو الفرش واجتمعو كلهم البنات على جمب والرجال جمب يتوسط هذي الجلسه الجد وجمبه الجده ومن يمين الجد عياله واحفاده ومن يسار الجده بناتها وزوجات عيالها وحفيداتها
الجد: يالله لك الحمد والشكر على ذي الجمعه الزينه
الجده: اي والله يارب لك الحمد والله اني الحين مرتاحه بس ناقصها تركي وفارس وراكان
ابو تركي: تركي في مكتبه كم شغله وبيجي اخر اليل او الصبح وراكان تعرف طيار وبعد يوم او يومين بيجي
ابو فارس: اما فارس الشغل الي علي خليته يكمله وبيجي العصر بكره بأذن الله
الجد: يالله انك تحفظهم يارب
انطق الباب وراحت تفتحه غيد وكان ناصر
ناصر وهو مو مركز من الي فتح له الباب يفكر انها امه: يمه لين وينها
غيد منصدمه منه كيف كذا يكلمها : امك ولين هناك وهي تشر عليهم
ناصر وهو يطالع في الارض : العذر والسموحه
ودخل وجلس عندهم
رجعت غيد للجلسه وهي تكلم نفسها : وع ذا كيف كذا مدري ليه ماحبته والمشكله مو مسوي شي ، عادي مو يقولون الحب من الله والكره من الله
.....
لين وهي تقول لـ ناصر: ابي اسكريم
ناصر : ابشري ، وراح حطها على ظهره وهي متمسكه في رقبه ، بروح للبقاله احد يبي شي
سلطان: بروح معك
خالد: وانا بعد
عساف وهو يوقف: معكم
ناصر : مشينا
وهم في الطريق كل واحد يتهاوش يبي يشل لين
ناصر: مبزره انتم لو فرضا البنت ماتبيكم
خالد: قدامها خالد ولا تبيني ذي تعتبر اهانه في حقي
سلطان: ياشينك وياشين ثقتك بس
عساف: اخلعتو البنت الله يهديكم
سلطان: سؤال ياعساف انت ماتمل ماشاءالله احس حياتك مرتبه
عساف وهو يدخل البقاله : سويلم صح ذكر ربي زين
سويلم: الله الله
سلطان وهو يشاور خالد: حتى رده محترم
خالد: شفت تعلم
ناصر وهو ينزل لين : ليون اخذي الي تبين
سلطان: ليون والله الان تعيش اعلى مراحل الغنى
خالد: ههههههههههه ولد ترا ناصر مايرضى عليها
سلطان : لا اله الا الله وانا وش قلت
عساف: بسرعه اخذو الي تبون
جاء اتصال لخالد وكان من ياسمين
خالد: هلا سمسم
ياسمين : تراك شوهت اسمي المهم حبيبي اخوي قلبي وعيوني
خالد: وش تبين
ياسمين: نبغاك تجيب لنا اغراض
خالد: زين بس بشرط
ياسمين: وش شرطك؟
خالد: تسوين لي الان قهوه
ياسمين: اما ذا شرطك زين زين
خالد: يلا معسلامه
سلطان وهو شايل لين والي تشر عليه يحطه في الكيسه
ناصر: لين خلصتي ؟
لين وهي تشر براسه اي
خذا اغراضها وحسابها وجلس كل واحد يحلف على الثاني الا هو يدفع وانتهى كل شي ان ناصر يدفع
خالد: ياليل ياناصر كان على الاقل تقاسمنا
ناصر : اقول اسكت وقدامي ياطويل العمر
خالد وهو يشر على خشمه
رجعو لبيت جدهم وصارت الساعه ١٢ وهنا يعتبر انتهى اليوم عند الجد والجده
الجد: يلا انا استأذنكم صار وقت نومي
الجده: وانا بعد
وراحو ينامون والكل بدا يتجه لنوم بقى بس الي في الفرشه البنات
ورد: بروح اسوي شاهي نظفو الفرشه الين ما اجي
الهنوف: زين
نظفوها وتجمعو
وبدات سوالف البنات
ورد: تخيلو يابنات اليوم عساف وش يقول ؟
غيدا: وش
ورد: يقول ان محل ابو محمود احد دخله بس انه مانسرق منه شي وكل الي في الديره خايفين
غيد: اوف كيف كذا
ورد: والله هذا الي اعرفه وجدتي تقول عادي والله احترت
غيدا: يمكن كان يبي يسرق ولا امداه
ياسمين: يمكن
الهنوف: الا بنات تتوقعون من الي بتتزوج
ورد وهي تضحك: بينصدمون
غيدا: مييين
ياسمين: بسرعه هنيف من
الهنوف: فهده
غيد: اماااا مستحييل
الهنوف: والله على انها صغيره بس تزوجت غريبه
ياسمين: تراها ٢١ مو ١٦ او ١٥
الهنوف: حتى ولو صغيره
ورد: الي يصدم انها تزوجت الي تحبه كانو يحبون بعض من هم صغار وخطبها كثير الين ماوافق ابوها
غيد: الله وش هاذي الحركات كأنهم مسلسل
غيدا: دام انها مو مغصوبه ارتحت
الهنوف: الجو يفتح النفس
غيدا: اي والله
ياسمين: بنات بروح انام
ورد: نوم العوافي
دخلت ومن بعدها كل البنات دخلو بقت ورد الساعه كانت ٣ جلست تشل بقايا اغراضهم بعد دقايق سمعت صوت قربت اكثر من الباب خطوات رجول متجهه للباب خافت ليكون الحرامي بدا الشيطان يوسوس في راسها على طول بدون مقدمات خذت المكنسه الخشبيه الي جمبها " باب البيت اي احد يدفه بيفتحه"
فتح الشخص ذا الباب وكان شوي ظلام ومايبان من يكون ذا الشخص على طول بدون اي مقدمات خبطت راس ذا الشخص والي كان تركي انصدم يوم لف عليها كانت بدون اي شي يغطي ملامحها يحاول يستوعب الي يشوفه وكانت ورد على وشك الصراخ على طول تقدم لها يسكر فمها بيده وكان قريبين من بعض وتلاقت عيونهم ادركت ورد انها جابت العيد
تركي وبهمس : من انتي ؟
ورد وهي تشر بعيونها على يده
فك يده من فمها وهو للان مصدوم
ورد: غض البصر طيب
تركي لف وجهه : من انتي
ورد وهي منحرجه : ورد
تركي وصدق ان النوم ضارب في مخه : ورد بنت عمي محمد !؟
ورد وتقول في نفسها عزالله غبي: اي من بيكون غيري
تركي: طيب مانتي بصاحيه يوم انك تضربين شخص بالمكنسه
ورد: وانا وش دراني احسبك حرامي
تركي وهو يدرك ان الضربه قويه : بدا يمسك راسه
ورد: توجعك ؟
تركي : وش رايك انتي ؟
ورد : امش قدامي وادخل الصاله بجيب شي تحطه عليه
تركي ومفهي يبي يفهم وش تقول صار له فوق ٢٦ ساعه مانام راح لصاله وعلى طول يوم حط راسه على الكنب نام
جابت ورد الاغراض وهي تقول في نفسها ذا ليكون يحسبني ماستحي اخاف ياخذ عني فكره شينه ودخلت الصاله وعليها جلالها وشافته نايم
راحت على طول للغرفه عند البنات وشافتهم نايمين وراحت تنام