حبك في قلبي قصيده

البارت(٢٠)

جاء اتصال لناصر من المركز يجي بسرعه لرياض واشياء جديده في القضيه تستدعي انه يرجع ضروري
""
راحت ياسمين لمرسم ابوها
فتحت الباب وانصدمت ان عساف فيه كان يدور في الدروج ومانتبه الي عند الباب
عساف وبصوت شبه مسموع : يالله ذا وين اختفى
تراجعت ياسمين وراحت ورا المرسم وجلست تنتظر متى يطلع ماطول في المرسم وطلع على طول
دخلت ياسمين المرسم واستغربت وش جاب عساف
تذكرت الكتاب الي معها معقوله كتابه ؟ فتحت شنطتها وطلعت الكتاب ومن ضمن الصفحات كان مكتوب
كيف ما انتبه لك . . مثل ما تنتبه لي ؟
وأنت مصدر شغف هـ الحياة القصيره
عقب ما تهت بالايام ، حصّلتك الضي
من عرفتك ، عرفت إن كل ماراح خيره
جابك الله حلم ٍ يكمّل .. و يكتمل فـيّ
كنّك آسف ، عن أحزان الليال المريره
عقبك . . يمرّني غيرك و كنّه ولا شي
فيه إنسان عنده أنت و يشوف غيره!
مُحِبك : عَ
"""""الكلام مأخوذ"""""""
ابتسمت ياسمين وكأن هي المقصوده تحبه ومستحيل تكذب مشاعرها وايقنت ان عساف الشخص الصح لها
رفعت شعرها وطلعت الالوان ولوحه كبيره
وشغلت اغنيه فيروز
""وتحت قناديل الياسمين
انت وانا مخباين نحكي قصص حلوه
ولا مين يدرى شو صار ""
-

في نص المزرعه فارشين فرشه كبيره
وحاطين كراسي
وعلى اليمين ملعب مصغر مسوينه الشباب عشان يلعبون كوره
خالد وهو مقبل عليهم ولابس نظاره شمسيه وفي يده الكوره وحذف الكوره على فارس
خالد: تلعبون ؟
وافقو الشباب يلعبون
وتقسمو فريقين وبدو يلعبون
غيدا وهي ميته على شكل خالد وعلى طاقته الحلوه ومستغربه انها ماعمرها شافته معصب او زعلان دايم مبسوط وفرحان ويحاول يضحك الي حوالينه
رجع سلطان للجلسه وهي ميت تعب
سلطان : ياوك يالتعب
ابو تركي : محد ضرب يدك وقال العب
سلطان : هذا وانا اصغر العنقود وتقول لي كذا اهخ جرحتني
ضحكو على عباطته
ورد وهي تشاور غيدا : اختك وينها مختفيه
غيدا : اكيد تلقينها نايمه ولا على مسلسلها
الهنوف وبصوت خافت للبنات : يابنات نروح نسوي شي ناكله ؟
ورد: جايبه اغراض عشان نسوي كوكيز شرايكم نروح نسوي ؟
غيدا: حلو وانا جايبه بعد معدات عشان نسوي قهوه v60
ورد: حلو على انها مو جوي
الهنوف : نروح ننادي ياسمين ؟
ورد: اكيد قد خلصت رسمتها مشينا
قامو البنات
الجده : وين بتروحون
ورد: بنتمشى
الجده : زين
التفتو البنات على بعض وابتسمو
مشو الين وصلو للمرسم
غيدا: والله ياسمين رايقه
الهنوف : ودي اشوف وش رسمت
ورد: دايم تبدع في رسماتها وتكون لها معنى
طقو الباب وسمعو صوت ياسمين انهم يدخلون
غيدا وهي منهاره على شكل ياسمين : واااااااو ياسمين ياكلبه شكلك يموتتتتتت
"كانت ياسمين لابسه فستان اصفر يوصل لحد الساق وسليبر بني وكانت رافعه شعرها بالقلم عشان ترتاح وهي ترسم ومطلعه خصل من غرتها وحلق لونه ذهبي"
ابتسمت ياسمين على غزل غيدا : بدون كلبه كنت بذوب
ورد وهي تشوف الرسمه : ياسمين وش ذا الابداااع
لفت ياسمين على اللوحه : وش رايكم لو شاركتها في المسابقه تتوقعون بفوز؟
الهنوف وهي تجلس : من عندي تاخذين المركز الاولل
""كانت الرسمه عباره عن لوحه بالاوان الزيتيه اشجار خفيفه وبنت لابسه فستان ابيض واكمامه منفوخه وسور يفصل بين الرجل الي لابس بدله رسميه وماسك جاكيت بدلته الرسميه واليد الثانيه ماسك يد البنت ""
ورد: خلصتي صح
ياسمين وهي تنزل مريله الالوان : اي بس بتركها تجف
طلعو البنات للمطبخ عشان يجهزون الكوكيز
غيدا استغربت من غيد للان ماجاتهم فتحت باب الغرفه وشافت اختها متلحفه وفاتحه عيونها
غيدا : بنت وش فيك
غيد : تعالي بقولك شي وقفلي الباب وراك
غيدا : ياتبن خوفتيني رجعت تسكر الباب وركضت لاختها
غيد: اوف كيف اشرح لك الحين
غيدا: اختتصري لأرنك كف
غيد: ام حمود خطبتني لولدها
غيدا مسكت فمها : كذاااابه
غيد: ماكذب صادقه
غيدا: بتوافقين !!!
غيد: تستهبلين صح من وجهي تعرفين الاجابه
مسكت صدرها غيدا: اشوااا
غيد وهي محتاره تعلم غيدا او تسكت
غيد: ابي اقول لك شي
غيدا : وش
يوم تبي تتكلم غيد انفتح الباب
الهنوف: تقول ورد قسم بالله لو مايطلعون لاجيهم واغير ملامح وجههم
قامت غيد: يلا قمنا
طلعو وسكرو من بعدهم الباب
مسكت ورد الكوكيز وسوته وغيدا سوت القهوه وطلعو سطح بيت المزرعه
الهنوف: بنات تعالو شوفو المنظر يفتح النفففس
قامو البنات يشوفون
ورد وهي تأشر على جلستهم : شوفوهم هناك
غيد وهي تدور على ناصر تبي تلمحه من بينهم بس الغريب مو موجود معهم
غيد وهي تبي تسحب كلام منهم : كأن عددهم ناقص ، ورجعت للجلسه عشان مايشكون
ورد: اي يعلمني جدي رجع ناصر لرياض عشان شغله
ضاق خلق غيد وكأن رحيله انتزع سرور قلبها