حبك في قلبي قصيده

بارت(١١)

في مكاان بعييد عن الناس خالي مافيه اي بيوت ارض كبييره يتوسطه بيت واحد والبيت اقل مايقال عنه هدامه يحاوط البيت حراس كثير
المكان باارد وظلام مافيه الا اناره خفيفه تنور عليه
يتوسط البيت كرسي جالس عليه فهد وفي يده الدخان 
فهد بكل كره وغل السنين : وش اخر التطورات ؟
مساعده سطام: ياطويل العمر كل شي جاهز وكل فرد من العايله بيتضرر وبدينا من اصغرهم
وفهد نزل الدخان وخذا الردادي الي في جيبه قدامه طاوله كبيره وفيها صور لكل فرد من العايله وطعن قلب الجد الي في الصوره
مسك صوره لبنت وببتسامه خبث وكراهيه : الهنوف صح ؟
سطام: اي
فهد يرفع راسه له: تواصلت مع عمانها ؟
سطام: كل شي جاهز بس نبغا الموافقه منك
فهد: عطيتك الموافقه
سطام دق صدره وطلع من البيت

-العزبه-
العصر
متجمعين البنات عند الخيول والفرحه مو سايعتهم
الجد ومعه عصاه  : يابناتي انتبهو لاتطيحون ترا المستشفى بعيده وانتبهو من الهوايش والعقارب لاتقطعون قلبي عليكم
ورد وهي تمسك قلبها : اهخ بسمالله على قلبك
غيد وهي مليانه خوف من الحصن بس تحبهم في نفس الوقت: اخاف اركب واطيح وتنكسر رجلي كيف بحضر عرس فهده
غيدا وهي تمسك راسها: ياوجهووولللهههه تهاويل
انفجرو البنات ضحك
ضحك الجد عليها: ان شاءلله مهب صاير لك شي افا حفيدتي وتخاف
غيد وهي تدق صدرها: يخسي الخوف عند حفيده عبدالله
الجد: كفو ذي بنيتي الي اعرفها
"الجد اسلوبه لطيف في التشجيع يحاول يقويهم حتى لـ ابسط الاسباب "
ابو تركي مع ابو فارس على السياره منزلين الدرايش
ابو تركي وبصوت عالي: انتبهو
اشرو البنات بتمام
ابو فارس: الله يستر عليهم
مر فيصل من جنبهم : امين
انخرش ابو تركي: يابسمالله والله انك سكني
فيصل: ههههههههههه

اتجهه فيصل للبنات
فيصل: بسوي لكم مسابقه والي تسبق الثانيه لها ١٠٠٠ ريال
تلفتو البنات على بعض
ورد: فيصل من جدك
فيصل: لا من مكه
الهنوف: فصولي القطه مره بايخه
فيصل وهو يحك شعره: حتى انا حسيت
ياسمين: ههههههههههههه
فيصل وهو يلتفت لها : لاتسكتين اضحكي دايم
ياسمين انحرجت: فيصلل
فيصل: ههههههههههههه ها عادكم صاملين
ورد وبتفكير: لا اخاف انكسر وعلى قوله غيد العرس قده قريب
غيد: يعني تتفقين مع كلامي
ورد: اتفق

ورد: بنات يلا
البنات بصوت واحد : يلا
كل وحده اخذت لها حصان
خذو لفه وكان الجو يفتح النفس هواء خفيف ويمشون شوي شوي
ورد: بنات تذكرت يوم كنا صغار الله
ياسمين: اييي كان عماني يركبون ويتسابقون وكنا نشجعهم والصبحي تمسك قلبها لايطيحون
غيد: وكان عمي فيصل يسبقهم واذا صار في النص يسبقه عمي محمد
غيدا: الله صدق ذكريات حلوه
الهنوف: بنات لاحظتو زوجه عمي عبدالرحمن تعطي نغزات من تحت لتحت
ورد وهي منقرفه منها: يوه اسكتي بس يانها ذابله كبدي
ياسمين: بنات خلوها بكيفها
غيد: يماما اذا استمرتي في تجاهلها بتتمادى
غيدا: والله حككككمممم
غيد: اعجبك
بعد ماتعبو رجعو
ويوم تنزل غيد مانتبهت ان سوارتها طايحه