حبك في قلبي قصيده

البارت(٥)

-ابو تركي-
ابو تركي : والحمدالله على سلامتنا شوفو انوار الديره
"كانت بعيده شوي والطريق فاضي مافي الا هم
غيدا: يبه بالله افتح الدريشه
ابو تركي: من عيوني
غيدا: اقدر اطلع من الدريشه ؟
ابو تركي: اخذي راحتك بس انتبهي لاتطيحين تمسكي زين
غيدا : تمام
خفف من سرعه السياره وطلعت والهواء يداعب انمالها الجميله نزلت راسها لغيد
، غيد تراك بتفوتين فرصه مافي احلى منها
غيد: لا شكرا مسويه شعري و بيخرب
غيدا: بكيفك
تقريبا وصلو لديره وادخلت البسو نقاباتهم
غيد: غيدا شوفي شكلي حلو ؟
غيدا: اي حلوه بس ترا النقاب بتنزلينه بسرعه ياعني اقولك
غيد:غيدا اوف منك
ابو تركي: بناتي بناتي مستحيل يخلون مناقرتهم
ام تركي: الله يصلحهم يارب
سلطان: يبه راسي بينفجر منهم سكتهم
ابو تركي: وصلنا وصلنا تحملو شوي الين ماتنزلون

"وصلو لديره كالعاده الديره مكتضه بالناس ماحد يدخل في هذا الوقت وتشوف تقريبا الكل خارج من بيته من كبار صغار رجال نساء  "
دخل سيارته داخل السور وبدو ينزلون
وكالعاده سلطان مايخلي حركاته راح ضغط على البوري
غيد: اااااااا انفجرت طبله اذني خير سلطان
ابو تركي: سلطان سلامات
سلطان : يايبه عشان يعرفون ان حنا جينا وش فيكم
غيدا وهي تنزل اغراضها : طيب يالغبي لو كان ابوي يبي يفاجأهم
سلطان: اوه مادريت
ضحك ابوه على فهاوته : انزل انزل
ام تركي : يلا قدامي عشان ما افلم فيكم وتعرفوني ماكذب
غيدا: ابشري
"كان الجد وفي المقلط اول ماسمع صوت السياره فز من الفرحه ياعظمه حبه حتى صوت بواري السياره يميزها ويعرف هذا الصوت لمن"
الجد: ياورد ورد
ورد : لبيييه
الجد: تعالي افتحي الباب لعمك عادل
ورد: جاو ؟
الجد: اي سمعت صوت البواري
ورد: زين زين
راحت ورد ومعها جلاله تحسباً لو كانو العيال الكبار معهم فتحت الباب واستقبلتهم ببتسامه
ابو تركي : السلام عليكم يابنيتي
ورد: وعليكم السلام 'تقدمت تسلم عليه'
وسلمت على الباقين
ورد: الله ياسلطان كبرت
سلطان: ورد لاتسوين منصدمه ترا قبل شهرين شايفينك
ورد: عادي الواحد يتغير في يوم ليله
غيدا: الله نصرني جات وحده تهجدك هههههههه
ام تركي : دخلنا
دخلو 
" اقبل ابو تركي لبوه وهو يحبه على راسه ويضمه مشتاق لابوه مره على ان المده الي فصلتهم شهرين بس ياكبر حبهم له ومايلامون لو حبوه بهذا القدر هو ابوهم واخوهم وصديقهم "
الجد: يامرحبا والله ومسهلا والله ان الديره نورت
سلمو عليه البنات
ام تركي: وشلونك ياعم
الجد : والله الحمدلله بخير الا انتم وشلونكم عساكم بخير
ام تركي: الحمدلله بخير
ابو تركي: يبه امي وينها
الجد: اكيد انها تصلي بتجي الحين
' دخلت الجده وهي مشتاقه مره مشتاقه لذي اللمه الي تجمعها بعيالها'
الجده: يالبى الديار وانتم فيها
ابو تركي قام وحبها ونزل يبي يحب رجلها رفعته ومارضت
ابو تركي: والله اني مشتاق لك مره يالبى الصبحي وشوفه الصبحي
الجده : ههههههه مانت بعيد عنى
' انتهى فقره السلام'
انتقلو في الصاله لانها اكبر واوسع
الكل مجتمع وصلهم صوت طق باب
راحت العمه لولوه تفتحه لانها تعرف انه ولدها ناصر جايب لين
العمه حصه : ابوي ادخل ترا خالك عادل جاء
ناصر : توني ادري وهو شايل لين في يده ومتعلقه في رقبته
قبل مايدخل تنحنح بصوت جوهري وله كامل الهيبه تغطو البنات ودخل : سلم عليهم ونزل لين
ابو تركي: وش اخبارك ياناصر
ناصر: بخير الله يطولي في عمرك
الجد: وش اخبار الشغل
ناصر رفع عينه ولقى لين مقبله عليه شلها وحطها في حضنه
ناصر: الشغل زين بس ماخذ اجازه اسبوع ونرجع له
الجد: الله يحفظك يارب
ناصر: امين
نزل عيونه عند لين وهو يشوفها مركزه معه قامت لين والكل استغرب من حركتها باست خده
ناصر بضحكه لها داعب خصلات شعرها
الجده : الله يحفظكم ياربي لبعض
العمه لولوه: امين يارب
ناصر : انا استأذنكم
وراح
الجد: ورد اتصلي على ابوك شوفيه مشى ولا لا
ورد: اتصلت، خالد قريب بيوصل وابوي توه يمشى
الجد: الله يستر عليهم
العمه حصه : غريبه خالد جاي قبلهم
ورد: يقول انه كان فاضي ولا عنده شغل وجاء
"غيدا فز قلبها يوم سمعت اسمه للان تنكر شعورها له تكذب نفسها وتتجاهل الموضوع"
-عند ناصر-
قبل مايطلع من البيت قابل عساف وفيصل
فيصل: ناصر وين وين
ناصر: بطلع شوي وارجع عندي شغله
فيصل : لا تتأخر
ناصر : زين
-عند خالد-
كان مشغل اغاني وصار قريب من الديره وصله اتصال من فارس
خالد: ارحب
فارس : البقى وين قدك فيه
خالد: قريب من الديره
فارس: خالد تراك مسرع توقع وشذا توك رايح منا
خالد: بتوقع طيب
فارس: يلا معسلامه اذا جيت اتصل علي
خالد: زين
قفل من الاتصال وهو يقول : وشذا كاهن كيف درى اني مسرع
..... وصل لديره وهو مطول على الاغاني وبصوت محمد عبده مشغل " بالحيل أحبَّك وأعشقك وأتمنَّاك
يشهد على ما أقول دمعٍ سكيبِ
أنا دخيلك لاتطـوَّل بفرقـاك
رد لعيوني نومها الَّلـي حريـبِ"
مشعل ويكون صديق خالد : يلوح له
مر من جمبه وسلم عليه
مشعل : والله وطلعت حبيب
خالد وبضحكه عاليه: لا ياولد تعرفني مالي بالحب ولا ابيه
مشعل: صدقني بتطيح وطيحتك بتكون قشرا
خالد : اذا طحت فيه جيت وقلت لك ، ودعو بعض وراح خالد لبيت جده نزل وهو بكامل كشخته لابس ثوب ابيض وبدون غتره ومرجع شعره لورا ،دخل الباب وهو يصفر
قابل ورد وواضح انها مو منتبهه له كانت تنظف الفرشه
جاها من ورا وبصوت عالي في اذنها : بوه
ورد: وجعععععععع ولفت لصاحب الصوت وتفاجأت انه اخوها خالد
ورد: يالله خالد مستحيل تخلي حركاتك
طقها من جبتها ثم ضمها
ورد: اشتقت لك
خالد: اي واضح
ورد: والله
'شد بضمته يحب خواته ويكره يشوفهم متضايقين وبيعذب الي مضايقهم حتى لو كان نفسه'
فيصل : اوووه اجتمع شمل الاخوان
خالد وبضحكه : فصولي ارحب
"علاقه فيصل مع عيال اخوانه وخواته كانه اخوهم لان يمكن يكون فرق السن البسيط بينهم"
فيصل: البقى
خالد: من داخل
فيصل: اول شي بعد يدك من البنت كتمتها
خالد: بدينا لف على ورد ، انكتمتي
ورد: تبي الصراحه اي
خالد: هذا وانا توني جاي اجل باقي الايام وش بتسوين فيني
ضحكت ورد
خالد وهو يعطي فيصل نظره الي كمل
فيصل : ابد مافي الا حنا وعساف موجود واخوي عادل واهله
خالد: اي زين
'دخلو وسلم عليهم '
كانت غيدا في المطبخ وسمعت اصوات ترحيب تجاهلت الموضوع
دخل فيصل للمطبخ وشافها مفهيه جاء قدام وجهها ولوح
غيدا : عمي فيصل اهلا
فيصل: والله ماحد محترمني غيرك وضمها انتبهي اذا بتطلعين ترا خالد موجود بدت دقات قلبها تتسارع
نزلت عيونها تاخذ جوالها: تمام
طلع فيصل وراح جلس عندهم
خالد: والله يجدي انك محلو وماننسى صبحى شيخه الشيخات يوه يوه اموت انا في الاحمر وقبل ماتدخل غيدا سمعته وشرقت لان لبسها احمر وسبته وسبت نفسها بانواع السبات اوف اوف غيدا صحصحي صحصحي الله يرحملي والدينك ، راحت للغرفه ماتبي تدخل او تشوفه يخسي ان شخص مثله بيخرب موازينها وبدات تحاور نفسها ، غيدا انتي معطيه نفسك وعد مستحيل تحبين شخص مايحبك ومايعرف عنك شي تذكري '
عند خالد: وشلونك ياعمي عساك بخير
ابو تركي : بخير الحمدلله وشذا الزين ياخالد مابقيت لنا من الزين شي
خالد وهو يغمز: الحمدلله خذيت جينات زينه وقرب من جدته وباس خدها
الجد وبتمثيل: خالد تقرب مره ثاني يدك بتنقطع
خالد: اسفين اسفين يلا استودعكم الله بروح لمشعل ينتظرني
الجده: لاتتأخر عشان العشاء
خالد: يووووه بعد انتي مسويه العشاء ورجع يحبها وانطلق يركض بتمثيل انه خايف من جده
-عند عساف-
مسرح عند عتبت الباب يتذكرها كيف بصدفه قدرت تسلب عقله قدرت تغير موازينه والشعر الي كان يكتبه كاتسليه صار يتوجه لها بدون سابق انذار اصبح مغرم مغرم في عيونها لو وصفها مليون شاعر مستحيل احد يقدر يعبر وبينربط لسانه ،على انها لابسه نقاب واعجبه حشمتها وادبها واسلوبها انبهر في عزفها على البيانو هل بيشوفها مره ثانيه؟ وين ومتى  مستحيل تغيب عن عقله ،مستغرب من نفسه كيف من صدفتين قدرت تستحوذ على فكره
' نرجع لقبل اسبوع '
ياسمين : ندى بروح للكوفي الي قريب من الجامعه تبغين اجيب لك شي ؟
ندى: لا شكرا حبيبتي
كان عساف في الكوفي الكوفي قريب من الشركه الي يشتغل فيها بيخلص كم شغله ويتوجه لشركه ، مندمج في شغله ومو منتبه للي داخل والخارج دخلت ياسمين ومتقروشه في اغراضها وصارت قريبه من طاوله عساف وفجأه طاح الابتوب رفع عيونه وشافها وواضح انها متورطه
عساف: لو سمحتي تحتاجين مساعده؟ "في ذا الوقت تقريبا الكوفي فاضي"
ياسمين: لا شكرا
تجاهل الموضوع ورجع يكمل شغل لكن واضح صدق انها متقروشه نادى على البرستا و كانت بنت
عساف: لو سمحتي شوفي ذيك البنت واشر عليها ممكن تساعدينها ؟
البرستا : حاظر ولا يهمك