حبك في قلبي قصيده

البارت(٢٣)

هلا يا نور الفرح 
في عتمة أيَّامي
هلا يا معنى قصيدي
وغايَّة حروفه

-الرياض-
فهد: تحرقون المزرعه فاهمين
سطام: ياعم شكل الكبر بدا يوضح عليك
سكت فهد
سطام: انت تبي الضرر للجد تحرق المزرعه ليه عادي عنده مزرعه بدالها مزرعه
فهد: اجل وش احرق
سطام : الي يكونون كلهم موجودين فيه بيته مهب افضل شي تشوف عبدالله يحترق في كل عياله واحفاده 
ضحك فهد من خبث سطام : سو الي تبيه مزرعه بيت الي تبيه سووه
سطام : بعد اسبوع نتلاقى

-الديره-
الكل لاحظ تغير ورد الجذري ماتطلع وماتتكلم مقفله عليها الباب ومتمسكه الصمت

الجد : كني قسيت عليها ياصبحى
الجده: ان شاء الله يكتب الله الي فيه خير

في الطرف الثاني من البيت (بيت ابو فارس)
ام فارس وهي تصب القهوه : محمد ورد تعبانه ومدري وش يوجعها
ابو فارس وهو يحاول يغير السالفه: تلقين راسها مصدع ان شاء الله طيبه
سكتت مها وبنتها ابدا مو عاجبتها الي يشوفها يقول ذابله
دخل عليهم خالد
خالد ومو عاجبه جوهم : يوجهله وش في البيت اليوم محد يبتسم اعوذ بالله
ابو فارس : اجل وسع صدورنا
خالد : اي شغلتي عندكم مهرج اضحكم
نزل محمد العقال
خالد ويتدارك الوضع : اضحكك ليه ماضحكك وابد لو تبي اجيب لك سيرك جبته طوالي
ضحكت ام فارس على ولدها قدر يعدل شوي مزاجها
ابتسم محمد من ابتسامتها

-عند البنات -
غيد : بنات ورد وش فيها
غيدا: مره مستغربه منها حتى اليوم ماطلعت ولا امس وكل شوي جدي يسأل عنها
ياسمين : انا طول عمري مافهمت ورد اذا زعلت قفلت كل الطرق للوصول لها حتى وانا اختها صعب افهمها
الهنوف : زعل ورد مايطول يومين ذي المره طول جلست ايام مختفيه وش ذا

مرت اليله بهدوء وكل دخل ينام
فتحت ورد باب غرفتها وهي تشيك اذا احد فيه
ورد وهي تمسك صدرها: اشوا محد موجود قسم بالله جويعه من صبح ماكليت شي
دخلت للمطبخ وبدت تدور اي شي تاكله شافت على جمب قدر فيه رز وجريش ومرق ورقه جمبها مكتوب
""اعرف يابوي انك بتجوعين اكلي ولاتخلين ذا الشايب يقلق عليك"
امسكت الورقه وبدت يدها ترجف من حنيته ومن تداخلت مشاعرها ببعض حست في احد دخل ومسحت دموعها بطرف يدها
تركي وهو داخل وشافها لازم يفاتحها بالموضوع ويقنعها
تركي وهو يتكي على الباب ويتأمل شكلها على بعثرتها الا انها حلوه
ورد وهي تلف عليه وبصوت خافت : اطلع
تركي وكل شوي يتقدم لناحيتها
ورد وهي مالها خلق لأي شي ولا تبي تتناقش : ياولد العم اطلع
تركي وهو يعقد حواجبه : ولد العم ؟
رفعت عيونها له وبكل قسوه : اي ولد عم وحركتك تدل على غيره ولد عم ومغصوب لانك ولد عم واضح مشاعرك لا فيها حب ولا شي ثاني
تركي منصدم ماتوقع تجيه بذا الاندفاع : ناقشت الموضوع مع فارس ، وتقدم يمسك معصمها بقوه
عيونك امس تحكي الاعجاب واليوم تحكي النفر والكره وش تغير
ورد: لو كانت ضروفنا غير كان بيتحول من اعجاب لشيء اكبر بس انت  رفعت يدها الثانيه لصدره ، مغصوب
تنرفز تركي من كلامها وماتوقع انها تفكر انه مغصوب عليها ترك معصمها بقوه وطلع من البيت يحس في جوفه نار مستحيل احد يقدر يطفيها ركب موتره وحرك مايدري وين يروح بس يبتعد الان عن الكل
خذت الورقه واتجهت لغرفتها تواسي نفسها بنفسها