حبك في قلبي قصيده

البارت(٣)

-بيت ابو فارس-
بعد صلاه العصر مجتمعين في الصاله يتقهون
ابو فارس: ترا بنمشي الديره اليوم
ام فارس: ماعد يمدينا الحين عصر متى بنتجهز
ابو فارس: عادي لو نمشي اخر اليل اهم شي نروح
ام فارس : زين ، ياسمين جهزي اغراضك الي تبغينها عشان مانتأخر
ياسمين: تمام بس متى بنرجع لان تعرفين مسابقتي لازم اجهز لها
ابو فارس كان قبل رسام بارع وله في الديره مكان سري يحب يرسم فيه وبعض ادواته القديمه فيها : ياسمين ابوي اخذي الي تحتاجينه من ادوات الرسم وبوريك مكان في الديره مستحيل تتركينه بعد ماتشوفينه
ياسمين: اخاف والله تمقلبني عشان اروح معكم
ام فارس: هههههههههه الظاهر
ابو فارس: والله ماعد فيه ثقه
فارس رفع راسه من الابتوب: يبه متى بنشمي بالتحديد لان لي شغله ابي اخلصها عشان اذا ماساعدني الوقت الحقكم بكره
ابو فارس: اهم شي شغلك الديره لاحق عليها خلص شغلك ثم انزل لنا
فارس : زين
انفتح باب البيت وكان خالد ومعروف خالد بهباله
وبصوت عالي يغني ، " هلاااابش حي من عاااكس اتجاه الريح وجابش هلااابش قد ماسوى الوله فيني بغيابش"
ابو فارس: لا والله فلحنا
ياسمين: خلودي لاتغني ثاني مره لان اذني قامت تنزف
فارس: ههههههههههه والله عطتك وحده طيرت جبهتك
خالد: راح وضم امه بقوه ماعلي منكم اهم شي القائده عاجبها
ام فارس: اي والله عاجبني والله كانك المغنين الكبار ولفت على ياسمين، بنت ذكريني اصوم ثلاث ايام هههههههههه
وانفجرو كلهم ضحك
ابو فارس: خالد عندك شغل ولا بتنزل معنا لديره
خالد : لا بنزل معكم
ابو فارس : تجهزو مانبي نتأخر

اتصل ابو فارس على اخوه عادل : السلام عليكم
ابو تركي: وعليكم السلام هلا والله وش اخبارك
ابو فارس : بخير الحمدلله بتنزل الديره ولا لا ؟
ابو تركي: الا ان شاءلله شفني اركب الاغراض في السياره ماشين الحين
ابو فارس: اجل ماطول عليك يلا تامر علي شي
ابو تركي: ابدا سلامتك

-بيت ابو عساف-
ابو عساف: شيهانه ترا اخواني بيجون اليوم ولا باكر
ام عساف: وش اسوي لهم خلهم يجون
ابو عساف: وشذا الحكي
ام عساف: اعذرني والله زليت لساني تعرف تعبانه وراسي مصدع
ابو عساف: ماتشوفين شر
ام عساف : الشر مايجيك وفي قلبها ياليل من عاد بيقابل وجيه النحس ولا بتجي مها وتغثني الله ياخذها
عساف خرج من غرفته
فز قلب عبدالرحمن وهو يدعي من كل قلبه ان الله يخليه له ولا يشوف فيه مكروه
ابو عساف: ارحب ارحب ياوجه الخير تو والله مانورت الديره
عساف: المرحب يبقى يالغالي وجاء حب راس ابوه ثم لف على امه وحب راسها
ابو عساف: متى جيت يابعدي
عساف: جيت اذان الفجر ودخلت ارقد في الغرفه ماحبيت ازعجكم ويوم قمت لقيت امي وسولفت معها ثم رجعت اقيل تعرف شغل الشركه شوي ضغط ، تعود عساف يقول تفاصيل يومه لابوه يحب يشاركه كل شي وابوه يحب ذي الصفه فيه ودايم مستمتع ويمسع له
ابو عساف: ترا عمانك يمكن بيجون اليوم
عساف : ماشاءالله كلهم
ابو عساف: ايه

-عند ابو تركي-
غيد: مره حر كيف نروح الحين مره لااا وبعدين الديره بلقى النامس والحشرات وجهي بيتحسس
غيدا: غيد كل شوي بتعيدين ذي الاسطوانه وش جوك وبعدين الحشرات بتنحاش لو شافتك عشان كذا هدي
ام تركي: غيد وغيدا خلاص واستعجلو الله يهديكم ابوكم يبي يمشي الحين
غيدا: انا خلصت واخذت اغراضي كلها لسياره بس بعض الناس فالح يتحلطم مو مسوي شي
غيد: يالله يالله هذاني خلصت باقي بس اسوي لي قهوه
، طل عليهم سلطان وهو يصفر : وش له ياغيد تسوين قهوه بنمر كوفي وناخذ لنا مو احسن
غيد: والله فكره حلوه
ومن الدور الارضي ينادي : يالله خلصو علي ورانا طريق
نزلو كلهم واتجهو للكوفي اخذو طلبهم سفري واتجهو لديره
ابو تركي: النوري ماقالو لك العيال متى بيجون
ام تركي: تركي يقول اخر اليل وراكان يقول بكره او بعده
ابو تركي: زين يارب مايتأخرون
غيد: بابا شغل المسجل وحط لنا اغاني نبغى نروق
ابو تركي وهو يشوفها من المرايه صار لهم مده طالعين من الرياض : غيد وغيدا نزلو نقاباتكم قدنا في خط سفر ومابه احد ولف على نوره ، النوري نزليه خلينا نتأمل شوي هههههههههه
ام تركي: ههههههههه اخاف تصدم فينا
فتح البلوتوث وشغل اغنيه
"ياغالي الأثمان غلوك بالحيل
من يوم سمو بك جميل المحيا
شخص تمنيته على العدل والميل
والحمد لله يوم خلي تهيا"
غيدا رفعت عينها على  امها وابوها وتتمنى ان الله مايغير سعادتهم تعشق كيف ابوها يهتم لادق التفاصيل في امها تعشق طريقته للحب وحاطه في بالها الي مايحبني مثل حب ابوي لامي مابغى حبه
سلطان: يالغالي مو وقت الرومانسية الحين ههههههه
ابو تركي: اخذ علبه المنديل وحذفها عليه