حبك في قلبي قصيده

البارت (١٤)

الهنوف وهي تدخل والصاله عمت بصوت شهقاتها وامها ملتويا عليها وحالتهم ماتسر العدو
الهنوف وهي كل شوي تشهق وتقول كلمه : يايمه ااا يايمه بنتك اناااا بنتك اااا ك ك ككي ف ياخذوني من حض ااانك كيف يايمه انا اا  ولاعمري  اا فارقتك الحين اروح منك تكفيييين يايمه لاتخليني
العمه حصه وهي منهاره على الارض: يالهنوف يابنتي كانك بتموتين لاتقولين ذا الكلام انا هنا اتقطع ماتشوفيني يابنيتي انا ام ام كيف بخليك تروحين كيف
قامت الهنوف وتبكي في حضن امها
العمه لولوه: ياحصه اجعتي قلب البنت خليك قويه والبنت مراح تجلس عندهم كلها يوم وترجع لك
الهنوف وهي تبكي بصوت عالي: ليه الحين يبوني اجيهم عماني صار لي ١٧ سنه ماشفتهم جدتي الي يقولون انها مشتاقه لي ماجات حتى تمايمي ماجت عليها خلتني انا وامي سبب موت ابوي ليه كل ذا يصير لي انا وامي
العمه حصه: قومي يابنيتي قومي امشي للغرفه وبتزين الاحوال قولي لاحوال ولا قوه الا بالله
الهنوف وهي تترنح في مشيتها خايفه خايفه من عمها ومن الشر الي في عيونه خايفه من جدتها خايفه من كل شي يتعلق في عمانها ولاعمرها شافتهم ولامره

صار الكل مجتمع في الصاله وهذيك اليله مامرت بسلام على افراد العائله كلهم اجعتهم الهنوف وحصه

الجد: الهنوف وينها ؟
العمه لولوه: دخلت تنام
الجد: بروح لها
الجده: ياعبدالله خلها ترتاح واذا صحت كلمها
الجد وقف يقاطع الكلام واتجه لقسم حصه وبنتها
طق الباب مره مرتين والثالثه جاته صوت بنته
العمه حصه : من
الجد: ابوك افتحي الباب
قامت حصه افتحت الباب وهي تناضر عيون ابوها ونقل الجد نظراته للهنوف شافها مغطيها وجهها بالمخده وكل شوي تطلع منها شهقه
الجد وهو يشاور حصه : يابنتي اطلعي ابي اكلمها
طلعت حصه وسكرت الباب وراها
الجد قرب من السرير وجلس على طرفه ومد يده يمسح ظهر الهنوف
الجد وصوته مليانه حنيه : يابنيتي قومي ابي اكلمك
الهنوف مستمره على الصمت
الجد وهو حاب يمازحها نغز بطنها وهو يقول : افا ياهنيف ماتكلميني افا تخلين الشايب ينتظرك تتغلين علي
قامت الهنوف احترام لجدها وعيونها قالبه حمراء من كثر البكاء
عينها الناعسه وعيون جدها المليانه تجاعيد بكبر سنه
نزلت دمعتين من عيون الهنوف
مد الجد يده الي مليانه عروق بارزه ومسح الدموع وقربها من عنده
الجد: يالهنوف يابنتي بتروحين وتسلمين عليهم وترجعين علينا مكانك في بيتي وبيتي بيتك ولااحد يقدر ياخذك الا برضاك حتى لو تسفك الدماء والله ماخليك وراي واقفي بكون اول واحد تلقينه وتعرفيني ولاعمري اخلفت وعد
الهنوف وصوتها يهتز : جد خايفه خايفه مارجع خايفه افقد امي و افقدكم
الجد: ياخسي الي يفكر وابد لاتشلين هم تروحين الفجر تسلمين وترجعين العصر ها وش قلتي
الهنوف وهي متردده : بس
الجد: استهدي بالله وشلي الخوف ماعرفتك تخافين مانتي بتقولين اني عن الف رجال وين راح ذا الكلام
الهنوف وضحكت
الجد: اي ابي اشوف ضحكتك
الجد قربها وضمها وحب راسها : تذكري انا وخوالك ورا ظهرك كلنا معك
الهنوف وجدها عطاها شجاعه وقوه: ابشر بسلم عليهم
الجد وهو يوقف : ذي الهنوف الي عن الف رجال
الهنوف : تسلم
طلع الجد وهو ينادي بنته حصه
الجد: ياحصه
وحصه كانت سانده نفسها على الجدار وهي تفكر في بنتها قلبها يوجعها ومو مرتاحه ابدا ولو يقولون عكس كذا هي متأكده ان صالح وراه بلا الكل عارف ان جدتها ماتدانينا سمعت صوت ابوها يدعيها
حصه راحت لابوها
العمه حصه : لبيه
الجد: روحي لبنتك علمتها وفهمتها باقي انتي تقوين نفسك عشان نفسيه البنت ماتتأثر وابد لاتخافين انا وراها واذا مارجعت اليوم بتحرك انا واخوانك لرياض
العمه حصه: الله لايحرمني منك ولامنهم
ودخلت لبنتها
العمه حصه قربت منها وضمتها طال الصمت بينهم واستمر الحضن لدقيقه
العمه حصه وهي تمسك وجهه بنتها : مثل ماعلمتك دايم واثقه فيك واعرفك بتحلين مشاكلك بنفسك واعرف انك قويه وتعتمدين على نفسك انتبهي على نفسك اذا رحتي اي مشكله تصير لك اتصلي علي او على احد تعرفينه زين
الهنوف : تمام