حبك في قلبي قصيده

البارت(٢١)

ناصر : وهذي قصه جدي مع فهد
فهاد: فهد ذا خطر عليكم
ناصر وهو يرجع ظهره على الكرسي: ولانه خطر نبي ننهيه في اقرب وقتت ولا لي نيه اتأخر دقيقه وحده
فهاد: كيف بتنهيه
ناصر وهو يبتسم: اقرب شخص له بخليه ينقلب ضده فهد مايقدر على سطام ونهايه فهد على يد سطام
فهاد : وش بتسوي
ناصر: بتشوف

-المزرعه-
اذان المغرب
صلو الريجيل وخلصو والتمو من جديد في جلستهم
الجد: مانتم بناوين وش بتسوون
خالد: خل نشوي ياجد
ورد: ماصرنا نثق فيك ياخالد
خالد وهو يمثل : افاااا كسرتيني
فارس: فكره خل نشوي عشانا اليوم شوي
ياسمين وهي تشاور ورد: اي كذا ارتحت دام فارس معهم
ورد: يالبى اخوي العاقل
قام خالد وراكان يجيبون من البقاله اغراض الشوي
الجده : اجل خلونا نتصل على ام غرور وتجي غرور تتونس مع البنات المسيكينه ضايق صدرها ولا عندها احد يونسها
الجد: الغاليه بنت الغالي حياهم الله والمكان مكانهم
الجده: اجل راكان رح جبهم اني اتصلت عليهم وبيتجهزون
راكان وكأن احد معطيه هديه وهمس: والله انك تعرفين قلوب احفادك اخذ مفاتيحه من المركى وجواله واتجه لسيارته

-بيت غرور-
ام غرور : خلصتي يابنيتي
غرور: اي يمه خلصت
طلعت من الغرفه لأمها وكانت لابسه بنطلون ابيض وتيشرت كت لونه كحلي وجزمه لونها ابيض وحلق فضي كانت ناعمه ومكياجها خفييف شعرها قصير يوصل لتحت عنقها اسود وفارقته من جنب شكلها لطيف ويجذب
ام غرور : اقري اذكارك
غرور ضحكتت وشافت اتصال من ورد ردت عليها
ورد: متى بتجين طولتي
غرور: لذي الدرجه ماتقدرين من دوني
ورد: مره مره ماقدر
غرور: يالببى بس يالله شويات وجايه معسلامه
ورد: معسلامه وقفلت

وصل راكان وشاف ام غرور ومعها اغراض نزل من السياره يساعدها
راكان : عنك عنك
ام غرور: ماتقصر ياوليدي
اخذ راكان وحط الاغراض ورا
وطلعت غرور من البيت وتقفل الباب
ام غرور: غرور اربك مانسيتي شي
غرور: لا مانسيت
ركبت السياره وتسرق النظر له مستحيل تكذب كل احفاد عبدالله جميلين من عيال وبنات وكل واحد له جماله بس راكان تحسه غير جماله مهيب تحس اذا طولت وهي تشوفه بتصيبه عين ابتسمت من تفكيرها انها بتعطيه عين غرور وفي نفسها قسم بالله انهبلتي ياغرور

وصلو للمزرعه ونزلو

دخلت غرور على البنات
ورد: ياحي الله غرور
غرور: الله يحيك
سلمت عليهم
ورد: بالله ذوقي الكوكيز الي سويته لذيييذ بتاكلين اصابعك وراها
غرور: يابنتي كل شي من يدك حلو
غيد: بنات عندي لكم مسلسل
الهنوف: بنت ماتملين انتي كل شوي مسلسل ماتخلص قائمتك مفروض يحطونك في موسوعه قنس
غيد: اذكري الله
الهنوف: ماشاءالله
غيدا : تخيلو العشاء بيكون مشاوي
غيد وهي ترفع حاوجبها : اذا كان بيطبخه خالد انا انسحب لاني ماثق
ضحكت ورد : بيكون معهم فارس تطمني مستحيل يسوي فارس شي