حبك في قلبي قصيده

البارت (١٧)

-عرس النسوان-
حوش كبير وكراسي مغطيه بقماش ابيض مصفوفه دار مادار على الحوش وفرش حمراء مغطيه كل الحوش والعقود منوره المكان ومعطيه شكل بسيط لكن جميل
وعلى زوايه الحوش كراسي وطاوله الطقاقات
وام فهده تهلي وترحب في الضيوف واخت فهده معها البخور وقايمه في الواجب
كان الحوش مليان اغلب الديره جايين
ودخلت الجده صبحى ووراها بناتها وزوجات عيالها وحفيداتها وكل وحده تقول الزين عندي وعلى طول الفتو انظار الحظور بكم الهائل من الجمال
بدت ام فهده ترحب في صبحى بأحر الترحيب
صبحى ماحد يظاهي حظورها ومكانها وحنيتها معروفه عند الكل امرأه تجسد الحكمه والهيبه وكل صفه جميله تتجه لها
ام فهده : يامرحبا وغلا ياهلا والله الساعه المباركه بشوفتكم ارحبو ارحبو
الجده صبحى : المرحب يبقى
ام فهده : وشلونكم وش اخباركم
الجده صبحى : بخير الحمدلله
بدو يسلمون على الجميع واصطفو على كراسي وحظورهم معطي هيبه

في الجهة الثانيه
-عرس الريجيل-

خيمه كبيره ويتوسط الخيمه منقل كبير فيه نار شابه وحولها دلال القهوه الكثيره وعلى جمب فرقه العرضه
اهل الديره يحبون العرضه النجديه ولازم في كل زواج يعرضون بالسيوف
والريجيل يقدمون عانيه للعريس (عاده من العادات الاجتماعيه ، وتكون عباره عن مساعده للعريس بتكاليف الزواج ، وتكون عباره عن فلوس او ابل او غنم )

الجد عبدالله: الله يوفقك ويسعدك بارك اللَّهُ لكم، وبارك عليكم، وجمع بينكم في خيرٍ
سيف: امين

"وبدت العرضه"

وجميع الريجيل مصطفين وبصوت واحد

نحمد الله جت على ماتمنى*من ولي العرش جزل الوهايب.
خبر اللي طامع في وطنا ** دونها نثني الي طلايب
واجد اللي قبلكم قد تمنى **حربنا لي راح عايف وتايب .ياهابيل الراي وين انت وانا

وتركي بالسيف يلعب ويردد( نحمد الله جت على ماتمنى)
والجد على يمينه ولده محمد ويساره ناصر وكل واحد يلعب بسيف وناصر يساند يد جده
وكل ماجاء عند نحمد الله جت على ماتمنى
كل الحظور يرفعون الصوت وكان المنظر يأسر الناظرين من الهيبه واجتماع التراث السعودي

-عند النسوان-
وحده من عجز الديره المتشددين مره ومأذيه دايم الناس بكلامها وطريقه نصحها مايتقلبها اي شخص (عده)
العجوز عده وهي تكلم صبحى : ياصبحى وشذي الملابس الي على حفيداتك عزالله فسخنا الحياء معدبه بنات يستحون
الجده صبحى وبكل رزانه : ياعده ذا الزمن تغير وقد فيه شي اسمه مويضه مدري موضه يحبونها البنات ويسون نفسها شوفيهم كل وحده تقول الزين عندي
سمعت غيد كلام عده وهي تشاور ورد : ياخي ذي وش فيها عجوز قريح ياخي وش ذا الاسلوب الهمجي وع متى بيتغيرون
ورد وهي تقبصها عشان تقصر صوتها : يابنت الحلال ذي لسانها متبري منها اسفهيها بس
غيدا ودخلت في النقاش : بس مالها اي داعي يوم تقول لجدتي ذا الكلام وبعدين وش تتخيل رد جده بتقول اي والله اكيد بتكرشها
الهنوف : بتتعودون توكم ماشفتو شي هذا بس نقطه من بحر
ياسمين : بنات لاتعكرون مزاجكم اسحبو عليها
ورد وهي تشوف ترف : ياخي ذي البنت ماتنبلع
غيدا وهي تتذكر كلامها لخالد: تقهر تحسينها متكبره
غيد وهي تضحك عشان مايبانون انهم يحشون : ههههه مره مره
ياسمين : غيد ترا واضح انك تتصنعين
غيد : امانه
الهنوف : بحلف بدالها والله
ترف وهي تشاور عبير : قسم بالله ورد هذي تقرف والله لو مو اخوها خالد لادفنها هنا
عبير : حرام عليك ورد طيبه وماشفنا منها الا كل خير
ترف وهي تلف على عبير : ورد صديقتك او انا
عبير : ترف كلمه الحق ماتزعل
ترف : حسستيني انك محاميه لها
سفهتها عبير وماردت عليها
ترف وبكل كره تناظر ورد : اوف
ورد تشرب القهوه بكل نعومه وهي تتكلم مع البنات : واضح واضح انها مو ميته صح
غيد وهي تشوف ترف : مره
واقبلت غرور تسلم عليهم : اهلا بناااات
ورد : يامرحبا اي ذي الناس الحلوه الي نتأملها مو مثل بعض الناس
غيدا : غرور واهخ شكلك يموت
غرور : اعجبك شرايك بس في الميكب
ياسمين : بحق تحفه
ورد : بدون نقاش يامحبوبتي تراك بتروحين معنا للبيت
غرور : امي اخاف ترفض
ورد: امك عندي لاتخافين بتوافق
غرور: تعجبني الثقه
غمزت لها ورد
وبدت الطقاقه تطق
وبدت في اهل العروسه ولعبو شوطهم
ثم في اهل العريس ولعبو شوطهم
وكل وحده تطلب لها شوط
ورد انا بروح بخليها تحط فيني شوط ابي اقهر ترف الين تموت
بخليها تطق لي لف شرطان الذهب
غيد: بتخربين اغنيه رشوووديي
ورد: وش عرفك الطقاقه تخليها لرقص
ورد راحت لامها تقول لها ترا بترقص
ام فارس : تمام اذا بدا بقوم اراقصك
ورد وهي تضحك مع امها : اخاف تاخذين مني الاضواء ههههههههههههه
ام فارس : ههههههههه يحق لي
ورد : اي والله يحق لك مو لغيرك
راحت لطقاقه وقالت لها
وبدت تطق الطقاق
"لف شرطان الذهب فوق المتون لفها يوم التوت فوق البياض"