حبك في قلبي قصيده

البارت(١٣)

-بيت الجد-
العصر ٤:٣٠
تركي وهو داخل من عند الباب وحاط شماغه على كتفه ومرجع شعره على ورا واضح انه هلكان
شاف العيال كلهم يرتبون الحوش والي داخل والي طالع
ناصر: ياولد اعقل عزالله انك مختل
خالد وهو رابط ثوبه على خسره : والله ماعلي منك
ناصر : جدي لو شافك توطى في بطنك
خالد وهو يقبل على عساف ويتراكى عليه وبصوت عالي:
بوسه لروحك وقلبك..الك يا عمري اوديها
ومن توصلك بكيفك..وين تريد خليهاا
ع الخدين ميخالف.. فوق العين ميخالف
واذا ع الشفه بعد احسن..فضل منك تسويهاا
الجده وهي تمسك راسها : ياجعل البعير يلطم شفتك
خالد : هههههههههههههه افا ياجده بعير مره وحده
فارس : زوجوه
خالد وهو يلتفت عليه : لا لا هونا
البنات وهم يشوفونهم من عند دريشه المجلس وانهارو ضحك على مناقرة خالد لجدتهم مره يتغزل فيها ومره يتحلطم ومره يفك برقعها وينحاش فيه
الجده : ياخويلد ماكن عمرك ٢٥ كانك بزر
خالد: ياجده خلونا نستانس ياوجهوله
سلطان : ولا بعد محامي عزالله عينا خير
خالد: الا شغلي مااصير خالد اتحول
فارس: ياليتك تتحول الحين وتعقل ماعد بقى على المغرب شي
خالد وهو يقوم ويشر عليهم : يلا سويت الي علي بروح اطلع ملابسي من المغسله
الجده: استودعك الله
خالد اقبل عليها يبوس راسها ويطلع من البيت
راح لسوق الديره
يشوف النسوان والريجيل طالعين
اقبل على المغسله
خالد: ياولد الغسيل
دخل مشعل
مشعل: ارحب خلودي
خالد: البقى شعولي
مشعل: اما شعولي
خالد: والله وش اسوي اسمك ماله دلع
مشعل: في ذي اتفق
خالد: بتجي عشى جدي
مشعل: اي ان شاء لله
خالد: حلو
وخذا ملابسه ودخل البقاله
خالد: سويلم فيه كرتون علب مويه
سويلم : اي فيه
خالد : اخذ الاغراض الي موصينه عليه وطلع
وصل بيت جده ورفع ثوب وربطه على خصره وقام ينزل كراتين علب الماء
خالد: ياولد تعالو ساعدوني
اذن المغرب
الحوش ركبو العقد والانوار والنار شابينها وحاطين القهوه والشاهي والفرش مفروشه العود شغال

-عند البنات-
ورد كانت لابسه فستان ابيض ماسك على جسمها لحد الساق وحاطه ويفي ومكياج سموكي: بنات شكلي حلو ؟
ياسمين : مره تجنين
ياسمين لابسه فستان احمر وحاطه شعرها ستريت
غيد فستان اصفر ورابطه نص شعرها والنص الثاني مفكوك وحاطه ويفي
غيدا لابسه جمبوس اسود ورافعه شعرها لفوق
الهنوف لابسه فستان وردي وشعرها كيرلي

الغرفه حوسه من المكياج والاستشوار والويفي
العمه حصه: ياحلوات الغرفه ترجع مثل ماكانت
ورد: ابشري
طلعو بسرعه عشان يستقبلون النسوان
العمه لولوه: بنات بسرعه وحده تروح للمجلس وتشيك عليه
ياسمين : تمام بروح انا
دخلت ياسمين للمجلس تشيك على اخر التعديلات
ودخل عساف يحسب ان مافيه احد
وتشنج وكل حواسه توقفت لوهله فكرها ملاك مستحيل وحده بمثل هذا الجمال يكون على وجه الكره الارضيه
ياسمين شهقت ولفت عشان مايشوف وجهها
عساف على طول طلع من المجلس واستوقفه صوت عمته وهي تقول ياسمين ها المجلس مرتب
اكتشف انها ياسمين
عساف وفي نفسه يقول :
((دورت لك في كلام الحب بين السنين
من جيل هالوقت لـ ليلى ومجنونها
كل الكلام اللي قد قالوه ماهو بـ زين
في حضرتك يا هدب عيني ويا نونها
واحبك استنزفوها واجد العاشقين
احتاج كلمه جديده ما يقولونها ))
""الشعر والكلام مأخوذ""
طلع وهو نبضات قلبه تنسمع واجتاحه شعور يهز ضلوع صدره هز يبي ينحاش من كل العالم ويكتفي فيها ولو بيده الحين راح لعمه وخطبها مايبي يضيع الايام بدونها
تنح عند باب البيت
راكان: ياولد وش فيك كانك شايف لك جني
عساف وهو يرفع له ويبتسم وفي قلبه يقول : لا والله الا ملاك
راكان : يالله الريجيل قدهم بيجون
بدو الناس يجون
تركي وهو في المطبخ:يايمه يالله اخلصي علي
ام تركي: يالله هذاني خلصت
تركي اخذ الطفريه من يد امه وبغى يصقع وحده لابسه جلال ومو بينه
تركي: اوب اوب
ورد دخلت المطبخ بدون لاترد عليه
العمه حصه : مين في المجلس من النسوان
ورد وهي تفك الجلال وتحطه على الرف : جات ام محمود وبناتها وجات غزيل وبنتها وجات ام غرور وبعد شوي غرور بتجي ياربي غرور تنوكل تخيلي متصله علي تقول ترا سويت الجريش والقرصان
العمه حصه : ويلومني لاحبيتها تنحب ذي البنت
العمه لولوه: خفيفه نفس وطيبه