حبك في قلبي قصيده

البارت (١٨)

رتبت ياسمين المجلس
وجات ورد وجلست وهي تتأفف
ياسمين : ورد وش فيك
ورد: تخيلي مافي سهره
ياسمين : خلي خالد يجيب لنا من البقاله او روحي معه واشتري براحتك
ورد: ياخوفي البقاله مقفله
ياسمين: عادي يتصل عليه ويفتحه
ورد: يلا بروح اتصل
راحت ورد غرفتها تاخذ جوالها المشحون هناك واتصلت على خالد بعد دقايق رد
ورد: خلوددي عيوني
خالد : خلودي ذي وراها بلا وش تبين
ورد: حنا والبنات مجتمعين ونبغى سهره وحركات من البقاله شرايك توديني ؟
خالد وبعد تفكير : يلا دقيقتين وانا عندك
ورد: عادي احد من البنات يجي
خالد: عادي
قفلت ورد الاتصال من خالد وراحت ركض لغيدا
ورد: غيدااااا قومي بسرعه البسي اي لبس والبسي عبايتك ونقابك بروح البقاله
غيدا : قولي والله
ورد: بزر يوم اكذب عليك
غيدا: يلا بلبس واجيك
لبست غيدا جنز وبدي ابيض لبس مريح عشان غرور بتجي والبست عبايتها ونقابها وخذت جوالها
وورد لبست عبايتها ونقابها
غيد وهي في الصاله تشوف لها موفي ومرو البنات من عندها
غيد: بسمالله وين بتروحون
ورد: بروح للبقاله تروحين معنا
غيد: لا مشكوره
ورد: بكيفك

طلعت غيدا وورد وانصقعت غيدا انهم بيروحون مع خالد توقعت اي احد ثاني الا خالد ماتبي تشوفه او تلمحه تبي تمحيه من حياتها نهائيا
ركبت ورد قدام وغيدا ورا
وكان خالد مشغل اغنيه وصوتها عالي ويوم دخلو قصر على صوت
وبصوت محمد عبده
حبيبي لاذكرت انه حبيبي
دريت اني حظيظ وزان بالي

ورد: طولنا عليك ؟
خالد وهو يضحك : لا ماطولتو
رفع خالد نظره للمرايه وانتبه انها من بنات عمه
خالد: وش اخبارك
غيدا رفعت نظرها وتلاقت عيونهم انصدمت انه يسأل عن حالها
غيدا : بخير الحمدلله
رجعت عيونها لجوالها والتزمت الصمت
حرك خالد للبقاله
ورد: يارب انه فاتح
خالد : اذا مقفل بتصل عليه
وصلو وعلى حظهم مفتوح
خالد وهو يتكي يده على الدريشه : لاتطولون
ورد: زين تبغى شي ؟
خالد: ردبول
ورد: تمام
راحت ونادها صوته
خالد: غبيه الفلوس
ورد: غبي انت بسجل على حساب جدي
خالد: اقول بس اخذي الفلوس وانتي ساكته
ورد: يوه ياخالد
دخلت ورد وغيدا وبدت ورد تشتري وغيدا تشتري
بعد ماخلصو وراحو يحاسبون
وطلعت غيدا بوكها تبي تدفع بس انصدمت من الي سحب البوك من يدها
خالد : ورد ماني بقايل الفلوس الي معك تدفعين فيها
غيدا : خييررر
خالد وهو يحط عينه في عينها : والله العظيم مايدفع الا انا وانتم على السياره بجيب لكم الاغراض
ورد وهي ميته ضحك تسحب غيدا لسياره : اهخ مانتم بصاحين
غيدا: وع طيب وش فيها اذا دفعت اغراضي وابي ادفعها
ورد: وش عرفك ذي علوم الريجيل
اقبل خالد وفتح الباب واعطى ورد اغراضهم والبوك
حذفت ورد البوك لغيدا : غيدا بوكك
اخذته غيدا وهي ميته قهر
خالد وفي نفسه يقول العصر تدعي علي واليل تبي تدفع بدالي وطلع ضحكه جانبيه وعجبه الوضع
ووصل للبيت واخذ الاغراض من يد ورد وقفل السياره ونزل اغراضهم في المطبخ وطلع من البيت لبيتهم
غيدا راحت للغرفه ونزلت عبايتها وراحت للمجلس تشوف اذا غرور جات ولا لا
لقتها جات وراحت لورد تساعدها
جات غيدا وورد معهم الاغراض
غرور: ياهلا بالحامل والمحمول
غيد: هلا والله بالمحمول
ورد وهي تضحك : قليله ادب
وبدت سوالف البنات والضحك وحش مابعد الزواج
ومر القوت بسرعه وجات الساعه ٣ اليل
غرور وهي تشهق : يوه الساعه ثلاث لازم اروح لامي
ورد: اصبري شوي الين الفجر قده بيذن
غرور: اعذريني قدني بروح والله المره الجايه ان شاء الله
ورد: نوقف لك ؟
غرور: اي
لبسو البنات عبياتهم عشان يوصلونها
وصلو غرور لبيتهم ورجعو
ولقو قدام باب البيت فيصل
فيصل: يابسم الله جنون ماعدكم انس
ورد فطست ضحك
الهنوف: غريبه من وين جاي
دخلها فيصل من تحت ذراعه ويمشي هو وياها مع بعض
فيصل: راجع من العوال
الهنوف : اها
فيصل: ارب انك استانستي في العرس
الهنوف: اي الحمدلله
باس راسها وتركها رايح لغرفته
ابتسمت الهنوف من حنيه خالها