طلعت من غرفتها تمشي اتجاه غرفة مشاري برجفه وخوف انه عرف.....طقت الباب بتردد وهي اول مره تطق الباب فتح مشاري الباب وهو واضح عليه العصبيه جمانه طاح قلبها وعيونها تغرقت حست انها بتروح فيها
مشاري:انا كم مره اقول لك اذا اخذتي شي من عندي رجعيه الحين فين البور بنك حقي هاه
زفرت جمانه بضيق:عندي في الغرفه صبر اجيبه لك
مشاري:اي صح لا تطلعين الحديقه ترى فيه احد قدامك
جمانه بتمتمه:بعد وش يا حضي بعد ما شافني
مشاري:وش قلتي
جمانه:ولا شي بروح الجيب البور بنك
راحت تجيب البور بنك اعطته اياه وطلع ل خالد
مشاري:هوه يا الحبيب هيه نحنو هنا
خالد:اقلب وجهك توك تطلع يالضفعه
مشاري:هههههه شسوي لازم معجبيني ينتضرون معليه الا وش عندك مسرح؟
خالد:ما يخصك يالضفعه
مشاري:افا بس ما هقيت والله
خالد:اخلص اركب ولا ترا بروح واخليك
ركبو وراحو الاستراحه مع العيال
...... في بيت ابو سعد
ام سعد يلا يا بنات قومن لا بارك الله بعدوكن
وديان من تحت البطانيه:يلا يمه انزلي وانزل وراك
ام سعد:انا اقول الحين فزن يلا بسرعه
قامو البنات يتروشون ويلبسون وينزلون تحت
ابو سعد:هلا والله ببناتي بنضر عيني
غيم:مساك الله بالخير يبه
وديان:كيفك يبه
ابو سعد:بخير دامكن بخير ومو قاصركم شي
سما:بابا تحبني
ابو سعد:اكيد يا نضر عيني احبك واموت فيك بعد
سما:ماما تحبيني
ام سعد:اي يا بنيتي احبك واجد
غيم:بابا حبيبي
ابو سعد:الله يستر من النبره ماني مطمن
غيم:ابي اعزم صحباتي عندي اليوم ممكن
ابو سعد:انا عازم اليوم رجال بنسوي شراكه مع بعض وهو واحد من اخوياي القداما واعزه
غيم:بابا تكفى انا خلاص اديت كلمه ل البنات
ابو سعد:خلاص يا غيم كلمتي وحده ما اكررها قولي لهم بكره
غيم:افف
ام سعد:مين هم نعرفهم
ابو سعد:لا ما اضن تعرفونهم هم مو من العوائله المعروفه بس تصدقين يم سعد انه الرجال غريب
ام سعد:ليه؟!
ابو سعد:يعني يوم اصريت على العزومه قال ان عياله يجون نيابتا عنه مع اني اصريت يجي بنفسه بس قالي انه خارج المملكه ما حبيت اضغط عليه
ام سعد:غريب هالرجال والله
وديان:فنجالك يبه
ابو سعد:لا انا بطلع اي صح يم سعد ترى بتجي زوجته وبنته جهزو الضيافه وبيضو الوجه
ام سعد:ابشر تامر امر
ابو سعد:تبشرين بالجنه يلا مع السلامه
وديان:تتوقين يمه كم عمر بنته
ام سعد:مدري والله
وديان:طيب كم عنده عيال
ام سعد:انا اقول بطلي قرقره ولقافه مالها سنع وقومي معاي نجهز ورانا شغل واجد
وديان:و غيم ليه ما تنزل تساعد
ام سعد:خليها ذي انا اشوف شغلي معها
وديان:يمه سعد فينه
ام سعد:فالشركة
سما:ماما بسوي كيك شوكلاته
ام سعد:ابشري يلا نقوم نجهز
في مكان ثاني
رفع زيد الجوال وشاف اسم المتصل استغرب له مده ما شاف هالاسم استغرب من الاتصال
زيد:هلا والله يبه
زيد كان الوحيد اللي على اتصال مع ابوه الانه ماسك الشركه وبدون علم اخوانه وامه كان على اتصال مع ابوه
ابو زيد:اسمع يا زيد تعرف عبد العزيز آل....
زيد:اي والنعم فيه تاجر معروف وعنده شركات واسمه يعج بالسوق كله
ابو زيد:وصلت وانا ابوك انا عقدت شراكه معه وهو عزمني على عشا اليوم وابيك تاخذ امك واخوانك وتروحون بالنيابه عني
زيد:ابشر يبه خلاص ما يسير خاطرك الا طيب
ابو زيد:عشت وانا ابوك
زيد:يلا يبه بغيت شي ثاني
ابو زيد سكت شوي بعدين قال:كيف حال اختك
زيد:ما عليها طيبه
ابو زيد:الحمد لله اجل يلا مع السلامه
قفل زيد جواله وانشغل كيف يفاتح اهله بالموضوع كيف يقول لهم طلع من الشركه متجه للبيت
دخل البيت تعبان يبي يريح
زيد:يمه يمه
ام زيد:تعال يمه انا في الصاله
زيد:السلام عليكم تمسيتو بالخير
الكل:الله يمسيك بالنور
جلس سعد جمب ريم وحط بحضنه خالد يبوسه ويحضنه
ام زيد:وينك من الصبح طالع تغديت يمه
زيد:والله بالشركه ومتغدي يمه لا تتعبين نفسك
ام زيد:زين
ريم:زيد
زيد:لبيه سمي
ريم:بروح بيت اهلي اليوم بعد المغرب توديني ولا اروح مع السواق
سكت زيد شوي وسكوته خلاهم كلهم يسكتون ينتضرون رده
.......بيت ابو سعد
ام سعد:غيييييييم
غيم نازله من فوق:هلا يمه جيت
وديان وهي تصفق:ياويلها ياويلها او او
مع دخلت خالد:السلام عليكم
غيم وهي تجري تندس ورى ضهر خالد:تكفى الفزعه من الشبش
ام سعد:تعالي الضرب فيك فيك
خالد:وش فيه انا وش دخلني
غيم:انا في وجهك يا خاااالدد
خالد:يمه خلاص هي بوجهي لف عليها وش مسويه انتي هاه
غيم:ما سويت شي
ام سعد ما باقي شي ويأذن المغرب والعشى بيجون الضيوف وهي اتسدح فوق
خالد:الحين بتساعد ورجلها فوق راسها
غيم:كيف رجلي فوق راسي واشتغل
ام سعد:قايله خليني اصطرها
خالد:غيمم
يوم حست انو خالد مزاجه ماش وقفت تتريق بلعت ريقها وسبقتهم
دخلو كلهم يساعدون عشان يخلصون بدري وطلع خالد يريح بغرفته
انتهى البارت
