.....في بيت ام زيد
ام زيد:وش تقول يا زيد مين هو الرجال ورايحين نطب عليهم انا ماني رايحه
زيد:يا يمه تكفين اعطيت الرجال كلمه وقدهم جهزو لكم ضيافه
ام زيد:ما يمدينا نتجهز انا واختك
جمانه:الا يمدينا يمه معليك فيه وقت
على دخلت مشاري:السلام عليكم
الكل:وعليكم السلام
جلس واستغرب من السكوت:وش فيه؟!
زيد:اليوم احنا معزومين عند تاجر معروف بمناسبة شراكه بيننا وبينهم وبنروح كلنا
مشاري:ما عندك مشكله تمام متى
زيد:كفو وانا اخوك مع صلاة العشا نطلع
قامو يجهزون للعشى كلهم
...في غرفة جمانة
انا ليه افكر فيه سلمات جمانه صحصحي افف وش اللبس انا
...في غرفة ريم وزيد
ريم:ريح شوي على الاقل
زيد:لالا عادي مو تعبان ليه خايفه علي
ريم:اكيد بخاف عليك انت حبيبي ونضر عيني
.....
في الصاله بعد ما الكل جهز ونزلو الصاله
جمانه:ريم شوفي شكلي حلو
مشاري:بسم الله وش ذا الثور اللي قدامي يعع وش هالقرف
جمانه:مشاااااريي ورععع يمه شوفيه
ام زيد:بس انتي وياه
ريم:قمر تجننين تقولين للقمر قوم اجلس مكانك
مشاري:يا عزتي لك تسلكين لذي القشره
جمانه طارت بشوشت مشاري تنتفها له ووقفت على صوت هواش جاي من فوق
زيد وهو ماسك منصور من تلابيل بلوزته
ام زيد:بس اترك اخوك اتركه
زيد:ولد ذا مو متربي يبي له من يعلمه التربيه قليل الادب
دخل مشاري وفكهم عن بعض:خلاص انت وهو احتراما لوجود امي على الاقل
هدا زيد وبعد عنه
زيد:انا انتضركم في السياره يمه
ام زيد:يلا الحين نجي يلا يا بنات امشن
طلعو الحريم ينزلون للسياره
مشاري مسك زيد على جمب:وشبك يا خوي كذا
زيد:هاذا يبيله من يربيه من جديد
مشاري:زين يلا ارسل لي موقع القصر حقهم باخذ جمانه معب
زيد:يلا طيب
ركبو كلهم السيارات وحركو بطريقهم للموقع
في الطريق
مشاري:مستحيل لالا مستحيل
جمانه:وش فيك وش اللي مستحيل
مشاري:بيت خالد خويي هو نفسه الموقع اللي رايحين له
جمانه:متاكد نفسه هو
مشاري:اي والله متاكد
جمانه:وش هالصدفه
مشاري:اطلق صدفه خويلدو جايك
جمانه:هههههههههههههه
..........بيت ابو سعد
ام سعد:باري يا باري
باري:يس مدام
ام سعد:خلصتي كل شي جاهز
باري:ايوه كل شي خلص
دق الباب
ام سعد:يا بناات يلا تعالو وصلو وصلو
وقفو الحريم عند الباب ينتضرون الحريم يدخلون ويسلمون عليهم دخلو الحريم وبدو يسلمون
غيم:جمانه هاذي انتي
جمانه:غييم يا حياتي وش هالصدفه الحلوه واحشتيني
الكل كان مستغرب كيف يعرفون بعض
غيم:يمه هاذي وحده من صحباتي في الثنوي والحين معي بالجامعه
ام سعد:يا هلا والله ومرحبه فيك يمه
جمانه:تسلمين يا خاله
دخلو مجلس الحريم وبدت الضيافه
.....عند الرجال
دخلو مشاري وزيد ورا بعض
خالد:مشاري وش جايبك
مشاري بضحكه:كيف المفاجأه
خالد:اطلق مفاجأه
ابو سعد:انتو تعرفون بعض؟
خالد:اي يبه ذا خويي واخوي واقرب واحد لي
ابو سعد:يا محلا الصدف
ادخلو ادخلو حياكم يالله انك تحييهم
دخلو الرجال وكذلك بدت الضيافه عند الرجال
بعد ساعه من التعرف والسوالف والضحك
غيم اشرت ل جمانه تطلع معها
طلعو غيم وجمانه عن جو الحريم
غيم:وين نروح طفشت من جوهم
جمانه:مدري اي مكان خنسولف
غيم:امشي المطبخ نسوي قهوه وفيه حلا يلا
جمانه:كننا شغالات في المطبخ ههههههههههه
راحو المطبخ والسوالف في ايامهم في الثانوي
جمانه وغيم كانو اقرب صحبات في الثنوي مع الجامعات والاختبارات قل اتصالهم مع بعض والصدفه رجعت جمعتهم
.....عند الرجال
ابو سعد بهمس:خالد وانا ابوك روح شوف العشا
خالد:ابشر يبه
في المطبخ
غيم اسمعي بجيب من المخزن قهوه اذا احد دق الباب نادي علي تمام
جمانه:تمام من عيوني
معلومه شعر جمانه قريب من شعر غيم تقريبا
جالسه جمانه تفتح السنابات وتطقطق في جوالها
فجأه حست في احد وراها
خالد:غيم بنت
جمانه من قوة الخرعه وقفت مكانها بدون حركه والدموع تحجرت بعيونها
خالد:يا بنت مو وقتك ردي
جمانه تجبصت مكانها وهي تدعي ان غيم تجي بأي لحضه
حست باللي بدا يقرب منها بخطوات سريعه وغاضبه
لفها بقوه
خالد:قاعد اكلمك ليه ما..
سكت يوم شاف الوجه وهو مو وجه غيم انبهر بجمالها الفاتن ملامحها الحاده الهاديه كل شي فيها جذبه وخلاه عجز يشيل يده يحس الوقت وقف ولا حس بشي
جمانه اللي خلاص قلبها طاح من مكانه والصدمه ماليه وجهها انا ضلت متجبصه جسمها خانها وهي تشوف الشخص اللي يناضر فيها ومتأمل فيها
على دخلت غيم:خالدد....
