في طريقهم البر
جمانه مع مشاري
وريم مع زوجها زيد وولدهم خالد و ام زيد
جمانه:مشاري تكفى تكفى البقاله
مشاري:طيب بس يا وليلك تطولين
جمانه:هبشرررر هبشرر وانا اختك
جمانه فتحت جوالها وشافت الكم الهائل من رسايل غيم
جمانه:ول ول ول هذا غياب نص يوم كيف لو شهور
غيم:يا دبه توك تردين خوفتيني عليك خير وش هالحركات
جمانه:سوري حبيبي بس جوالي كان طافي وحوست الطلع
غيم:بمشيها لك عشان الطلعه
جمانه:صحح ترا بنمر المحطه اللي قدام انزلي خلينا نقضي للسهره
غيم:تممم تممم اشوف خويلد
تضايقت من قرت اسمه تنهدت وهي تحاول تخفي الضيق اللي فيها وتهدي نفسها بالطلعه
غيم:خلودشي
خالد:يعع يعع مسويه تدلعين يعني
غيم:اللي تبي المهم ابي امر المحطه
خالد:لا
غيم:تكفى خالد تكفى
خالد:قلت لا خلاص
غيم:مالت بس ليت عندي اخو زي مشاري بيمرر اخته البقاله بس مالت
فكر شوي وفكر انه بيشوفها
خالد:طيب
غيم بضحك:عشان تشوفها ههههههههههه
خالد:شدخل عليك ربط مواضيع حق امهات ليتك ساكته
غيم:طيب طيب بسكت بس مررني
نزلو البقاله غيم وجمانه
غيم:يا دبه وحشتيني ليه ذاك اليوم رحتي
جمانه وهي تحاول تنسى الموضوع وتصرفه:يا هبله خلينا نجهز للبر ترا جبت معي بلوجكتر وورقه بيضه كبيره عشان نتفرج فلم بيطلع شيي الليله وبنقعد ثلاث ايام بتكون طلعه شيي
غيم اللي وجهها تغير
جمانه:وش فيك
غيم:كيف اصارحك ان عمي ابو وليد بيجون
جمانه:احلفي
غيم:اي والله ودلال واختها الرقطه بيجون اخخ بس
جمانه:طيب متى
غيم:لا اشوا ابوي قال بيلحقون بكره يعني يمدينا نفلها الليله سوا لوحدنا
جمانه:طيب يلا نقش السوبر كله بعد هذول ضباط ولا متزوجين ولا مصاريف قشي ولا تستحين
مشاري وخالد اللي كانو واقفين يناضرون البنات
مشاري:شف شف نضرت الخبث ترا اختي خبيثه نمبر ون بتشيش اختك تخم السوبر ومافيه
خالد:هيهيهي جيت عند الاردا غيم اختي خبز يدي
مشاري:شكلنا بنروح فيها
خالد:انا اشهد
بعد ما قشن السوبر كله
خالد:هاذا كله ليه حرام عليكم
جمانه اللي اصلا كانت مقهوره من خالد
جمانه:ولا للحين ما جا زواجك خل تحللك اختك ولا لا تكون كمان بخيل
كانت تقصد ان كمان عنده مواصفات خايسه غير البخل
خالد اللي استغرب حتى نبرتها كانت تنرفز ليه تكلمه كذا
خالد:مو قصت
جمانه:محد طلب تبريرك
طلعت جمانه من السوبر وسط دهشت خالد وغيم اللي كانو مستغربين مرا حاسبو كلهم وركبو السيارات وكملو طريقهم
في السياره كان خالد تفكيره مب معه يفكر وش سوا وش قال عشان تعطيه ردت فعل زي كذا قطع عليه تفكيره
غيم:خالد وش بتسوي ب دلال بدون فضايح احس بتسوي حركاتها نفسها عاد وش يقولون عنا
خالد يتنهد:اخخ والله مدري وش اسوي فيها ذي ودي اشق الرمل واحطها داخل تموت كتمه كتمتني الله ياخذ*ها
غيم:الجهه الايجابيه أنهم بيجون بكره يعني الليله فرصتنا نفلها بدون هواش
خالد:تكفين اذا تهاوشتي معها عليك بشوشتها وضرب طيحي فيها بردي كبدي
غيم:افا عليك عندي
بعدها سكتت وكأنها تذكرت شي
خالد:خايفه منه الكلب
غيم بهدوء:من مين
خالد:وليد الزفت يعني مين إذا بس ناضرك علميني سامعه
غيم:طيب بس خالد انت وش دراك
/ فلاش باك /
مشاري:خويلد وش رايك نتقابل في كوفي
خالد:تم متى
مشاري:ابيك بسالفه مهمه وش رايك الحين
خالد:اف اف شكل السالفه ما تنتضر تم يلا الحين اطلع
مشاري:يلا ارسل لك لوكيشن الكوفي فمان الله
/ في الكوفي /
خالد:اي اسلم وش وراك من مصيبه
مشاري:والله الموضوع يخصك ما يخصني
خالد عدل جلسته:اي تكلم وش ذا عرض تشويقي ولا اعلان
مشاري:تنكت انت وخشتك المهم مالك بالطويله اسمع وانا اخوك انت عندك ولد عم اسمه وليد
خالد:بسم الله عفريت انت وش دراك
مشاري:كل تبن واسمع اليوم وانا راجع باخذ جوالي من عند جمانه سمعت اختك وهي تتكلم عن ولد عمك ذا وليد وأنه يضايقها عاد انت افهمها وهي خايفه تشكي لكم خوفا انكم ما تصدقونها انا ما يهمني لاكن يا خالد غيم امنتك إياها أسألك بالله لا يقربها ولا يناضرها التبن ذاك هي ماهي برخيصه كلن من بغا يناضر فيها ناضر
خالد اللي كان يستوعب الموضوع
خالد:ايا المل*عون تلصقه فينا مو حب فينا اثاريه يناضر هاذا وهو ولد عمها
مشاري اللي كل ما تذكر أن أحد يناضرها غيره يحترق ولا يدري وش يسوي
/ نرجع للسياره /
غيم:هاذا كلام مشاري
خالد:اي والله حتى انا استغربت يعني ليه منقهر للدرجه ذي
غيم كانت مبسوطه ما تنكر حست ان مشاري يغار عليها
