....مركز الشرطه
الشرطي:لازم اخذ مواصفات السياره مين كان شاهد على الخطف
مشاري:غيم غيمم
الشرطي:مين ذي
خالد:اختي
الشرطي:وش علاقتها بالمخطوفه؟
خالد:كانو طالعين مع بعض يتسوقون
الشرطي:استدعوها حالا لي
خالد رفع الجوال ودق على غيم
غيم:هلا خالد بشر لقيتوها
خالد:غيم تعالي مركز الشرطه سريع
غيم:تمام اي واحد
خالد:مركز ***
غيم:تمام جايه
جالس وقدامه اكثر من شاشه حس بهزت الجوال رفع الجوال شاف المرسل فتح الرساله ووقف من مكانه من شدت الصدمه كانت اخته مربطه وفاقدة الوعي ومكتوب على الرساله:كذا تكون الاهانه يا منصور آل****
فر الجوال بعصبيه
فتحت عيونها بألم وهي تحاول تتذكر ايش صار شافت المكان اللي له ريحه غريبه الارض اللي فيها مويه الاضاءة الخافته قشعر جسمها من المكان
تذكرت انها انخطفت طلت في شكلها ما لقت طرحتها ولا نقابها بس عبايه شافت جسمها مربط في كرسي خشب متهالك قامت ترفس الارض وتصرخ عشان اي احد يجب لين طاحت على الارض
حست بالم كبير في كتفها اللي طاحت عليه
سمعت صوت خطوات ورا الباب وانفتح الباب
دخلت غيم مركز الشرطه تدور بعيونها على خالد
شافته وراحت له ودخلو الغرفه
جلست غيم على الكرسي
الشرطي:انتي كنتي مع المخطوفة قبل الخطف بثواني علميني بالضبط وش صار
بدت غيم تتكلم وتحكي وش صار بالتفصيل
الشرطي:تمام حنا سوينا نقط تفتيش بيبلغوننا اول ما يرصدون السياره
مشاري:وبس كذا واختي اختي مفقوده كثر الله خيركم بس سويتو نقاط تفتيش
الشرطي:لا تدخل بشغلنا احنا بنشيك على كمرات المراقبه ونعرفهم انشاء الله
غيم:كانو متلثمين
الشرطي:الحين تقدرون تنصرفوا احنا بنشوف شغلنا
طلع مشاري وهو متنرفز ولحقه خالد
خالد:خلاص يا مشاري استهدي بالله هدي
مشاري:وش اللي اهدي اختي مخطوفه وتقلي هدي لو اختك ذي ما طلعتها ما كان صار كل ذا لو انها قعدت كان طلعنا معهم لو ا
سكته خالد وهو مصدوم من صاحب عمره انه يقول كذا يعني حتى لو بس تضلي غيم اخته وما يرضى عليها
انتبهوا ان غيم كانت تسمع وعيونها كانت غرقانه وتبكي وكاتمه شهقاتها
خالد:غيم يلا مشينا
مشت غيم مع خالد ومشاري ركب سيارته وحط راسه على الدركسون
مشاري:اففف انا وش قلت لهدرجه كلامي بكاها اففف
حس بشي حركه يوم شاف عيونه حس انه غلطان يوم فكر يبكيها حرك وراح على البيت وهو في عقله امه كيف يقول لها وش يسوي
انفتح الباب وهي طايحه على جمبها
مجهول:يوه ذي شكلها بتعبنا معها اعدلوها
كانت كل ما احد يحاول يقرب منها ترفس بطريقه جنونيه
مهند:مو راضيه نعدلها
قرب منها وجلس عندها ومسك دقنها
مجهول:تعاوني معنا عشان ترجعين سالمه لهلك واقصد سالمه اللي في بالك
توسعت عيونها بخوف وعرفت أنه مافي مخرج غير انها تسمع الكلام
قربو منها ورفعو الكرسي اللي متهالك يا دوب دوب
مجهول:بشيل عنك الربطه ونتكلم بهدوء لاننا بكان معزول في البر محد بيسمعك ف لا تتعلبين نفسك ولا تتعبيننا معك مفهوم شيلو عن فمها
شالو عن فمها وكانت نضراتها له قويه لدرجة انه حس فيها
جمانه:انت مين وش تبي فيني ووش هالمكان الزفت
مجهول:ناديني عمر واعتبري ذا اللي انتي فيه امم نقول انتقام
جمانه:وانا وش سويت عشان تنتقم متخلف انت
انصدم من جراءتها وعدم خوفها منه وانها تكلمه بكل ثقه وشجاعه
عمر:انتقامي مب منك من اخوك منصور انتي ثمن اعتذاره وخروجه من المنضمه
جمانه ما كانت فاهمه اعتذار ايش منضمت ايش منصور ايش دخله
جمانه:ارجع اقول انا شدخلني فكني فكني رجعني
عمر:لو اخوك يحبك طلعتي من هنا ولو لا بقيتي هنا لين يتنازل
مهند:منصور يدق
عمر:الطيب على ذكره
جاه صوت منصور وهو معصب:فكها يا عمر مالها دخل هي
عمر:انت عارف وش ثمن رجعت اختك واختصرها عندك يوم واحد ويجيني خبر خروجك واعتذارك فاهمني
قفل الخط بوجه منصور وطلع وطلب منهم يسكرو الباب عليها ولا احد يدخل ولا يطلع مهما يصير غير بامره
جمانه حست انو فيه شي ينزل على وجهها حاولت تفك نفسها ما قدرت مافي حل غير كسر الكرسي طلت بالغرفه تشوف اذا فيه حل شافت شباك خشب متكسر والفتحات فيه واجد حست انه شباك نجاتها
