الكل كان يناضرها وينتضرون منها ردت فعل على خسارتها لاكن صدمتهم لما ابتسمت
جمانه بتصنع:انشاءالله افوز فيها الموسم الجاي
قربت منها غيم وهي تشدها لحضنها كانت حاسه بقهرها وحزنها تعرف قد ايش كانت متحمسه وفرحانه وبغمضت عين حطم خالد كل اللي تبيه
غيم بخفوت:ما عليه يا قلبي الجايات لا تكدري خاطرك
شدت على حضنها وهي تكتفي بالسكوت كانت تعتبر غيم اختها وترتاح بقربها حييل
قرب مشاري منهم وهو رافع حواجبه وهو يبعد جمانه عن غيم ويسحبها ل حضنه
مشاري:خير يبوي بعدي عن زوجتي ما اسمح تحضن احد غيري
جمانه:انت اللي خير اعرفها قبل تسير زوجتك يالبنقالي
حست باحراج شديد والكل كان يناضر ويضحك قرصته قرصه قويه من ضهره تحرك بخفه وهو يبعد يدها ويتحسس مكان القرصه وهي تمثل انها تضحك وهي تسبه من داخلها
ابو سعد:يلا يا عيال تعالو تقهوو وانت فك بنتي خلاص ترا الهجهجه الزايده ماريدها
مشاري بخجل:ابشر يا عم
ضحكو كلهم على مشاري وردت فعله واتجهو الحريم ل فرشتهم والرجال كذلك بعد دقائق مضت التفتو كلهم ل خالد اللي متوجه لهم بعدها مررو نضرهم ل جمانه اللي وقفت وهي متجهه ل خالد اللي عقد حواجبه باستغراب من تقدمه لها
مدت يدها تصافح يده ناضرها لثواني بعدها صافحها
جمانه بجمود:مبروك الفوز
خالد بشك:الله يبارك فيك
رجعت وهي تجلس وسط صمت الجميع محد كان يتوقع خالد يشارك ولا احد توقع جمانه تبارك
/كل متوقع ات فتوقع ما تتمنى/
اكملت الجلسه بسوالف وضحك وشويت نضارت بين خالد وجمانه ومحارشات مشاري ل غيم طبعا وبعد اذان المغرب استعدو يرجعون ل بيوتهم كان الكل يساعد ويحط ويشارك بينما هي ترتب سرح تفكيرها باحداث اليوم وشلون فهمته غلط كل هالمده وهل من جد يقصد وحده يحبها غيرها تذكرت الرقم المجهول اللي جاها ربطت اللي صار وهي تطالعه بعدم استيعاب كيف جاب رقمها شتت الافكار من راسها يوم ناضر لها واشر بيده وش فيه
وبنربرت سخريه:مضيعه شي فوجهي ولا خاقه
جمانه بقرف:وع وع وع بس طرت ببالي شغله وسرحت لا تصدق
خالد وهي يقرب:سرحانه بوش هاه؟
بعدت عنه وهي تناضر حلوها:نحنا مو لحالنا مو شايف الاوادم وجع
خالد بخبث:يعني لحالنا عادي اقرب لك
جمانه بصدمه:لا وجع تبي كف يعدل تفكيرك وفهمك للمواضيع يا مختل
حس بالاهانه عمره ماحد غلط اعتاد على الاحترام من ناس غير اهله احترامه ومكانته ك ضابط وتهينه بنت ما تصله فيها قرابه
خالد بنرفزه وعصبيه:سدي حلقك ولا تقولين كلام منتي بقده وبتندمين عليه
جمانه بشجاعه:ماني سادته واللي يعجبني اقوله بكيفي وماني ندمانه بس قلي وش الكلمه اللي عصبتك عشان اعيدها
انقهر انها ما خافت او تراجعت حتى انصدم بشجاعتها قدامه واسترجالها
خالد بسخريه:حشا والله مب قدامي بنت تستحي على دمها قدامي ولد
لاحض عيونها اللي لمعت وواضح الكلمه تاثر فيها
مسكت دموعها بجمود وهي تحاول تجمه الانفاس اللي باقيه فصدرها:عشان ما سكت لك ورديت عليك صرت ما استحي عشان انا مو خايفه منك صرت ما استحي وصرت ولد لاكن انت لا عادي تحرقني بسباق كنت اتمناه وكلام زي الزفت ما بقول انك حرمه الان لو اشبهك بانسان عنده ضمير على الاقل ف هذا كثير عليك
اعطته ضهرها وهي تبتعد عنه متجهه ل السياره
زفر بهم وهو يغرس انامله بشعره ويتنهد مو قادر يفهمها ولا قادر يعرف وش تبي تحرك من سمع صوت امه تناديه
ركبو كلهم السيارات كل واحد متجه ل بيته
وصلت وهي تطلع غرفتها بدون ما ترد على احد حسو انها زعلانه ل خسارتها ولا حبو انهم يضغطون عليها
دخلت غرفتها فصخت عبايتها وهي ترميها على الارض بشكل عشوائي وتتجه للحمام عبت البانيو بعدها دخلت فيه كانت المويه دافيه مايله للحراره حرقت جسمها بالبدايه بس تعودت وهي تهدي اعصابها دخلت راسها في المويه في محاولت تهدأت نفسها تذكرت كلمته اللي كانها سيوف اخترقت قلبها تذكت كيف كانو البنات بالمتوسطه يقولون عنها ولد بسبب تصرفاتها اللي تخرج منها لا اراديا المشاكل اللي تسويها طيب هي ايش تسوي اذا ما تقدر تسكت عن حقها رفعت جسمها وانسابت دموعها تختلط بالمويه طلعت وهي تحس نفسها ارتاحت شوي طلعت لها بجامه خفيفه مراا شورت وعلاقي قفلت باب غرقتها وهي تسوي لها هوت شوكلت
/معلومه هي عندها ركن زي الكوفي ب غرفتها/
اخذت الهوت شوكلت وجلست على السرير تقلب جوالها بملل وصلتها رساله من نفس الرقم
:"مافي مبروك الفوز"
جمانه:"لازم اقولها مرتين"
:"؟؟"
جمانه:"ياخي ادري انك خالد خلاص كللليش"
:"خالد مين ؟"
جمانه:"تستهبل صح"
:"اي استهبل انا خالد"
جمانه:"وش تبي"
:"ولا شي بس بوريك اني فزت بالمركز الاول"'
قفلت جوالها ولا ردت عليه عشان تقهره
/نرجع ورا شوي/
ركضت جمانه من قالو لها غيم ترفس
اقترب من خالد اللي كان واقف مع جمانه
:السلام عليكم
خالد باستغراب:وعليكم السلام امر يالحبيب شبغيت
نطق بغيره:البنت اللي قبل شوي وش علاقتك فيها اشوفك تحتك فيها واجد
خالد بحده:وانت وش عليك حاشر نفسك معنا توكل بس
:هه بتوكل بس برجع لا تنساني
كان بيمشي بس رجع لما تذكر شي
:اي صح نسيت لو المحك تقرب منها صدقني ما اعديها لك
قرب منه خالد وهو ما عنده غير يلايط*يتضارب*
بس فرق بينهم موضف كان شايف الموضوع من اوله
موضف:كل واحد على خيله بسرعه بدا السباق
انتهى
/الوقت الحالي/
ابتسم ابتسامه ساخره مع خبث وهو يناضر الشخص اللي جالس قدامه
:اجل قلت لي ولد عمه
الوعد بعد العيد كل عام وانتم بخير 💙💙
