ام زيد:منصور يمه تعال ابيك بكلمه بالمجلس
منصور:ابشري يمه يلا
في المجلس:
ام زيد:ابيك تسمع كلامي وانا امك ولا تقاطعني
منصور:سمي يمه
ام زيد:يا منصور يا وليدي انت كبرت ولا عاد انت البزر الصغير توضفت ورجال ما ينقصك شي لا مال ولا جمال ولا شي كامل والكامل الله وانا ليقت البنت اللي تناسبك وتلوق لك وانا امك طلبتك ولا تردني كام لي خاطر عندك ما تردني البنت جميله ومزيونه ومن ناس والنعم فيهم انا ابي اخطب لك وديان
منصور:انا اسف يمه ما اردك وانتي عزيزه وغاليه بس انا ما اقدر اضلم البنت معي وانا ماني وجه زواج
ام زيد:لا تقرر الحين وانا امك فكر بعطيك يومين شاور نفسك لا تستعجل بقراراتك وانت قد الزواج وانا امك بس فكر
منصور مقتنع انه مستحيل يتزوج بس كان يبي يمشي لمه عشان تقتنع برفضه وهو ناوي يرفض
كان جالس في الحديقه وهو تفكيره في غيم وحركاتها وجمالها وكان سرحان في تفكيره سمع صوت جواله اللي رجعه للعالم
مشاري:هلا والله
خالد:هلابك يبعدي
مشاري:وش عندك داق مو من عوايدك بالعاده تدرعم
خالد:ابد بس شرايك بعد يومين نطلع البر
مشاري:تم قدام وانا معك بس مين بيطلع من الشباب
خالد:لا عوايل
مشاري:كيف يعني
خالد:والله غيم لها كم يوم صاجتنا خل نطلع طلعونا فقلت نطلع سوا افضل واونس
مشاري من سمع الموضوع فيه غيم وافق
مشاري:ابد تم اشوف الاهل وارد لك خبر
خالد:يلا فمان الله
مشاري:استودعتك الله
خالد اللي كان يبي يطلع عوائل بس عشان يشوف جمانه حبها خلاص وقرر يخطبها بس يبي يشوف هي تبادله نفس المشاعر
مشاري:يمه
ام زيد:هلا
مشاري:وش رايك نطلع طلعه مع عائلة ابو سعد نريح فيها من الاشغال ثلاث ايام ونرجع
ام زيد اللي طلت ب منصور واللي من نضرت امه عرف ان وديان بالطلعه تنهد ما وده احد يضغط عليه
ام زيد:تم وانا امك خلاص بس متى
مشاري:بعد بكره
ام زيد:مناسب لي خلاص وانا انك عط الرجال كلمه
مشاري:ابشري بالغاليه
ارسل ل خالد ان امه ما عندها مشكله ويطلعون بعد بكره بأذن الله
صحت مصدعه وعيونها توجعها شافت شكلها بالمرايه كيف كان وجهها تعبان وعيونها حمره من بكي امس طاحت دمعتها مسحتها ودخلت تتروش طلعت من الحمام طلعت لبس الفروسيه حقها لبسته شالت المنشفه عن شعرها اللي تناثر على كتوفها رفعته على فوق وثبتته ببنس حطت ايلاينر وشادو وقلوس طلت بالمرايه وهي تثبت نفسها لا تهتز قامت ونزلت تحت كان البيت هادي الكل نايم كان الوقت بدري كانت الساعه ٦:٣٠ محد صاحي تسحبت للمطبخ سوت لنفسها كوب قهوه وراحت للحديقه اول ما شافت بروق سمحت ل دموعها بالنزول كانت تدعي الثبات بس ما تقدر حلست جمب بروق وحطت كوب القهوه جمبها حضنت بروق وبدت شقاتها تطلع وكانت تبكي بحرقه
ان كام غيري خذاه الله يهنيه
حتى لو اني من الخاطر بغيته
الشي لاصار الكل خاطره فيه
والله لو اللقاه قدامي ما خذيته
