كانت مجهزه لها فستان احمر طويل لين نص الساق وفيه فتحه من جمب ومن فوق ف كان حبال والضهر مفتوح كان الفستان يجنن عليها ومبرز جمال جسمها وانوثتها فيرت اطراف شعرها اللي كان يوصل طوله نص ضهرها وحطت ميكب خفيف ومبرز جمالها اكثر حصنت نفسها ودخلت امها عليها تقول لها ان خالاتها وجدتها يسألون عليها وانبهرت من جمال بنتها قعدت تحصن بنتها عشان ينزلون للحريم
نزلو جمانه وام زيد راحت جمانه تسلم على جدتها ومن بعدها خالاتها وجلست مع بنات خالاتها
جمانه:كيفكم بنات وحشتوني
رنيم:يا دبه دوبك تذكرينا ارفعي الجوال سلمي غير نتعنى وتجيك للرياض
جمانه بحرج:والله اني ما افضى واذ فضيت نسيت
سحر:اللي ماخذ عقلك عنا يتهنى
جمانه جرى ببالها خالد شالت الفكره من راسها ورجعو يكملو سوالف
ام زيد:والله انا مسويه العشا له يا يمه رجال كفو ويستاهل
ام محمد:وبس يا بنيتي عشا
ام زيد:وش اعطيه اكثر لو يبي عيوني اديتها وش تشورين يمه
ام محمد:عطيه المهر اللي عندك
ام زيد:تبين جمانه تنهبل هي لو بروق تروح البيطري شتسوي فينا هالمره اهديه احد لا لا يمه
ام محمد:ما اقصد بروق اقصد المهر ذا (تأشر على جمانه)
ام زيد:لا يمه اللي يبي بنتي يتقدم لها ذي بنتي وحيدتي ما اعطيها عطا
ام محمد:بكيفك لو انا مكانك اعطيت
ام زيد تضايقت وقامت تشوف الباب الانه دق
ام زيد:مين
ام سعد:انا ام سعد
ام زيد:يا هلا يا هلا ومرحبه تو ينور البيت
ام سعد:الله يسعدك منور بأهله
ام زيد:وينه خالد ابي اسلم عليه
غيم:خالد خالد تعال
لبست ام زيد طرحتها ونادت جمانه تشكره من ورا الباب من باب الاصول والاحترام
ام زيد:مشكور يمه يا خالد والله العشا ذا قليل بحقك ولا هو من المقام ولاكن ذا شكر مني لانك رجعت لي بنتي رجال مثلك يا خالد قليل الله يحفضك لمك ويخليك لخواتك وانا امك
خالد:شدعوه يا خالتي وش له لزوم هالكلام والله اني ما رديت عزيمتك من حبي وتقديري لك وكثر الله خيرك وشكرك وصل والله
جمانه:كيفك يا خالد
خالد فز قلبه يوم سمع صوتها وارتبك ولا عرف وش يقول لسانه انربط ببعضه ولا هو عاد عرف وش يقول بعد صمت
خالد:بخير جعلك بخير
جمانه:ما ودي اقول اكثر من اللي قالته امي لكن شكرا يا خالد حرفيا شكرا ما تدري قد ايش الله بذاك اليوم سخرك لي عشان تنقضني ولو الله ثم انت ما كنت اعرف انا وش فيه الحين
خالد:والله ابد اللي سويته واجب ولا يستاهل كل هالشكر
غيم تضرب كتف خالد وتطاعل بمكان معين ناضر خالد الباب كان فيه فتحه من على جمب وكان واضح طرف من الفستان اللي كان لونه احمر
خالد:شكلها بتذبحني بالأحمر
غيم:وش قلت
خالد:اقول ادخلي
غيم:اي هين
دخلت ام سعد وبناتها وعرفت فيهم ام زيد بطريقه حلوه وجلسو وغيم من شافت جمانه انبهرت وفكت فمها
جمانه جتها تضحك
جمانه:اشبك يا بت سكري فمك ههههههههههه
غيم:جمانه تتهبلين ليتني رجال
جمانه:اجل بالله انتي تحسبي حالك انثى
ضربتها على كتفها
غيم:اقول خلي عنا ابي اهرب وش ذا الجو عجايز مرا
جمانه:تبين نروح المطبخ
غيم:دام بلقى اللي لقيتيه ايوه
جمانه وهي استغربت وش لقت بس عدت الموضوع
جمانه:الحين المطبخ الناس طالعين داخلين صعبه ندخل نطلع غرفتي نسولف على راحتنا
غيم:يلا امشي وانا وراك
طلعو جمانه وغيم الدور الثاني وكان مشاري طالع من غرفته
يوم طلع شاف جمانه ووراها وحده و الواضخ ما انتبهوا له كانو يسولفون
كانت جميله وتجذب لابسه فستان ابيض ضيق من عند الصدر وبعدها طايح لين نص الساق ومن فوق كان توب
كان يتأملها ومو قادر يشيل عينه منها دخلو الغرفه وقفلو الباب ومشاري ما زال واقف كان يبي يعرف من ذا القمر
جمانه:مين
مشاري:انا بدخل
جمانه:لالالا فيه احد
مشاري:طيب تعالي
قامت راحت له
جمانه:هاه شتبي
مشاري:اقول جمون
جمانه:قول
مشاري:مين عندك
جمانه:ليه تسأل
مشاري:فضول بس
جمانه:اجل خلي فضولك ينفعك يلا
مسكها مشاري:تكفين مين ولك اللي تبين
جمانه:اللي ابي !!
مشاري:ايه بس مين
جمانه:تم سهله عندي غيم اخت خالد
مشاري:تمام يلا تقلعي ودفها للغرفه
جمانه:كلببب نذلل معفنن
غيم:ههههههههههههههههه تستاهلين
جمانه ناضرت غيم بمكر:اقول غيم تدرين وش كان يبي
غيم:وش يبي
جمانه:كان يبي يعرف مين عندي وقالي اطلب اي شي مقابل اعلمه شكله شافك ووو
غيم قمطت ام العافيه:هاه كيف شافني ما شفته وخير يطاله سلمات
جمانه ماتت من الضحك على ردت فعلها
وغيم تسبها
عند مشاري اللي مو قادر يشيل غيم من راسه جمالها حركاتها ولسانها كانت تشغل تفكره مرا
