صحت الضهر بنشاط وتحس فيها نشاط تبي تطلعه
دخلت تتروش وتبدل بعدها نزلت تحت للحديقه وهي مستاقه ل بروق
راحت تركض لها تحضنها وبروق اللي نزلت راسها ل جمانه الخيل وفي لخياله
ركبت بروق وهي تسابق الهوا باقصى سرعه وكان شعرها يطير بالهوا وكانت مبسوطه وتصرخ وتضحك وتوقف فوق الخيل وتسوي حركات كانت مستمتعه
منصور اللي كان يطل عليها من البلكونه حقت غرفته ويضخك ومستمتع وهو يناضرها
ام سعد:صبي فنجال
غيم :ابشري
ام سعد:مشاءالله عليها جمانه يا غيم حلوه
غيم:اي يمه مرا جميله
وديان:غريبه للحين ما انخطبت يعني جميله واخلاق وكامله
على دخلت خالد:مين كاملت الاوصاف ذي
غيم بمكر:ذي جمانه اخت مشاري
خالد تذكر شكلها بالفستان جسمها حركاتها رقصها صوتها وهي تغني
وديان:يا هوه وين سرحت وين رحت ارجع على الارض
ام سعد:لو شافها حقه يسرح والله
غيم شكت اصلا هي كانت شاكه بسبب اختفاء جمانه
غيم:شكله شافها يمه
ام سعد:ايش وش اللي شفتها
خالد:تكذب يمه كيف اشوفها وانا عند الرجال يمه عاد ما هقيتك تصدقين كلام البزر ذي
غيم:اننننن
ام سعد:والله عاد شكلي بخطبها ل سعد
خالد وقف قلبه دمه نشف:ليه سعد
ام سعد:ليه تبيها؟
خالد:لو في احد مننا بيتزوج منهم ف ودي اوكون انا الان اخوها عشرت عمر يمه معي وكذا
ام سعد اللي ماتت ضحك وبعدها بناتها
ام سعد:طيب وانا امك وشبك قمطت العافيه نمزح نمزح
ارتاح انهم يمزحون وبلع ريقه
غيم:يمه على طاريها ترى بقولها تجي عندي اليوم
ام سعد:حياها الله البيت بيتها
غيم تمام بدق عليها الحين
طلعت غيم غرفتها تكلم جمانه دقت ولا ردت من اول مره دقت مره ثانيه ردت
غيم:جموني اسمعي حبيبي اليوم عازمتك عندي ابي نسولف بعشا امس ترا مستحيل اقبل الاعذار وبرسل لك السواق حقنا عشان ما يجي اخوك البنقالي ذاك استغفر الله بس ياربي
جاها صوت مشاري وهو يضحك
مشاري:الناس تقول السلام بسم الله لطيتي الكلام كله قرقرقر شغاله انتي خليني اتكلم بسم الله وبعدين مين البنقا....
قفلت الجوال بوجهه استحت من حركتها هي فعلا ما اعطته مجال يفتح فمه بكلمه غطت راسمها بالمخده من الفشله
اما هو يوم قفلت الجوال رفع حواجبه وانقهر ما تعود ان البنات يرفضونه متعود انهم يجرون وراه وعشان كذا انشد لها غير جمالها اللي امس شافه
مشاري:هين يا غيم
جمانه:شعندك
مشاري:صحبتك الشغاله داقه
جمانه:اي وش تبي
مشاري:عازمتك على جلسه ذنوب استغفر الله بس
فر عليها الجوال وراح
ارسلت ل غيم انها بتجي بس تغير
غيم:برسل عليك السواق
جمانه:تمام
طلعت غيم من الغرفه ورات تنزل على الدرج
خالد:وين رايحه
غيم:بقول للسواق يجيب جمانه
خالد:خلاص انا اقول له
غيم:غريبه وش عندك صاير لبق وكلامك وافعالك تجنن
خالد:اقلبي وجهك بسوي فيك اجر
غيم:كمل اجرك اجل
راح ل غرفت السواق
خالد:انا باخذ السياره حقتك انت تخبى لحد يشوفك
السواق:ليه استاذ خالد
خالد:ما عليك بروح مشوار واجي
السواق:تمام
غيم:جمون حياتي ارسلت لك السواق اجهزي
جمانه:تمام يلا طالعه
طلعت مع الباب شافت السواق لابس ثوب وعمامه ومتلطم ما شالت ببالها
جمانه:تمام خلا تقدر تمشي
خالد:تبغى اي شي تاني قبل يروح مدام غيم
جمانه:لا( الصوت ماذا مو غريب علي وين سامعته )
خالد:كيف حال انتا
جمانه اللي عرفت الصوت وكيف تنساه بس كانت تبي تسلك وتضحك
جمانه:الحمد لله صديق
خالد:انا سواق حق مدام غيم
جمانه بضحك:انت سواق وش جنسيتك ماشاء الله
خالد:مدام هزا انا نفر بنقالي
جمانه وهي ميته ضحك:ماشاء الله بنقالي
خالد استغرب حس انها عرفت
خالد:انتي تعرفين
جمانه:اي ومن اول بعد وماتت ضحك
خالد وقف السياره
خالد:ومن اليوم اسوي نفسي بنقالي
جمانه وهي ميته من الضحك مو قادره تتكلم
خالد بهيمان:يالبى الضحكه بس تدوم
جمانه اللي انخرعت من اللي قاله وخالد انخرش ما استوعب اللي قاله طلع الكلام بدون يحس
جمانه:اقول مدير ودي انا مشوار خلص
خالد وهو يضحك:مو كنك فليتيها يا مديره
وقعد يضحك
جمانه بينها وبين نفسها:اي والله يا لبى الضحكه الرنانه تدوم
انتهى البارت
