قام ابو سعد:شكل هذا اخوي ابو وليد
وصل ابو وليد ونزل من السياره وسلم على اخوه
مشاري انتبه على نضرات وبتسامات وليد ل غيم وهو نازل يحس في شي يحرقه من داخله بنضارت وليد وقف قدام غيم بحيث ما يطل فيها وليد اللي واضح نضراته كانت مطفشتها
وليد:مين ذا !
كانو ابو وليد ووليد يمشون ويسلمون على العيال
شد مشاري على يد وليدة
مشاري:مرحبا نورتو الرياض والله بس خفافي هاه
انصدم وليد من كلام مشاري اللي صدم الكل وش بين مشاري ووليد يدقه بالهرج
عدا وليد ولا اهتم ل كلام مشاري
جلسو الكل على الفرش
جمانه:هاتي يا خالتي عنك انا اصب
ام سعد:الله يسعدك يا بنتي
صبت لمها وخالتها وغيم ووديان وكانت بتكمل
فز بعصبيه وهو يحاول يكتم الشعور اللي داهمه
خالد:هاتيها انا اكمل
ما ترك لها مجال ترد سحب الثلاجه والفناجيل وكمل على عمه وابوه والباقي
ابو وليد:مشاء الله وش هالمكان الزين بس مو كأنه بعيد شوي
ابو سعد:والله المكان يوسع الصدر
ام وليد:لو انكم مستاجرين شاليه افضل وش ذا قرف كل ما ألتفت القى ككه حقت البعير ايش دا
فطسو خالد ومشاري ومنصور وطاحو من الضحك ولا قدرو يقومون
ام وليد:ايش قلت الادب هادي وش قلت انا عشان تضحكو
ابو سعد:والله الفكره فكرة خالد ومشاري والمكان اختبار خالد انا بريئ
خالد:افا يبا جحده نضامك
دلال بغنج:ليه والله المكان يجنن يا حلو المكان
صد خالد بقرف وههو يناضر جمانه وشاف نضراتها اللي بتطلع من مكانها
خالد:ادري عشاني انا اللي مختاره
مشاري:الثقه الزايده وانا اخوك تؤدي الى الهلاك
دلال:با حلو المكان وصاحب المكان يو بالغلط طلعت من فمي سوري
خالد وهو يناضر بجمانه يبي يشوف اذا الشي ذا يقهرها او لا
خالد:يا حليك والله يا دلال
دمعت عيونها من حر مافيها من غيرتها عليه وهي تدري انه مو لها لبنت عمها
بل شفته وهو يشوف دموعها كيف انزلت يحاول يقاوم شعوره انه يقوم ويسحبها ل حضنه يشتم نفسه انه فكر يجرحها تنهد بضيق ومن قلت حيلته
عند مشاري اللي وده يدفن وليد يناضر بغيم بطريقه تستفزه ما يدري ليه محد شايفه ليه محد يوقفه كان واضح انه معصب
غيم:وديان صورتي
وديان:ايي شوفي
جمانه:الله وديانييي ايش ذا الجمال
وديان:اخجلتو تواضعي
جمانه:والله اقول بس افتحي ايدروب وارسليها لي
غيم:وانا بعد صبر افتح ايدروب
عند مشاري اللي البنات كانت اصواتهم عاليه وسمعهم انهم بيفتحون ايدروب ما اهتم بس يوم شاف وليد لقط جواله بسرعه احتدت ملامحه ومسك جواله
ماسكه جوالها تستنى وديان ترسل
جاتها رساله بعدها بثانيه رساله قرت اسم مشاري جاها شي من داخلها وقبلت
في المحادثه
مشاري:فاتحه ايدروب ليه
غيم:يعني ليه اتوقع انك قريب وسمعتنا
مشاري:تمام طيب قفليه الحين
غيم:ليه
مشاري:قلت قفليه
جتها رساله ايدروب وكان وليد عرفته على طول الانه سبق وطفشها من قبل
غيم:خلاص تمام بقفله
"معلومه مشاري ضاف غيم سناب وهي قبلت"
منصور:هذا السواق
فزت جمانه بفرح
مشاري:اجلسي على وين
جمانه:بروح اشوف بروق
مشاري:منتي شايفه الرجال اجلسي بس
تأفأفت وجلست تنتضرهم ينزلون بروق
كان استقبال بروق ل جمانه يجنن كانت جمانه تصفر وبروق اول ما سمعت التصفير جرت لجهت جمانه اللي وقفت بعيد عنهم
جمانه:اهه يا بروق ما تدرين وش صار ببعدي عنك
وكانت تحضنها وماسكه دمعتها
كانت ملاحضه نضرات خالد ل جمانه ما تدري وش شايف فيها يناضرها كذا كلهم منقابت
دلال:لا يكون شافها لالا مستحيل مستحيل
منال:وش تهبدين
دلال:شوفي كيف خالد يناضر لذيك جمانه
منال:اي شفت بس ليكون شافها يعني كلنا منقبات وش شده فيها
دلال:مدري مدري بديت اهوجس
منال:سيبي عنك خالد شوفي المزيون اللي جمبه
طلت دلال ب مشاري:يخرب بيتك والله مززز
منال بثقه:خلاص هو لي من اليوم ورايح
دلال:يحق لك اجل لازم تخططين عليه زين
منال:عندي
غيم اللي كانت تسمعها:ايا بنت الكلب تحلمين تحلمين وجعع نلقها منك ولا من اختك ولا من اخوك
طلت ب مشاري وانتبهت لنضراته لها
غيم:وش دخلني انا الحين اذا تحبه او لا افف لا يكون حبيته اقول غيم اهجدي بالله
كان يطالعها ومستغرب ليه للحين تطالعه شال عيونه ولليحن تطالعه ابتسم
المحادثه
مشاري:مضيعه شي في وجهي
غيم:؟
مشاري:لا بس اشوفك متامله واجد بوجهي
غيم:سرحت يعني الواحد ما يسرح
مشاري:اذا بوجهي عادي يحق لك
غيم:لا احلف واثق بعد
مشاري:طبعا يحق لي
قفلت جوالها وهي تطالع فيه بقهر نضرلتها خلته يضحك والكل يناضره وش فيه فجأه كذا
عند جمانه اللي ركبت السرج وركبت على الخيل وكانت تجري فيه باقي يومين على السباق ولازم تتجهز بأسرع شي كانت تسابق الريح وتسمع تصفيق اخوانها والبنات وامها كان الكل يصفق ويصفر لها حست بدوخه قويه خلتها تشوف كل شي اسود
كانو يصفرون ويصفقون لين شافو جمانه طاحت على الارض ولاعاد قامت
فز خالد اول واحد وهو يتخبط الاغراض ويجري بسرعه نحوها كان خايف عليها مراا وصل لعندها وهو يرفع راسها ويحطها بحضنه يضرب على وجهها ولا تستجيب يكلمها ولا تتكلم سودت الدنيا بعينه ولا عاد يعرف وش يسوي جا مشاري سريع ومعه منصور والحريم كلهم قامو
ام سعد:معليه مغمى عليها عادي عادي
غيم:صح هي مفطرت اليوم معنا كانت تدور اسوارتها
خالد لما سمع الاسواره حس انه هو السبب لو انه ما اخذها كان لقتها كان اكلت ولا صار كل ذا مازال حاضنها بحضنه ولا يبي احد يقرب عليها جابت لهم وديان مويه رشو على وجهها وبدت تصحصح شوي
خالد بعصبيه:ليه ما اكلتي ليه العناد وش فادك علميني عاجبك اللي صار
بعدت عن خالد وهي اللي ريحت دخانه اللي مخلوطه مع عطر تعذبها ركبت بروق
جمانه:انا بخير طيحه بسيطه
وديان:يبنت لازم تاكلين
جمانه:انا شبعانه
خالد سحب السرج وكان يمشي فيه يبي يرجعه للخيم عشان تاكل غصب
جمانه:خالد سيب
كان ساكت ولا يرد
جمانه:خالد ما تسمع اترك السرج
وكان برضو ساكت نزلت من الحصان وهي معصبه لفته بقوه
جمانه:انت ما تسمع اقول لك سيبه
شد على يدها بقوه وقربها
خالد وهو راص على اسنانه والعصبيه طالعه من عيونه:كلمه ولاني عايدها تركبين وانتي ساكته وبنروح الخيمه يحطون لك اكل تاكلين بعدها بكيفك
عصبيته خلت الكل يسكت حتى هي ولا تتحرك
خالد:نضامك كذا
شالها مع خصرها ورفعها فوق بروق
دلال:ترى تعرف تركب ليه تلمسها
خالد:دلال اذا ما بلعتي الزق وسكتي ترا بتشوفين شي مايرضيك
فرحت يوم شافت خوفه عليها وكيف اكل دلال الزق تعترف انها حنت له
كانو يمشون بطريقهم للخيم
وليد بهمس:كيف الحلو
غيم اللي جسمها تكهرب ومافي احد من اخوانها قريب سحبت جوالها سريع تكلم سعد قرب منها اكثر ومن خوفها ضغطت على اخر محادثه وصورت قربه منها الانها مو قادره تكتب يدينها ترمز وارسلت بدون ينتبه لها ولا تدري لمين ارسلت الصوره
فتح جواله ابتسم يوم شاف انه منها وسرعان ما اختفت ضحكته وتحولت لوجه معصب لف وراه بسرعه وشاف فعلا انه قريب منها مراا لا شعوريا حركته مشاعره لين وصل عنده
مشاري:يا حيوان
وليد:وش...
قبل يكمل كلامه طاح فيه مشاري ضرب عمره ما ذاقه بحياته غيم اللي كانت تحاول تفكه عنه الانه بيموت بين يدنه
غيم:مشاري خلاص خلاص يا مشاري تكفى
ماهانت عليه دموعها تنزل مسك يدها وسحبها معاه وضلى وليد طايح بالارض بدمه
انتهى
