/في المسابقه/
جلسو كلهم وبدو في الميكرفونات يقولون ان السباق يبدا الساعه 3 والساعه كانت 2
جلسو وجو عائلة ابو سعد وصارت فرشتين فرشه للرجال وفرشه للحريم
كانت تدور بعيونها عليه بس ما لقته حاولت تلهي نفسها وتنساه اخذت جوالها شافت رساله من رقم غريب عليها دخلت وقرت محتواها
انصدمت لوهله من محتواها وهي ترد عليه
جمانه:"مشاء الله واثق" جاها الرد فثواني وهاذا الشي وترها
:"اكيد بكون واثق ما عندك فرصه تفوزين علي ابد يا عيوني"
جمانه:"الميدان يا حميدان نشوف"
:"نشوف"
جمانه:"صح مين انت وكيف جبت رقمي"
زاد قهرها وهي تشوفه فتح الرساله وتجاهلها استغفرت ربها ونزلت الجوال
الميكرفون:اعزاءنا المتسابقين الرجاء التوجه الى الاصطبل وتجهيز الخيول
قامت وهي تبوس راس امها وتلوح لهم يدعون لها
نزلت بكل حماس وهي تدور رقم الاصطبل اللي فيه بروق كانت تمشي وهي تطل بالارقام حست انها صقعت بشي زي الجدار مسكت راسها بالم
جمانه بألم:نعم ما تطل قدامك انت وجع جدار كسرت راسي
بانت عليها تعابير الصدمه من شافت الشخص اللي قدامها
خالد:والله انتي اللي ما تشوفين جالسه تتابعين الارقام ومنزله راسك كنك تيس بالله عليك ناضري زين
كانت بترد عليه
موضف:المتسابقه رقم 14
جمانه:انا
موضف:الخيل حقك رافض احد يلمسه ورفس ثنين من موضفيننا
شهقت بخوف عليها:وينها
موضف:تعالي معي
راحت معه وهم يجرون ل بروق اللي كانت جد ترفس اي احد يقرب منها قربت منها جمانه وهي تمسح عليها تعرف خيلها ما يحب احد يلمسه غيرها مسحت عليها وهي تهديها
الميكرفون:الرجاء من كل المتسابقين الوقوف عند خط الاستعداد
رقبت على بروق وهي تلبس الخوذه وتشدها زين
قرب منها وهو يضحك:هاذي بدايتها
جمانه بحده:خالد كل تبن مو ناقصتك ابد
حركت خيلها وهي تطلع قبل ما تسمع رده
وقفت عند خط البدايه وهي تدور بعينها على اهلها وهي تبتسم لهم وكانت باينه الصدمه عليهم من مشاركت خالد اللي كام صاف جمبها
جمانه بضحك:هه وش ذا النشبات في كل مكان القاه وداخل مكام مب له صدق نشبه
انقهر من كلامها وهو يدري انها تقصده قرر يسكت ما بيتعب معها بالكلام يبي يوريها بافعاله
اعلن المعلق على بدايت السباق وبدو المتسابقين في السباق بعد عشر دقايق من السباق وصراخ الجماهير وتشجيعهم
المعلق:المتسابقه رقم 14 و المتسابق رقم 6 يتقدمان بسرعه قسوه مهلا مهلا المتسابق رقم 6 يتقدم يتقدم يتقدم المتسابقه رقم 14 تتقدم ايضا لحضه لحضه المتسابق 6 يتقدم ايوا ايوا ويفوز المتسابق رقم 14 الف مبروك عليك
نزلت والقهر يعتريها والاكثر يوم قرت رسالته
"هه مو قلت لك بفوز عاد تصدقين ما يعني لي الفوز الفوز الحقيقي هو اني اشوف قهرك وش شعورك وانتي تستعدين اشهر وانا باسبوع فزت عليك يا عزتي لك والله تبين الكاس بتبرع فيه لك هه يلا عاد سي يو"
تقدمت له وهي الكرباج بيدها
شافها جايته وعيونها تحكي انها ناويه عليه قام يجري وهو يضحك عليها
كانت تجري وراه وهي ماسكه الكرباج حق الخيل تبي تمحطه فيه
كانت تجري وهو يجري
تعمد انه يروح مكان معين خالي من الناس
شافته لف وفلت وراه بس ما حسبت حساب انها صقعت فيها وسحبها مع خصرها وشدها على الجدار وهو يقيد يدينها
خالد:ما كان ودي اسوي كذا لاكن انتي حديتيني عليه
جمانه بقهر:ابعد ابعد
خالد:ماني مبعد قولي لي وش مسوي لك
جمانه وهي تضرب صدره:مالك دخل تسمع ولا اسمعك
بدو دموعها ينزلون من عيونها بدون ما تحس فيهم
شتم نفسه مليون مره على اللي سواه شدها ل حضنه وهو يحاول يخفف عنها
دفته عنها
جمانه ببكي:انت منافق بدال ما تكون مع بنت عمك جاي ليي شتبي
خالد:لحضه لحضه وش دخل بنت عمتي الحين فهميني السالفه
هزت راسها"بنفي"وهي تحاول تبعد صدره عنها لانه لاصق فيها
خالد بعصبيه:جمانه لا تجننيني انا للحين ما فصلت عليك
جمانه وهي خافت من نبرته بس لازم ما تضعف قدامه:هه مو انت بتخطب بنت عمتك وانا وش دخلني
خالد بدهشه:مين قال لك نفسي اعرف من وين جبتي الكلام ذا
جمانه يحده:سمعته باذني مو محتاجه احد يقول لي
خالد بنفاض صبر:متى سمعتي
جمانه:بيوم كنتو جالسين انت وابوك وقال لك تزوج دلال خلاص تزوجها ليه واقف معي
بعد عنها وهو يصفق لها:لا ماشاء الله عليك سامعه كل شي
رفعت حاجبها بأستغراب:ما فهمت
خالد بجمود:لو متصنته علينا اكثر كان سمعتي اني قلت في وحده احبها وابي اخطبها قريب
حطت عينها بعينه وهي تسترجع كل شي سوته فيه كل شي صار بينهم وحست بندم على اللي سوته كله
عضت على شفايفها بحرج وبصوت هادي:اسفه على الهبال اللي سويته واني ما طليت منك تبرير
خالد بقهر:هه ومين قال لك يعني الحين اللي في بالي انتي وش افرقت الحين اذا بنت عمتي او انتي يعني واثقه بسم الله اني احبك لا سمح الله
انقهرت واهي تعرف انها هي وواثقه بعد بس هو ما يبي يعترف
تقدمت منه وبثقه:مع الايام بنشوف مين ذي
انصدم من قربها ومن ثقتها والادها يوم شافها ادته ضهرها ومشت
