حست باللي بدا يقرب منها بخطوات سريعه وغاضبه
لفها بقوه
خالد:قاعد اكلمك ليه ما..
سكت يوم شاف الوجه وهو مو وجه غيم انبهر بجمالها الفاتن ملامحها الحاده الهاديه كل شي فيها جذبه وخلاه عجز يشيل يده يحس الوقت وقف ولا حس بشي
جمانه اللي خلاص قلبها طاح من مكانه والصدمه ماليه وجهها انا ضلت متجبصه جسمها خانها وهي تشوف الشخص اللي يناضر فيها ومتأمل فيها
على دخلت غيم:خالدد وش تسوي هناا
خالد حس على نفسه ولف بسرعه وطلع
غيم فطست ضحك وجلس في الارض
غيم:اخخ بطني اشكالكم شي اخخ ههههههههههه
جمانه اللي لسا تحت تاثير الصدمه من الموقف اول مره يسير لها كذا اول مرا احد يتنح كذا اول مره تحس بذا الشعور تحس شي من جواها تحرك
غيم:هيه يا خوي وين رحت ولا تفكر بالحب امداك
جمانه وهي تضربها:الله يقلع عدوك يا كلبه انتي السبب انا لو اني جالسه جمب امي اصرف لي
غيم:ههههههههههههههه عادي ترى ما صار شي بالغلط دخل
جمانه:امشي قدامي كرهت مطبخكم فوبيا صارت عندي
غيم وهي مستمره تضحك لين دخلو عند الحريم
ام سعد:امشي زين يا بنت وش يضحكك
ام زيد:اي والله ضحكينا معك
جمانه فرصت غيم من ورا بمعنى لا تقولين
غيم فهمت وسلكتها:ابد جمانه زحلقت قبل شوي ومت ضحك
ام زيد:وي طحتي يا جمانه تعالي اشوف تعورتي
جمانه:لا يمه مافيني شي تبيني انط لك نطيت
ام سعد:ماشاء الله يم زيد ربي رازق قمر الله يحفضها لك
ام زيد:تسلمين يم سعد عاد انتي ربي رازقك بثنين ماشاء الله الله يحفضهم لك
ام سعد تناضر بناتها:اي مشاء الله
كملو ما بين السوالف والضحك والمزح
جالس عندهم بس عقله مو معهم عقله باللي شافها مو عارف ليه هو يفكر فيها ويحس انه شافها بعدها تذكر ان مشاري ما عنده غير اخت وحده معناته هي نفسها اللي شافها اليوم العصر جاه صوت مشاري
مشاري:هوه يالحبيب وين طرت وين راح مخك انت من العصر ما غير تسرح علمنا يا هوه
خالد:(وش اقول لك شاغله عقلي اختك)مابي شي بس فيه كذا موضوع مشغلني ما عليك انت
مشاري:هونها وتهون وانا اخوك
خالد ناضر في ابوه اللي واضح كان يتضر منه اجابه حاول يتذكر هو وش ناسي وتذكر ان سبب دخلته هو انه يبي يسال امه عن العشا ضرب جبهته بغباء وفز يدخل مع باب المطبخ عشان ينادي امه كان وده يشوفها ثاني مره ويتامل فيها دخل المطبخ بدون ما يسال ما لقى احد وقف عند الباب ينادي امه
خالد:يمه يمه
جمانه بدا قلبها يدق بسرعه حست انه نفسه دقتها غيم اللي كانت جالسه جمبها
غيم:هاذا هو حبيب القلب نفسه شكله كان يبي امي بس ضيعتي علوم الولد ههههههههههه
جمانه استحت ودقتها تسكت مو وقتها
ام سعد:هلا يمه جايه
خالد يمه ابوي يسال عن العشا
ام سعد:باري يا باري
باري:يس مدام
ام سعد:خلص عشا الرجال والتقديم
باري:يس مدام
خالد:يما خلي وحده من البنات تروح تشيك تعرفين ابوي ما يبي اي غلط
ام سعد:صدقت وانا امك،غيم يا غيم
غيم جت:هاه يمه
ام سعد:روحي شيكي على عشا الرجال اذا كل شي تمام بسرعه
غيم:طيب باخذ جمانه معي
ام سعد:اقول روحي تبين تجرجرين بنات الناس معك
دخلت ام سعد للحريم جت غيم بتروح تشيك مسكها خالد
خالد:اقول غيم مين جمانه
غيم:امم علينا جمانه حبيبت القلب اللي فهيت عندها فالمطبخ
خالد:اقول انقلعي فارقي
راحت غيم وهي تضحك وطله خالد للرجال وباله مشغول
جاه اتصال من ام سعد تقول ان العشا جاهز
ابو سعد:حياكم الله على عشاكم تفضلوا
زيد:الله يحيك يا عمي ودام فضلك
دخلو الرجال يتعشون وكذلك عند الحريم
بعد العشا دق زيد على امه يقولها انهم بيمشون
زيد:يلا عاد يا عمي نستاذنك حنا والله ماشيين
ابو سعد:ليه يا ولدي اقعدو
سعد:على وش مستعجلين خلكم
زيد:والله بكره ورانا اشغال اعذرونا
ابو سعد:عذرك معك يل وليدي
خالد:قول لمك تعطي خبر للحريم
خالد:انا
ابو سعد:لا الجدار اللي جمبك قم
زيد:لا انا دقيت عليهم طالعين
سعد:زين اجل خنوصلكم للباب
طلعو كلهم يسولفون برا على ما يطلعون الحريم
عند الباب
غيم:عاد الحين رقمي عندك وسنابي عندك بعزمك عندي كل شوي ونطلع مع بعض
جمانه بحماس:اكيد طبعا
ام زيد:عاد يم سعد لك جيه لي طلبتك
ام سعد:ابشري والله من عيوني
طلعو ريم وجمانه وام زيد
ريم وام زيد راحو يركوبن سيارت زيد
جمانه كانت بتروح معهم
مشاري:هيه جمانه تعالي معي لحالي
خالد اول ما نطق مشاري اسم جمانه لف يدور على زولها
جمانه انتبهت له وصغرت نقابها بما ان عيونها مرسومه خافت من ذنب نضراتة
خالد شاف حركتها حس على نفسه ونزل عيونه عنها
ركبو كلهم السيارات وحركو
.......في مكان ثاني غريب
مجهول:والله لندم بالهمنصور ندم عمره يوم فكر يهينني قدام كل الشباب
مهند:وش بتسوي وش براسك
مجهول:معليك عندي انا اتصرف معاه قتلي عنده اخت وحده وش اسمها
مهند:جمانه
مجهول:حلو حلو هين يا منصور اعلمك مين انا
..........
طلع من الحمام لبس بنطلون اسود بدون تيشيرت وجلس ينشف شعره انسدح على السرير وطالع بالصقف حاول يتذكر ملامحها اللي سحرته يحس انه اشتاق لها وهو ما يعرفها وهو يحس مجرد التفكير فيها يخلي قلبه يدق بسرعه وهو يتذكر كيف كانت من الخرعه متجبصه حتى ما تحركت ضحك يوم تذكر شكلها
خالد:انا ليه افكر فيها ليكون حبيتها استغفر الله بس اقوم انام اصرف لي
....عند جمانه
مسحت مكياجها وهي ميته تعب طشت نفسها على السرير بتعب طرا على بالها المزيون اللي شافته
تذكرت انها شايفته من قبل
جمانه:وش هالصدفه معقوله هو نفسه اللي جا ل اخوي اليوم اخذه وش اسمه ياربي اه خالد اه جميل والله مز بنت عيب وش هالكلام استغفر الله
قامت تنام من التعب اللي فيها
انتهى البارت
