/بريطانيا/
هديل:good morning
ابو زيد:كم مره قايل لك ارطني عربي وشوله العناد
هديل:مو قصة عناد بابا بس يعني انا طول عمري عايشه ببريطانيا واتكلم انقليزي ليه تبيني اتكلم عربي
ابو زيد بحده:كلها كم يوم ورايحين السعوديه
ناضروه كل اللي على السفره بتعجب من كلامه
محمد:كيف يعني نرجع السعوديه نحنا ما رحنا لها عشان نرجع لها
هيلا:اي والله يابو محمد ليه نرجع وانت عارف وجع الراس اللي هناك
ابو زيد يعصبيه وهو يقوم:كلامي ماني عايده راجعين يعني راجعين
ووقف يكمل كلامه:وناديني ابو زيد مو ابو محمد
كانت ملامح هديل و محمد كلها دهشه وصدمه من اللي قاعدين يسمعونه كيف ابوهم ابو زيد كيف يرجعون بعد السنين ذي كلها
/تعريف بالشخصيات الجديده/
هيلا:زوجة ابو زيد تزوجته وسافرت معه ل بريطانيا يتيمه كانت تعيش بالدار
محمد:ولد ابو زيد من زوجته الثانيه شخصيته ما تختلف عن اخوانه بس بارد زياده
هديل:مدلعه ومغروره متوفر لها كل شي تبيه يجيها دلوعة ابوها وبقوه
/جده/
ابو وليد:ها وش صار معك قابلته
وليد:اي قابلته وعلمني بالضبط وش بنسوي بس يبي مقابل
ابو وليد بشك:واللي هو
وليد:جمانه له
ابو وليد:وحنى شعلينا ياخذها مع السلامه
وليد:تم امضي معه انا هنا وراجع
ابو وليد:يلا
/الرياض،جمانه/
طلعت من الحمام تنشف شعرها جلست على سريرها تتصفح شافت نفس الرقم الغريب مرسل وكانت عنوان الرساله
:"كيفك يا حلو'
تقشعر جسدها ل طريقت كلامه وانزرعت فيها بذرت الشك انه خالد الاشياء االي سوتها فيه ما تخليه يعاملها باسلوب حتى طلعت بدون ما تعلق وقفلت جوالها هي خلقه مصدعه من امس
/تسريع للاحداث/
عدا الايام لين جا زواج مشاري&غيم الكل كان متحمس وفرحان وطبعا فرحة مشاري كانت غير بكل معاني الغير توجهو الحريم للمشغل عشان يتضبطون ويضبطون العروس
جمانه بصراخ:ياااااا حلوك يا بنت بموت انا وماني ولد فهيت اجل اخوي وش يسوي
غيم بحرج:هيا اقسم بالله فشليني عشان ادوسك دوس معفنه انا متوتره مو وقتك اخوي وش يسوي
جمانه:يمه على المستحي ابشري من عنيا
غيم:تسلم عنيكي
جمانه:يوه غيم جوالي مافيه رصيد ابي جوالك ادق على ريم لازمم
غيم:ابشري خذي
اخذت الجوال وهي تبعد شوي عن غيم طلعت جوالها من جيبها وفتحت على الرقم المجهول طلعت رقم خالد ولا كان نفس الرقم هي كانت شاكه انه مو هو والحين شبه متاكده من احساسها وبدا فضولها يسبح فيها مين الشخص اللي احتكت معه في المسابقه شتت تفكيرها من دق خالد على غيم اتجهت ل غيم وهي تمد لها الجوال
غيم:مين ؟
جمانه:خالد
غيم:طيب ردي عليه اضافري ما نشفن ومالي خلق ارد
جمانه:اسحبي عليه
غيم:لالا ردي يمكن عنده شي
جمانه بنفاذ صبر:يعني ارد
هزت راسها ب "ايوه'' وردت جمانه وهي بدت الربكه تحتشي قلبها من وصلها صوته الناعس
خالد:كيفك يا عروست قلبي
جمانه بربكه:اا غيم ما تقدر ترد عليك الحين
ابتسم من سمع صوتها:هه هلا والله بهصوت
جمانه بحيا:بغيت شي من غيم
خالد بضحكه وهو توه صاحي:لا مابي منها هي ابيها منك انتي ويا حلو يومي ابتدا ب صوتك
ابتسمت وهي تحاول تخبي الابتسامه لاكن هي مجرد ذكر اسمه يخليها تبتسم شدت على نفسها وهي تحاول تحكم افعالها بهذي اللحضه
جمانه بحده مخلوطه مع ضحكه:وش اللي تبيه مني
خالد:ابيك كلك
وسرعان ما تعالت ضحكاته من قفلت ب وجهه قام متجه للحمام يغسل وجهه
ام زيد:جمانه جوالي يدق هاتيه
جمانه:شغلتي اجيب جوالات
ام زيد:جيبي وانتي ساكته
جمانه:هبشري يالغلا خذي
رفعت الجوال ل اذنها:هلا؟
:ام زيد
ام زيد:وصلت مين معي
ابو زيد:معك ابو العريس
ارتعش الجوال بيدها وبدا وجهها تتغير تعابيره وش جاي يبي الحين بعد كل هالسنين
ابو زيد:معي
ام زيد بحده:وش تبي
ابو زيد:جاي احضر زواج ولدي
ام زيد:قاعة **** ولا اشوفك داق
لاحضت وجه امها اللي انقلب بس ما حبت تضايقها بيوم زي ذا عدتها وهي تقرب من امها وتبوس خدها اما ام زيد ف كان همها الوحيد ان جمانه ما تدري ما تعرف ردت فعلها ف سكتت
جمانه:عاشت ام العريس خلصت محضوضه
ام زيد:انا اكره التهجهج ابعدي بطلع
استغربت من ردت فعل اكمها بس حبت تسكت ب تبرير ان يمكن امها متاثره ب زواج مشاري
غيم:تعالي انتي يا دبه شرايك بمكياجي
جمانه:بطيح يهبللل
غيم:يلا خلصنا خل نلحق خالتي
جمانه:امي راحت يووه
غيم:مو مشكله ادق على خالد النايم ما كانه زواج اخته
وصلهم صوت خالد اللي كان سبيكر
خالد بضحك:الله بسرعه اشتقتي لي ورجعتي دقيتي
جمانه اللي كانت ماسكه ضحكتها بس انطلقت ضحكاتها لما شافت وجه غيم
غيم بعصبيه:مين ذي هاه بعديها لك ولا بعلم بس تعال خذني من المشغل
خالد:من وين طلعتي انتي استغفر الله فرقق الصوت الناعم عند النشاز
غيم بحده:تجي ولا
خالد بضحك:جاي جاي اطلعو قريب مرا انا
لبسو عباياتهم وطلعو برا ينتضرون خالد وركبو معه وكانت تنضراته على جمانه اللي كان ارتباكها واضح كانت تسرق النضر له بهيبته بالثوب الابيض وشماغه وريحت عطره وريحت الدخان كانت مستمتعه بالريحه مرا وصلو للقصر وهم يستعدون للنزول نزلت غيم اما جمانه لسا تحاول تفتج تامين الباب
جمانه بربكه:خالد الباب ما ينفتح
خالد بخبث:يمكن انا ما ابي افتحه
جمانه بخوف:نزلني الحين
خالد:مو قبل ما اخلص اللي عندي
جمانه:مابي اسمعك مو غصب ترا
خالد:اسمعي يا
جمانه بمقاطعه:كللللليش لا لا لا لا ما اسمع اووو اوو
ناضرها بصدمه وهي مكمله وحاطه يدها على اذانها وتصرخ وتغني ورافضه تسمع له حرك سيارته وسرعان ما انكتم صوتها من حرك
جمانه:خالد خير سلمات على وين
كان ساكت ويراقب الطريق وفجئه وقف بنص الطريق العام
خالد:اطلعي قدام
جمانه:وش اللي اطلعي قدام صاحي انت
بدت اصوات البواري تعلى وتعلى
خالد:ماني متحرك لين تطلعين قدام
تنهدت وهي تخاف تكبر السالفه وودها تنهيها
وصله اتصال وكشر منه رد وهو ياشر ل جمانه تسكت
خالد بحده:هلا فرحان
فرحان:حضرت النقيب فيه تطور في قضيت عمر
خالد:واللي هي
فرحان:بدا يحرك رجاله ويراقبون شخص ومن افعالهم ووجود حريم معهم يدل على ان لهم شي بياخذونه
خالد:طيب كمل
فرحان بتردد:نحنا نتعقبهم وهم قاصدين زواج النقيب مشاري وقاصدين البنت اللي معك وهم حاليا يراقبونك
شد على الجوال وهو يطلب مواصفات السياره وبعينه يدور لين لقاها شد على السرعه وهو يحد نضراته على الطريق وعلى السيارة
مهند:شكله شافنا
وليد:اطلع وراه ما عليك
استمرو يلاحقون بعض
جمانه:خالد وش فيه
خالد بهدوء:في احد يلاحقنا
جمانه وهي تمسك يد خالد اللي على القير:وش يبون مننا ليه يلاحقوننا
طل بيده اللي تحاصرها اناملها الناعمه وحاوط يدها
خالد بحده:والله ما يلمسون منك شعره وانا خالد
وبدا يزيد السرعه وهو يتجه ل مكان معين
