/في المحادثه/
مشاري:صاحيه؟
ما كان جايها نوم تفكر والتفكير يهوجس بها شافت رسالته ترددت انها ترد عليه بس بالنهايه قررت ترسل
غيم:ايوه
مشاري:كيفك
غيم:تمام الحمد لله
مشاري:تدرين انك بتسيرين حرم مشاري
غيم:وليه واثق يمكن ما اوافق
مشاري:ههههههههه يلبى بس عليك انتي لي خلاص ولا يقدر يفرقنا شي اوعدك وعد برقبتي ما يمسك شي وانتي معي بس بالله عليك دموعك لا تطيح تراني اغليها ولع*نبو من بكاها ولا عاش
استحت لما شافت ارساله اكتفت في انها تبتسم وتقفل الجوال وتنام
نامو الكل بدون استثنائات هالمره
الصبح الساعه 9
ام سعد:غيم يا يمه قومي
غيم:ليه يمه كم الساعه
ام سعد:الساعه 9
غيم:طيب يما ليه مصحيتني دامها تسعع
ام سعد:ضنتي نسيتي اليوم ملكتك اخلصي
قامت وهي بدت تستوعب اللي صاير كشتها للصقف
غيم:انا يمه ملكتي ولا ملكت وديان
شدت اذن بنتها
ام سعد:ملكتك انتي بروح الحين اشوف الضيافه ان مالقيتك مخلصه بالخيزرانه اللي تعرفينها عدل
غيم:طيب طيب
طلت في شكلها بالمرايه اللي كان حوسه وكشه وكانت تخوف مرا
غيم:الحين بالله ذا وجه زواج صححح بروح السوق
اخذت جوالها بسرعه وهي تدق ل جمانه
غيم:جمنمن السووووق الحييين
جمانه:تبشرين يا عروست اخوي
غيم:اخلصي يلا بمرك اجهزي
جمانه:يلا
غسلت وجهها وصلت ولبست عبايتها ونزلت بنقابها وشنطتها
غيم:يما يلا انا بطلع السوق
ام سعد:زين اشتري فستان حلو
غيم:معي حمانه يما لا تخافين
سمع اسمها حس بشي تحرك بداخله
خالد:مع مين
غيم:مع السواق
خالد:ما تتوبين بعد اخر مره
غيم:وش اسوي طيب
خالد:يلا انا بوديك قدامي
غيم:كفو ماي برذر
خالد:اقول امشي بالله عليك الله يعينك يا مشاري ربي ابتلاك بمصيبه
وقفت فجأه وتناضره بنضرات صدمه فجأه قامت تبكي
خالد:غيم زعلتي من كلاميي!!
غيم:اي مو كانكم طاشيني على الرجال طش هاه ودكم بالفكه مني انا رخيصه يعني
قرب منها وحضنها ما كان وده يحسسها كذا وهو عارف قد ايش اخته حساسه
خالد:افا يا بعد الدنيا ابوي ما يديك اي احد ابوي يعطيك الرجال اللي يستاهل واللي يصونك بعيدن قدامك مو ابوي رماك هو طلبك قال ابي بنتك يا عم شيلي فكرت ان احنا رميناك فاهمه
مسحت دموعها وهي تهز راسها
خالد:طيب يلا يا عروستنا ترا بنتعب اليوم
غيم:يلا عشان ما نتأخر على جمانه
جمانه:مشاري يا راسي ما قمت للحين
مشاري:خمس دقايق بس
جمانه:عشان غيم اللي قايمه من صبح الله ادور فستان تشوفها فيه افا وتقول خمس دقايق
فز من السرير وهو يستوعب ويروح ل جمانه ويمسك كتوفها
مشاري:يعنيي الليله صدق بتسير زوجتي
جمانه:اشبك خوفتني ايوه بتسير زوجتك على الورق لا تتحمس
مشاري:اي هين
جمانه:هيي ولد والله اعلم امي اهجد احسن لك
راح الحمام وهو يضحك ونزلت هي لما دقت عليها غيم انهم برا
طلعت تشوف السياره كانت السياره جس كلاس وكانت مضلضله كانت بترج لولا يد غيم استغربت الان سيارت السواق مو جي كلاس ركبت السياره
جمانه:السلام عليكم
:وعليكم السلام
انصدمت يوم شافت خالد بس سوت نفسها عادي
غيم:تكفين جمانه لا نطلع من السوق الا وانا مخلصه تكفين
جمانه:ابشري يا بعدي تم ليت زوجك المستقبلي زيك امي تصحيه لها ساعه ويوم جيت قلت له لعيون غيم فز زي الجني
غيم:يحق له بعد وهو اخذ غيم
جمانه:وانتي ما يحق لك
خالد:لا وين غوريلا هو اصلا مو لايقين على بعض بس وش نسوي
جمانه اللي بدت تصور
غيم:ايش يا عيني والله حبيبي مافي احلى منه وشبك غيران انك عزوبي يعني واي محضوضه فيه ومحضوض فيني ولايقين على بعض ونحب بعض شكلك غيران انه تزوج قبل على هالراس الكبير
فطسو خالد وجمانه على ردت فعلها وجمانه ارسلت المقطع ل مشاري
وصله فيديو من جمانه سمعه والضحكه شقت وجهه
مشاري:ياااالبيه البنت ذي خلاص وش بتسوي فيني افدا المعصبييين انا
ام زيد:هههههههه الله يسعدك يا حبيبي ويوفقك معها يارب
استحى من شاف امه قام لها وباس يدها ورجولها
نرجع للسوق
كانو يمشون وخالد وراهم ماكانت اخذا راحتها بحكم انها تحت انضاره
جمانه:غيم تعالي شوفي ذا دايم اشتري منه جبببااار
غيم:يلا
دخلو المحل وغيم انبهرت من جمال الفساتين كل شوي واحد لين اخر شي تمركزت عند فستان كحلي غامق طويل مزين بلولو وفيه نفخه خفيفه والصدر ضيق وتوب ومفتوح من ورا الضخر بفتحه ناعمه وعريان من فوق بس توب وفيه فتحه من جمب لين الركبه
غيم:ابيه ابيه ابييه
جمانه:ههه يجننن خذيه
غيم:بس مفصخ واجد
جمانه:اقول بس بتاخذينه
غيم:تمام يلا
خلصو من غيم وباقي جمانه
دخلو محل كان يجنن وبعد تعب طويل لقت جمانه فستان يناسبها
كان بنفسجي فاتح الدرجه كانت تموت طويل ومن فوق جاي زي التوب وفيه اكمام من جمب مو متصله مع الفستنان وكان ساده ستان وناعم حيل
خلصو جمانه وغيم من السوق بعد شق الانفاس اخيرا ورجعو البيت
/تلخيص للاحداث/
بدو الكل يجهز وام سعد تعزم الناس اللي انصدمو من الخبر وام زيد تقول ل اخواتها وامها بما انها ملكه عائليه عند جمانه اللي راحت ل غيم بدري واخذت فستانها معها ومشاري مع العيال في الحلاق ووديان وام سعد يحوسون بالبيت وتجهيزات لين اخيرا خلصو الكل
/بعد المغرب/
غيم:هاه شوفي حلو شعري
جمانه:اخخخ تهبلين الله يعين اخوي شلون بيصبر ما الومه يوم قلت له انها على الورق بس قال هين هههههه شكلك بتنهين عليه وهاذي الملكه بس
غيم:احلفي هو قال كذا
جمانه:وشبك خايفه يا عمري ترا محد بيخليك
غيم:متوترهه بطني تعورني
جمانه:بدينا دعل بنات عاد
غيم:افف ترى حتى انتي طالعه شيي شق
جمانه وهي تدور:كيف حلوه
غيم:تموتين
انطق الباب
جمانه:مين
ام سعد:انا
جمانه عرفت صوتها وفتحت الباب دخلت ام سعد اللي معها ام زيد
ام زيد:بسم الله مشاءالله وش هالقمر
قربت منها تسلم عليها وتبارك لها
جلسو كلهم بغرفت غيم اللي واضح عليها التوتر
ام زيد:شوفي وانا امك الخوف ذا والتوتر ترا لا بد منه انا ماراح امدح بولدي واقول انه افضل الرجال واكذب عليك بس اللي بقوله لك هو اني ملاحضه حبه لك من اول وش لون يغار عليك ويخاف عليك نضراته ولو تشوفين فرحته الدنيا مو سايعته ولا احد يلومه دامه اخذ القمر
ابتسمت ابتسامه خفيفه ونزلت راسها بحيا
قريت منها ام سعد وحضنت بنتها ونزلت دموعها
غيم:يما تكفين لا تخليني ابكي معك
بعدت ام سعد تمسح دموعها
ام سعد:صادقه يا بنيتي هاه مسحناها
اندق الباب وفتحت جمانه بعد ما عرفت انها وديان
وديان:يما يبا يوقول وين غيم يلا
ام سعد:يوه الحتنا السوالف ونسينة ليه جينا اصلا يما غيم يلا ننزل عشان توقعين ويشوفك رجلك
غيم:يمه خايفه
جمانه:انا معك لا تخافين
نزلو الحريم تحت
اندق الباب
فتحت جمانه وهي عارفه انه منصور الانه مرسل لها خذي الكتاب خلي غيم توقع
انصدمت يوم شافت اللي قدامها مب منصور
قفلت الباب بسرعه لاكن انمسك
خالد:خذي الكتاب
اخذته منه وهي تروح للمجلس تعطيه غيم
كانت جميله لدرجت انه ما قدر ينسى شكلها من باله
شافت توقيعه واسمه وحست برعشه بقلبها
ام زيد:سمي يا بنيتي ووقعي
غيم:بسم الله
بدو الحريم يزغرطون ويسلمون
اما جمانه اللي اخذت الكتاب ومدته من ورا الباب
جمانه:خالد؟
خالد:لبيه
انتبه للكتاب الممدود
حست بلمسات اصبعه على ابهامها طشت الكتاب وراحت
اما هو انصدم اكيد بالغلط لا يكون تحسب انه متقصد
رجع للرجال يحاول يهدي نفسه بعد ما داهمته ريحت عطرها
خالد:مبروك يا عريس
مشاري:الله يبارك فيك عقبالك
خالد:امين يارب
سعد:مشاري يلا ودك تدخل تشوف حرمتك
شقت الضحكه وجهه
خالد:شف شفف لا ما تشوفها ذي اختي
مشاري:اختي مين يابو اختي خلاص ذي صارت حرم مشاري اهجد احسن لك
سعد:شف شف وبعد ما يرضى
خالد:ماش غيره الزواج
سعد:اقول بس يلا قومو ابوي يحتريكم عند باب المجلس
دخلوها المجلس ورجولها تترامز
جمانه:غيم هدي نفسك
غيم:احاول
ام سعد اخذت يد بنتها وجلستها
وبعد شوي سمعو صوت طق باب
ابو سعد:يا بنت
ام سعد:ادخلو ادخلو
دخل ابو سعد من بعده مشاري اللي انصدم من اللي شافه ضلى يناضرها
ابو سعد:ههههههه تراني كنت اخس منك
استحت يوم شافت ردت فعله وقامت تلوم نفسها على فستانها
سلمت على ابوها من بعده تقدم لها مشاري باس راسها وجلس جمبها
خالد:يا هوه عيدي وش كنتي تقولي الصبح
طلت بخالد نضره يعني اسكت
سعد:يا حليلها مؤدبه لو تقول لها كلي تبن تسكت لو ندري ان الزواج يسوي كذا كان من اول فاجعتنا دايم
طلت فيهم بقهر وهم ماخلو شي كبو عفشها كله
مشاري:اقول انت وياه اللي يغلط على زوجتي لا يلوم الا نفسه احطك انت وخوك على بعضكم واطيح فيكم
كانت تحس بسعاده وهي تشوف انه وراها
تقدمت ام زيد وهي تسلم على ولدها وتبارك له
سلمو الكل وباركو وطلعو الرجال وبقو ام زيد وام سعد
ام زيد:نحنا نتركم لحالكم سولفو شوي مشاري لا تتهور
غيم:لا يمه خلكم عادي
مشاري:لا وين خلكم
ام سعد:ههههههه يا مشاري ترا بنتي خوافه علمتك
مشاري:وهي مع رجلها ما عليها خوف
طلعو الحريم وقام مشاري قفل الباب بالمفتاح عشان ياخذ راحته معها
وقف قلبها يوم شافته قفل الباب
مشاري وهو يجلس جمبها ويحاوط خصرها ويقربها منه
مشاري:اخخخ ما بغيتي وش هالزين وشلون تبيني اطلع علميني
كانت منزله راسها من اول ما دخل ولا ناضرت فيه
رفع مشاري راسها وقرب منها وطبع قبله على خدها
مشاري:ناضريني حرام ذي عيونك وتحرميني منها
تكهرب جسمها يوم حست ببوسته ذي
غيم:مشاري بلا قلت ادب وش ذا
مشاري:يوه عاد انا ملك قلت الادب
شافها نزلت راسها واستحت
مشاري:ناضريني تكفين انتي الحين حرم مشاري حرم السواق يا شغالت قلبي
ضحكت غيم يوم تذكرت السالفه
مشاري:يالبى الضحكه بس
غيم:تدري وش اكثر شي حسسني اني بأمان
مشاري وهو ما صدق انها تكلمت
مشاري:وش
غيم:يوم حضنتيني امس بقوه حسيت اني بدخل بين ضلوعك حسيت انو لو ايش يصير محد يقدر يلمسني وانت حاضني والحين احس اني خايف ابي نفس الامان اللي اعطيتني اياه
حضنها بقوه وهو وده ما يبعد عنها
مشاري:انا وحضني واماني كلي لك محد بيلمس لك شعره وانتي معي
حس بشدتها على حضنه
مشاري:خايفه مني
رفعت راسها له وهي ماودها يحس كذا
غيم:تكفيك لو اقول لك اني "احبك"
مشاري:اخخخخ ذي جرعه قويه عيديهاا
بعدت عنه وهي تضحك بحيا
مشاري:دوم
اندق الباب
مشاري:مين
جمانه:انا جمانه
قام وفتح الباب لها
مشاري:شعندك انتي بعد
جمانه:قاطعت عليكم لمت الاحبه بس يلا اخوي توكل
مشاري:مين انا
جمانه:لا انا
مشاري:طيب ابي خدمه بمناسبت اني عرس تكفين
جمانه:قول
قرب من اذنها وهمس لها
جمانه:يا وليك هههه ترا تموت
مشاري:تكفين اذا لي معزه
جمانه:اعتبرها هديتي
مشاري:كففوو الحين اقدر اطلع
طلع مشاري وراحت جمانه ل غيم
جمانه:هاه كييف
غيم:يجنن يجنن يا بنت
جمانه:اهجدي لاحد يسمعك يقولون خفيفه
غيم:ما شافو اللي شفته
جمانه:اقول بس يلا قدامي خالاتك يسالون عنك يلا تعالي
راحو غيم وجمانه يدخلون عند الحريم
خالد:خالد ولد
خالد الصغير:هلا عمو
خالد:يا لبيه بس اسمع تبي تروح البقاله
خالد الصغير:ايوا ايوا
خالد:روح لعمه جمانه وقول لها عمو مشاري يبيك ورا البيت
خالد الصغير:اقول لها عمو خالد قال
خالد:لالا لا تقول لها خالد قول مشاري وش تقول
خالد الصغير:عمه جمانه عمو مشاري يبيك ورا البيت
خالد:يلا انطلق
كانت تساعد في التقديم وتشرف عليه لين جاها خالد الصغير
خالد:عمه عمه
جمانه:هلا حبيب عمه
خالد:عمو مشاري يبغاك ورا البيت
جمانه:هو ارسلك
خالد:ايوه هوا
جمانه:تمام يلا روح العب انت
طلعت مع الباب الخلفي للبيت وهي مستغربه ليه ممكن يناديها مشاري بمكان زي هاذا حتى الاضاءة فيه خاافته يا دوب تشوف فتحت الباب بخطوات خفيفه لمحت احد واقف قربت
جمانه:مشاري؟ ليه مناديني هنا
لف عليها وكانت الصدمه عليها يوم عرفت انه مب مشاري
رعش قلبه من جمالها وهو يحاول يمسك نفسه
جت بتروح لين حست ب قبضته على خصرها النحيل وسحبها على الجدار وهو ماسك خصرها ومقربها منه كانت الاضاءه خفيفيه بس مو لدرجت ما تعرف ملامحه وريحته اللي دايم تذوبها
خالد وهو راصها على الجدار وكان قريب منها للحد اللي تختلط انفاسهم ببعض
خالد:مطوله على هالحال
جمانه:خالد بعد عني
خالد:واذا ما بعدت
وهو يقرب جسمه منها لين لصق فيها
خالد:والحين
جمانه وهي تعض شفتها:خالدد
خالد:ودك تقولين لي وش صاير ليه كذا تعامليني ترا واضح عليك
جمانه:ما صار شي
قرب منها وهو يطبع قبله على عنقها وهو يغوص بشعرها اللي متناثر على كتوفها وهمس بأذنها
خالد:نذر علي اني لاخذك
بعدت عنه بقهر:كل زق قليل ادب ***
رفع حواجبه بصدمه من كلامها
خالد:تتحديني
جمانه:اتحداك واعلى ما بخيلك اركبه
جا بيقرب منها بس هربت بسرعه قبل يقرب منها
ضحك ضحكه خفيفه على شكلها وجمالها وسرعان ما اختفت ضحكته ل غضب لما تذكر كلامها
خالد:اطلع الدلع ذا من عيونك هين
رجع للرجال وهو يحاول يحكم غضبه
/تسريع للاحداث/
بعد العشا راحو اغلب المعازيم ما بقى غير ام زيد وجمانه اللي سحبت غيم على جمب
جمانه:اسمعي بقول لك شي بس ريلاكس
غيم:وشش
جمانه:مشاري يبي ياخذك
غيم:ووش وشلون كيف لااا
جمانه:هو حالف اذا ما طلعتي برضاك بيطلعك غصب وترا بتروحين بعدها على بيتك مافي زواج ف ياحبي اطلعي معه لا يكبرها ترا اخوي واعرفه
غيم:يمه طيب تعالي معنا
جمانه:وش لي جايه مع متزوجين شبي بالله سوو حركاتكم
غيم:وجع وجع يبنت اخوك قليل ادب اخاف منه
جمانه:ما عليك اوصيه المهم يقول وحده ونص اطلعي مع الباب الخلفي
غيم:هففف منه طيب خلاص انا بروح اغير قولي لهم اني تعبانه بنام
جمانه:ابشري تتهنو يا عرسان قلبي
غيم:كلزق
جمانه:تمونين ياعروس
طلعت وهي تشتم بجمانه ومشاري
طلعو جمانه وام زيد مع ريم وزيد وراحو
في غرفتها واقفه متوتره الف لبست ليقنز اسود بما انها لفه بالسياره ولبست عليه بدي كحلي كان قصير شوي بس كان يجنن كانت حاطه عقد ناعم يزين صدرها وحطت قلوس خفيف مائي انتبهت لجوالها اللي يدق
ارتعش قلبها يوم لقته يدق عليها ردت عليه بعد تردد
مشاري:سنه لين تردي
غيم بصوت هادي:كنت بالحمام
مشاري:تمام انا تحت من الباب الخلفي يلا استناك يا حبب
غيم:طيب جايه
لبست عبايتها ونقابها وهي تتسحب بشويش للباب الخلفي كان ضلمه ومو شايفه شي
انتبه لها لما طلعت واستغل انه ضلمه وابتسم بخبث
مشاري:غيم غيم اصبري لا تتحركي
غيم:وش فييههه لا تخوفني
مشاري:اضن فيه فار كبييير
غيم:لالا مشاري لا تقول تعال تععععال
قرب منها وهو يحاوط خصرها ويمشي فيها بشويش
مشاري:انتبهي
تعلقت برقبته بسرعه وشالت رجولها عن الارض
غيم:مقدر احط رجلي مقدررر
ابتسم مشاري وهو هاذا اللي يبيه شد على خصرها وهو يمشي فيها لين وصل السياره وفتحها وحطها فيها وحرك
شبك يده بيدها وقربها من شفايفه يبوسها
غيم:ليه تاخذني يعني توك شايفني
مشاري:ابي استفرد فيك مو انتي حلالي الحين وين المشكله
توسعت عيونها بخوف وبان عليها التوتر
ضحك بداخله وهو مستمتع اخر شي
انتهى
