من أجلك فقط

بارت(3)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثالثة🫀🥀:

.....متكية في فرشها كاس قهوة في يدها و هي سارحة بعينيها لبعيد ...صراع عميق في عقلها افكارها داخلة بعضها...مهيش فاهمة شنوة تعمل أو شنوة القرار الي تاخذو من جهة رضاء بوها عليها و من جهة احلامها و طموحاتها و من جهة أخرى قصة الحب الي تمنات تعيشها ...باقي سارحة و امها دخلت للبيت رات حالتها كاكة تنهدت و قربت قعدت بحذاها على الفرش نحاتلها كاس القهوة من يدها حطاتو على الطابل دو نوي و جبدتها لحضنها و عنقتها 
سعاد: منيش باش نقلك شبيك يا روحي خاطر حاسة بيك ...منيش باش نسئلك شنوة احساسك يا روحي لاني عارفة الحر...ب الي قائمة داخلك ..عارفة مليح الحر...ب الي قائمة بين العقل و القلب ...بين العاطفة و الفكر ...عارفتك و عاذرتك أما بوك يا روحي يحب يتهنى عليك ...
اميمة : يا امي كيف يحب يتهنى عليا يخليني نقرأ يخليني نكمل حلمتي يا امي البنية ميحميهاش راجل و لكن تحميها شهادتها ...تحميها شهريتها و خدمتها يا امي المرأة احسنها مستقلة بذاتها و نهار الي تحب تخرج أو تسافر أو تلبس أو تشري أي حاجة تكون بشهريتها و بفلوسها الخاصة متستناش راجل تقلو اعطيني أو مدلي و هو يتجبد عليها يا امي المرأة تفرض روحها في المجتمع بكلمتها و خدمتها و كرهبتها الي من عرق جبينها و موش ورى راجل يا امي علاش متحبوش تفهموني ...حسو بيا عيشكم ..ان نحب نقرأ نحب نهز شهادة التخرج في يدي نحب نجري و نتعب و ساقيا توجعني و انا نلوج في خدمة ..نحب نحس احساس أول شهرية ناخذها من خدمتي و بعرق جبيني نحب نشري كرهبتي و دار من فلوسي الخاصة نحب نحب نحج أنا وياك و بابا ..علاش هذا الكل باش يتحطم في لحضة علاش ياا امي علاش جاوبني عيشك
.....كانت تحكي و تبكي ..تتكلم و كلها حر...قة و وجيعة مسيطرة عليها ...مع كل كلمة تزيد تعلى شهقتها و امها كانت تبكي معاها عارفة احساسها و لكن لازمها تقنعها توافق متنجمش.تلوي العصى في يد راجلها تخاف عليه مالغش و لا تتدهور صحتو ..و زيد تعرف انو يحب بنتو و ميخطارلها كان الحاجة المناسبة ليها
سعاد: انت تعرف بوك مستحيل يخطارلك الغالط ليك انت تعرف بوك يحبك و يرعش عليك ..انت تعرف بوك مستحيل يخطارلك الغالط ليك
اميمة : أنا منجمش و منحبش نبعد عليكم
سعاد: تستانس و راس بنتي تستانس
اميمة :نعرش امي نخمم
سعاد:زحط في بالك بوك الغش موش باهيلو و كان تلوي العصى في يدو ممكن يخ..سر حياتو وقتها تعيش عمرك الكل مع الذنب هذا
اميمة: أمي
سعاد :الي عندي قلتو و توا أقعد مع روحك و خمم و غدوة عائلة الراجل جايين يتعرفو عليك
كملت كلماتها و خرجت مالبيت تتخبط في افكارها و الامها ...سعاد هزت زوز كيسان تيزانة و مشات بحذا راجلها في الصالة
منصف :ويني اميمة شعاملة
سعاد مددتلو الكاس و تكلمت
سعاد:كيفاش تحبها تكون
منصف:انت تعرف أنا نعمل في هذا الكل على خاطرها
سعاد: أما حطيتها في موقف صعيب انت حطيت روحك في كفة و احلامها في كفة
منصف :متخافش مهيش باش تخسر قرايتها و حلمتها أما حكيت مع بو الولد و هو موافق
سعاد: ان شاء الله الي فيه الخير ربي يسهل فيه يا منصف
....حط يدو على يدها و تبسم تبسيمة تبعثلها الطمأنينة في قلبها و تحسسها بالراحة
منصف :متخافش يا عشيرتي خلي عندك فيا الثيقة
سعاد :ثيقتي فيك كبيرة  و ان شااء الله ربي يدومك نعمة فوق روسنا يا ربي
.....بقاو يحكيو و يتناقشو في الموضوع خائفين لا ترفض بنتهم العرض هذا الي مستحيل يتعاود
________________________________
منصف: اب اميمة عمرو 50 سنة انسان متقي الله ويخاف ربي معروف بأمانتو وصدقو يحب بنتو بزااف ومدللها علخر مام مرتو يسعى كان عوينة وحدة جابها بعد صبر 5سنين
سعاد:46 سنة انسان تخاف ربي وحنينة بزاف وطيوبة ورزينة تحب بنتها بزااف وراجلها واي قرار تساندو فيه تشبهلها بزاااف لاميمة لانها مدية ملامحها

_________________________________
رمضان كريم فلفلاتي وصحا فطوركم 🏮🌙✨اراءكم وانتقاداتكم صوتولي سيتوبلي🤭🫀❤️