من أجلك فقط

بارت(12)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثانية عشر🫀🥀:

منصف: عسولتي المزيانة محلاك بسم الله عليك
اميمة :عيشك بباتي يخليك ليا
.....شدلها يدها و ركبها في الكرهبة و هو قالب الدنيا بالتزمير ..وصلو الدار لقات الناس الكل موجودة و حتى من عائلة مهدي ..طبعا جاو و هو معاهم باش يلبسها الذهب ...دخلت للبارتي متع السهرية مع اغنية بيب بيب زغرت العروسة جات ...و زغاريت امها العالية و تصفيق الناس الحاضرة..شطحت شوية و من بعد طلعت في المنصة تصدرت شوية و من بعد دخلت بدلت الروب و لبست روب أخرى باج و طبعاً الحجامة جات معاها للدار و خرجت ..قعدت في المنصة و مهدي المرة هذه طلع باش يتصدر معاها شوية و يلبسها الذهب ....
مهدي : تهبلي الله يبارك
....تبسمت اميمة حست الكلمة ارضان غرورها أي مرأة في الدنيا تحب تسمع الكلمة هذه من شريك حياتها باش تحس بالكبرياء حتى ولو كانت متحبوش
اميمة :عيشك
....ضحك مهدي ضحكت استهزاء
مهدي: هههههه تتوقع باش نقلك الكلمة هذي ماشي هكذا أما نسيت باش نقلك حاجة.. علبالك نتيا ياسر ماكيش محترمة ...الروب عريانة بزاااف...فرحانة بروحك قدام باباك لابسة هكذا
....اميمة بلعت ريقها ..خزرت لأمها و بوها لقاتهم فرحانين بيها محبتش تعمل حاجة توطيلهم راسهم أو تحسسهم الي صارت حاجة بلعت ريقها جبدت نفس قوي و تبسمت تبسيمة مصطنعة  و سكتت ..عدات الكلمات و لكن مهدي فرح ..لأنو حس روحو عمل انجاز ..عرف روحو باش ينجم يسيطر عليها بسكوتها هذا خلاه يتأكد أنو هي انسانة ضعيفة و من السهل بارشا أنو يتحكم فيها بكل سهولة ..

.....لبسلها ذهب وهو مش راضي كامل على لبستها ولا عاجباتو صح من جهة حركت غريزتو وشهوتو ليها كراجل اما من جهة انو يشوفها واحد غيرو هكذا حركت رجولتو وغيرتو على حرمو قرب همسلها في وذنها وعصبيتو بدات تزيد وهذا شيء بان واضح في نبرة صوتو لي هدر بيها معاها
مهدي: الهدرة ماشي ضكا تتحاسبي عليها من بعد في داري وضك اهبطي بدليها والبسي روبة مستورة ولا متخرجيش راني نهدر خيرمن نهبطك بطريقتي
.....بلعت اميمة ريقها يمكن للمرة لالف قربو ليها وترها علخر وزيد طريقة لي حكى بيها تخوف وخلاتها تتوتر بزاااف شوية عيطت لصحبتها وهبطت كيما قالها ديركت راحت لغرفتها وهي تغلي بالاعصاب منو هزت تيليفونها وديركت عيطتلها هي لوحيدة لي تفهمها شوية وقت وهزت عليها ديركت اميمة تفجرت تبكي
اميمة :مرحبا ليديا
ليديا :بسم الله عليك اطفلة علاش تبكي وش صرا ليوم عرسك نورمالمو تكوني زاهية مش قاعدة تندبي
اميمة :الحقني يا ليديا ظاهرلي تسرعت في زواج بالانسان هذا توا شباش نعمل
ليديا :احكي بشوية وفهميني وش صرا
......حكاتلها اميمة كلش صرا وش قالها كامل والاسلوب لي حكا معاها بيه ودموعها على خدها
___________________________

رمضان كريم عليكم وصحا فطوركم 🏮🌙✨اراءكم وانتقاداتكم صوتولي سيتوبلي