من أجلك فقط

بارت(90)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_التسعون🫀🥀:

مهدي :غلطت معاك بزاااف اسمحيلي علبالي غلطتي كبيرة مي نوعدك وعد رجال واقسم بالله العلي العظيم منزيد نهز يدي عليك ولا نقيسك بكلمة لي تقعد في خاطرها سامحيني وخليني نبداو من جديد وعد راح نعوضك على كلش راح نعوضك على كامل اللحظات الخايبين لي عشتيهم بسبتي

.....بعدها من حضنو وشد يديها لزوج باسهم و باسلها راسها

مهدي :غير اسمحيلي وخلينا نعيشو مع بعض ونربو ولدنا مع بعض متيتميهش اميمة وباباه حي
اميمة :تحلف على القرآن على كلامك  هذا لي قلتو توا مهدي!؟
مهدي :وي نحلف اميمة هاتي المصحف نحلفلك عليه

....بعدت عليه وراحت جابت المصحف وحطاتو بين يديه اول محط يديو باش يحلف عليه رجعت جبداتو من يديه شيء لي خلاه مستغرب

اميمة :موافقة نرجع ليك اما بشروط
مهدي :تفضلي قولي نسمع فيك
اميمة :الحجاب مش حابة نتحجب توا حتى نقتانع بيه انا موافق !؟

.....تنهد مهدي ميقدرش يرفض ضك وهو غالط في حقها هي تشوف فيها فرض رأي اما هو يغير عليها أما مش حاب يعاود نفس لغلطة ويضغط عليها شاف فيها لقاها تستنى جوابو

مهدي : موافق براحتك منجبركش على حتى شيء
اميمة :شرطي ثاني نكمل قرايتي بلا متقطعني عليها ولا تعرقلي فيها
مهدي :موافق زيدي
اميمة :هذو هوما شروطي نحب جيست نكون مهنية مهدي هذا كل الموضوع
مهدي :انا وعدتك وراني قد كلمتي هكذا متصافيين!؟

....مدلها يدو باش تشدها تبسمت وشدتها هي في شهر لي كانت في دارو لمست في تغيير بنسبة 90% متقدرش تفرق اب على ولدو حطت يدها صغيرة في يدو لكبيرة زير عليها شوية متبسم حتى هو

اميمة :متصافيين يا ولد دليلة

.......عنقها طاير بلفرحة أخيرا رضات وراجعة ليه وراح يشوفها هي ولدو كل يوم قدام عينيه من الفرحة دنيا مش سايعاتو خرج يدو في يدها ولبسمة على وجوهم شيء لي فرح بوعلام ودليلة وبانت فرحتهم على وجوهم نطق بوعلام برزانة

بوعلام :بشرونا
مهدي:لحمد لله تصالحنا بابا واميمة رضات ترجع ليا
بوعلام :لحمد لله ياربي مبروك عليكم وربي يكمللكم ويجبر بخاطركم غير كون راجل وفحل واكسب مرتك
مهدي :باينة بابا كون هاني

________________________________

اراءكم وانتقاداتكم صوتولي سيتوبلي 🫀❤️