من أجلك فقط

بارت(65)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الخامس_وستون🫀🥀:

مهدي(ببرود) :نوضي نهبطو نتعشاو
اميمة (حتى هي بنفس البرود ):باهي

....هبطت معاه تعشاو وعاودت طلعت فشلانة دخلت للبيت لقاتو فيها متسطح وخدام على تيليفونو قعدت في جهة ثانية باش تناقشو في امور الحجاب وكيف كيف واجهها برفض وقت قلق من كلامها هز يدو وضربها لفمها بظهر يدو ويدو ثانية شدها من شعرها بيها معصب

مهدي :شوفي يا اميمة والله والله والله العظيم ثلاث متخرجي من دار الا بالحجاب غير هكذا طبيب ومتروحيش ليه وفض لكلام عندي تحبي تبداي تقراي تتحجبي غيرها معندي حتى كلام معاك
اميمة :سيب شعري مهدي شيء لي راك تعمل فيه توا موش صحيح راو انا منحقي نقرر اذا نتحجب ولا لا
مهدي(زاد زير على شعرها اكثر) :هذي في دار باباك تقري ضك عندي امر يطبق نتي متفهميش بلهدرة كلمة منزيدش نسمعها يا ديري يا اقعدي في دار وفض لكلام

.....دزها على سرير معصب منها مخلي دموعها يطيحو لا إراديا ولات لا حول ولا قوة تعرفو كي يغلق مخو على حاجة ملقات روحها غير هي خاسرة دخلت لبلاصتها ورقدت ودموعها على خدها
.....فاتو يامات وهوما هكذاك حد ميهدر مع حد ميقرب ليها غير وقت يحب على حقو في لفراش لي تبدل عليها ورجع حتى فيه عني/ف معاها يبرد في غشو وسمو فيها وهي تتأذى حتى بعدت عليه ورفضت بسباب لوجاع لي جاوها منو وباش كن وبعد شوية عليها رجعو لنفس لحكايات ببرود وامر يطبق هو رجع على اعصابو كلمة زوج يرفد يدو عليها كل مرة ضربة وين جيها اما هي مقررة حوايج ثانية وقت تبدا تقرا هذا هدوء من وراه عاصفة
.....اليوم رجوع القراية ..اليوم العودة ...اليوم اميمة مقررة تحارب على خاطر حلمتها ...اليوم اميمة مقررة تد..فن اميمة الي ظهرت جديدة و ترجع اميمة القديمة ..اميمة الضحاكة ..اميمة المزيانة ..اميمة الي تلبس كيف ما تحب و تكره العباد الي يحكمو على الشخص من مظهرو ...اميمة الي طائرة كيف الفراشة ..اميمة الي كيف الوردة المفتحة ...اميمة الي كيف تقرب من انسان تغمرو بالسعادة و الفرحة ..قررت ترجع اميمة الي هي فرحانة بيها و مستحيل تخلي أي شخص يتحكم فيها حتى و لو هو راجلها ..قامت الصباح لقاتو راقد بحذاها ..مدت يدها ناحيتو بسياسة مسدت على شعرو...تمنات لو عرفتو في ظروف خير ...تمنات لو كان حنين معاها و يحبها ...تمنات لو تسمع منو كلمة باهية ..لكن موش كاتب تبسمت بوجيعة و قامت من قدامو دخلت لدوش كي لعادة استفرغت لي في بطنها باش رتاحت دوشت وخرجت تنشف في شرعها لقاتو مزال راقد مقامش تنهدت شوية تشوف فيه وقت تشوفو هكذا تقول هذا الانسان مستحيل يأذي نملة

_________________________________

اراءكم وانتقاداتكم صوتولي سيتوبلي 🫀❤️