من أجلك فقط

بارت(21)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الواحد_وعشرون🫀🥀:

...بقات حادرة عينيها لي تعباو دموع مصدومة كل مرة يصدمها كثرمن لي قبل شافها كيفاش لاصقة فيه وحادرة عينيها لصدرو وخدودها لي تودو وزينتهم لحشمة من لقرب لي راهم فيه سهى فيها شوية يتأمل في ملامحها وفي عينيها شفايفها بيوضتها محسش بروحو كيفاش باسها ولا كيفاش دخل راسو في رقبتها محس بروحو كان وقت حطت يديا لي يرجفو على صدرو فاق على روحو ورجع استقام في وقفتو راجع لنفس البرودة في كان فيها بعد عليها بهدوء وتخطاها داخل لدوش
....اما هي قعدت ترد في انفاسها لي خطفهملها بجاست لي دارهالها حطت يدها على قلبها لقاتو باش يوقف يدق بع،نف ومترجم دقاتو برجفتها هدرت بينها بين روحها

اميمة : ياربي عاوني ياربي معندي غيرك توا ياربي كون معايا ويسرلي أموري حاسة قلبي بش يوقف

....قامت بدلت عليها ولبسة روبة تاع دار مستورة كاملة كيما قال وقعدت تستنى فيه خرج من دوش بعد مدوش وبدل حوايجو شاف فيها من لفوق للتحت بعلامة رضا

مهدي :لمي شعرك متبقايش طالقاتو ومتزيديش تقصيه

.....لمت شعرها ببوكلي كيما قالها وتبعاتو هابطين بزوج لتحت حبس ومدلها يدو ميحبش يحسس عايلتو باي شيء لي بينو وبين مراتو يقعد بيناتهم اما هي فهمت حركتو ومدتلو يدها لي كيف شدها ضاعت في يدو وكملو هابطين لقاو لكل قاعدين في الطاولة يستناو فيهم قعد هو وقعدت هي جنبو بعد ممساو العائلة بلخير وبداو ياكلو في صمت غير ساعات يهدر واحد فيهم شافت دليلة في عروستها ونطقت موجهة كلامها ليها بابتسامة بشوشة

دليلة :ان شاء الله تكون عجباتك لماكلة بنيتي نعرف لي مكالتنا وماكلتكم مختالفين
اميمة :لا بلعكس يعطيك الصحة خالتي بنينة برشا وتفتح النفس
بوعلام :صحا عليك بنتي كولي متحشميش منا كامل رانا كيف اهلك
... ضحكت ببشاشة متبسمة معاهم اما حست بيدو لي تحطت على فخضها وزيرت عليه شافت فيه لقاتو يشوف فيها بنفس شوفاتو الباردين مغلفهم الجمود قرب لوذنها وهدر بخفوت يتسمع غير منو ليها

مهدي: اجمعي ضحكتك عندك وبلا دصارة زايدة و كي نوض اطلعي لفوق 

.....رجعت سكتت وقيل وين تشارك في الهدرة حتى قام هو واستأذن طالع لطابقو بحجة التعب ومام هي ستأذنت ولحقاتو طالعة في هذوك دروج بخطوات صغيرة وثقيلة تتمنى ميخلاصوش لقاتو يستنى فيها ديركت جبدها من ذراعها مزير عليها

مهدي : نقعد كل مرة نعاود ونزيد معاك في لهضرة ماشي قتلك لغبك(فمك) لميه عندك مراكيش تشوفي في خويا قاعد على طاولة وضرسة لعقل باينتك وش ندير معاك نتي ضك ! ارقدي ومنسمعش حسك ضك عيان وغدوة نتفاهمو مليح

_______________________________

رمضان كريم فلفلاتي وصحا فطوركم 🏮🌙✨صوتولي سيتوبلي