من أجلك فقط

بارت (20)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_العشرون🫀🥀:

....اشرتلو براسها بنعم ومشات من فما دير وش قالها مش حابة طيح في يدو مرة ثانية ويسمعها ملا يرضيها شادة دموعها على شعرة ليطيحو من معاملتو وتسلطو وتجريحو ليها في كل جاست حتى حاجة تافهة ميفوتهالهاش قوي الملاحظة وحاجة متخفى على عينو وجدتلو دوش وحوايجو ورجعت عندو للبيت باش تقلو لقاتو شاد تيليفونها ويخرب فيه يحاول يفتح لكود وقفت مصدومة من فعلتو هذي كيفاش يمس في تيليفونها بلا اذنها اما هو طلع راسو فيها وشاف كيفاش تشوف فيه قابلها بجمود من جيهتو كيف ما شافتو هذو المرات

اميمة: شنوا قاعد تعمل يخي لباس تبربش في تيليفوني مهدي !

....مهتمش لكلامها ولا حسبو أصلا ورجع حطو في بلاصتو وقربت ليها بخطوات ثقال طول شوفة في عينيها بنظرات جليدية ونطق فاقت من صدمتها على صوتو لبارد لي كيف جبل جليدي حست شغل صرفقها كي سقساها يخرب في تيليفونها بلا اذنها وزيد بزيادة يسقسي فيها بكل واقحة وعين صحيحة

مهدي: الأسلوب هذا لي راكي تهدري بيه نحيه سڨمي روحك ! وزيد علاش دايرة ميات لكود لتيليفونك !؟
اميمة: كلامي راه موزون ومفيه حتى عيب !أكيد منخلييشوا محلول للناس الكل و نتي علاش تبربش فيه عيب إلي تعمل فيه

.....وقف قدامها بينهم غير سنتيميترات  وجبدها من خصرها ضاربها فيه ضاغط عليها بيدو حتى حستو باش يتكسر بين يديه ميل راسو باش يوصل لطولها وهمس عند وذنها بصوت مجموع فيه نبرة التحذير والتوصية وهي ترجف بين يديه من الحشمة لي ترسمت على خدودها و قوة القرب لي راهم فيه هز يدو ثانية وبعد خصلات من شعرها لي طاحو على وجهها من سحبة لي سحبها ليه مرجعهم لور 

مهدي: بلاكي وبلاكي وبلاكي تزيدي تعاودي هذي الهدرة مدام تكتب اسمي جنب اسمك وراكي في عصمتي مكانش حاجة اسمها خصوصية طول مراكي وسط هذي دار وتحت جناحي تنساي شيء لي تعلمتيه في داركم تمشي على حسابي وحساب قوانيني انا وبلاكي تشدي ضد معايا ولا تعانديني بيسك نكسرلك راسك فهمتي!

....بقات حادرة عينيها لي تعباو دموع مصدومة كل مرة يصدمها كثرمن لي قبل ويخليها عايشة في متاهة افكارها وتخيلاتها حياتها للقدام معاه زاد زير كثر على خصرها

مهدي : راني نهدر مع جدك ياك ولا قاعد نرغي وحدي !
اميمة :ف فهمت
مهدي : مليح لي فهمتي ديري عقلك في راسك بلا تفوريخ زايد وشدي طريق معايا وارزني راكي كبيرة ومرا متزوجة كوني قد المسؤولية هذي مراكيش فرخة صغيرة دلال زايد خليه في داركم

____________________________

رمضان كريم عليكم وصحا فطوركم 🏮🌙✨اراءكم وانتقاداتكم وصوتولي سيتوبلي