من أجلك فقط

بارت(55)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الخامس _وخمسون🫀🥀:

مهدي :حلاتلك ياك سكتنالك ركبتي ودليتي رجليك نسمع يما برك مقلقتها ولا مش تعاوني فيها تخلصيها غالية ليندا فهمتي !
ليندا :فهمت
....اما اميمة كلات شوية و قامت مهيش قادرة لا تأكل و لا تشرب جيست تحب ترقد لا اكثر
بوعلام :بنتي مكليت شي راك
اميمة: والله الحمد لله عمي  نطلع نرتاح شوية
بوعلام : مهدي عاون مرتك باش تطلع الدروج
مهدي: حاضر بابا
....وقف سندها عليه و شدها من يدها و طلعها للبيت تكات على الفرش تغطات بالملحفة و حطت مخدة ورا ضهرها و مهدي جا خارج ياخي وقفتو تحكي
اميمة : مهدي نحب نحكي معاك
....رجع قعد على الفرش فيبالو حاجة تخص صغيرو
مهدي :وشبيك لباس وليدي لباس ياك!؟
اميمة: الصغير لباس ..اما اوعدني متتغشش مالكلام الي باش نحكيه 
مهدي: ضك تهدري ولا خليني نخرج !؟
اميمة : باهي غدوة باش نمشي نرسم في الفاك 
مهدي: قوليلي ضكا اسكو اذا تشاوري ولا تعلمي فيا ..مفهمتش!؟
....اميمة تفرك في يديها و تأكل في شفايفها مالخوف
اميمة: علاش نشاور فيك أنت ديجا فيبالك باش نكمل قرايتي و الترسيم بدا هكا علاش غدوة باش نمشي نرسم
مهدي: تفاهمنا على القراية قبل الحمل..أما مدام راكي اونسانت مكانش قراية  تعرض في ولدي للخطر يا لالة
.....كمل كلامو و خرج مخلاهاش تجاوب أو تتكلم أو تحكي ..مخلاهاش تعارضو ....و اميمة بدأت تفقد السيطرة على روحها كلو الا قرايتها بنسبة ليها خط أحمر ...سمحت ليه بالتدخل في كل شي الا القراية ...حست العصب مكنها من راسها لصبع ساقها ..بالنسبة ليها يقت....لها و ميمنعهاش من حلمتها ..بالنسبة ليها بمنعو هذا تجاوز كل الحدود حتى و لو هو راجلها ..هذه القطرة الي فيضت الكاس ...راجعت روحها الف مرة ..من وقتاش هي ترضخ لأي حد ..من وقتاش تحمل الذل و تسكت ..من وقتاش هي تتحمل الإهانة ...من وقتاش هي تعمل حاجة موش مقتنعة بيها  ...هي هكا تربات هي هكا كبرت ...بوها و امها هذه القواعد الي زرعوها فيها من صغرتها ..في الليلة هاكي سئلت روحها الف سؤال ..في الليلة هاكي راجعت كل دمعة هبطت من عينيها ..في الليلة هاكي راجعت رخ...صها و تذللها ليه ..في الليلة هاكي كان لازمها تخطار..يا تاقف و تواجه و تعيش بكرامتها يا تعيش عمرها الكل تحت ساقين انسان موش معبرها و خالق في زاوية حاصر فيها المرأة على انها .تقيم بدارها لا اكثر ...كان لازمها تقرر مصير حياتها و هذا الي عملتو اميمة ليلتها ...بقات تخمم لين هزها النوم و هي تخطط لمستقبلها ....
أما مهدي كلم صاحبو علي و تفاهمو يتقابلو في قهوة بحذا البحر  ...وصل لقاه ديجا يستنى فيه

________________________________

اراءكم وانتقاداتكم صوتولي سيتوبلي 🫀❤️