من أجلك فقط

بارت (72)

مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثاني_وسبعون🫀🥀:

.... مسحت على شعرها بحنان تحاول تهديف فيها وتقنعها تقعد وتبدل رايها خاصة كيف شافتنا مصممة على طلاق خايفة على ولدها اذا طلبت طلاق وحكات وش عمللها يدخل للحبس وهذي اخر حاجة تحبها غير ولدها يدخل للحبس ويبعد عليها يخليها وحدها بقات مكة تحكي معاها وتسيي تقنعها مي والو اميمة قتانعت بقرارها ومش راح تبدلو تطلق هي تطلق عافتو وكرهاتو ملت منو ومن تصرفاتو ومعاملتو ليها قعد معاها دليلة حتى رقدت غطاتها مليح مدفيتها وطفات ضوء وغلقت تاقة مظلمتلها الغرفة وهبطت لتحت بعد متأكدت لي رقدت لقات مهدي رجع خرج وبوعلام في صالة راحت قعدت قدامو حاطة راسها على كتفو

بوعلام :كيفاش راهي اميمة ضك ؟؟
دليلة :حالتها حالة اما ريحت شوية خليتها رقدت وجيت
بوعلام :لحمد لله اما لازم حل لهذا الوضع
دليلة :عين وصابت ولادنا كانو متفاهمين ويا زينهم وزين قعدتهم ضك رجعو ميحملوش بعضاهم لازم نرقيولهم بلاك تتحسن احوالهم
بوعلام :لا عين لا والو ولدك لي عمى ولى يطاول على بنات الناس حاطها خدامة عندو
دليلة :ياسي بوعلام طفل باين لي غاير على مرتو مزال صغير وهي صغيرة باينة راح يغير عليها وحنا نعرفو لي غيرت مهدي خايبة
بوعلام :يغير على روحو كامل نغيرو مي متوصلش لدرجة يضربها حتى توصل لسبيطار وطفلة أصلا اونسانت
دليلة :هدرت معاها حابة تطلق رافضاتو نهائيا طفلة وصلت لحالة هستيرية
بوعلام :راهي وحيدة امها وبوها أكيد مش رايحين يفرطو فيها خافي على ولدك كون تشكي بيه يروح ديركت للحبس
دليلة :هذي هي لي خايفة منها انا اميمة مراحش تسكت وتفوتهالو هكذاك
بوعلام :نشوفو كيفاش نحلوها بودية مش حاب نخسر صاحبي وعشير عمري
دليلة :والله حتى تخمامي هكذا أكيد منصف وسعاد مش باش يقبلو شيء هذا راهي بنتهم وحيدتهم ونت تعرف غلاوتها عندهم
بوعلام :ربي يجيب لخير باش نحكي معاك في حاجة وبعدها نوضي عيطي لبنتك جيني
دليلة :تفضل سي بوعلام غير لخير متخلعنيش
بوعلام :راجل لي كانت معاه بنتك جا خطبها ليوم وحاب يديها دوزيام فام وانا رايح نمدهالو

.....شهقت دليلة مصدومة وضربت بيدها على صدرها لولة تاع خطبها وثانية تاع رايح يمدهالو

دليلة :منك بصح بوعلام راح تمد بنتك على ضرة راهي راس طفلة عندنا
بوعلام :نوضي عيطيلها وشوفي راي بنتك لي تخلعتي علجالها وضربتي صدرك
دليلة :ضك نعيطلها ونجي أكيد بنتي ترفض ومتقبلش واحد كيما هذاك مزوج وبولادو

.....حركلها بوعلام راسو وهي ناضت من قدامو راحت عيطت ليندا وهبطت هي وياها قعدت دليلة في بلاصتها وقعدت ليندا قدامها مستفسرة علاش عيطلها باباها

_________________________________

اراءكم وانتقاداتكم صوتولي سيتوبلي 🫀❤️