من أجلك فقط

بارت (32)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثاني_وثلاثون🫀🥀:

مهدي: الله يفضلك عمي وخالتي منورة بيكم
منصف : ماتتصورش قداشني فرحان لي ولادي قدامي توا

......اما هي عنقت امها بقوة ودموعها يطيحو على خدودها حارين هذا هو الحضن الدافي لي دائما تتخبى فيه وتحس فيه براحة هذا هو لي تنسى كل همومها فيه ويرتاح قلبها

اميمة :توحشتكم برشا برشا ماو بزور ما مصدقت راني هنا توا يامي وراكم قدام عيني
سعاد :مرحبا بيك بنيتي حتى احنا توحشناك برشا خليتي بلاصتك ايجا نركبو في الكرهبة توا وقت نوصلو لدار نحكيو متوحشاتك علخر

....مشاو معاهم وطلعو في طونوبيل مهدي ومنصف من لقدام واميمة وسعاد من لور لي رفضت تخرج من حضن امها طول طريق يحكيو وسعاد تمسح على شعرها بحنان حتى وصلو لدار هبط منصف وهبطو معاه دخلو هوما لولين ومهدي ومنصف بعدهم جابو ليفاليز ودخلو بعدهم قعدو كامل مجموعين واميمة في حضن بوها معنقاتو

منصف : توشحتك برشا برشا بنيتي خليتي بلاصتك فارغة في دار نوارة حياتي
سعاد :من نهار رحتي دار رجعت ظلمة علينا
اميمة :يعني انتو تستعرفو توا لي اني زهو الدار واني لي نديرلكم الجو
سعاد :هههههه اي رانا مستعرفين يا لالة وتوحشنا شياخاتك علينا

.....شاف منصف في مهدي لي ساكت ومتبع ليهم العين نطق بهدوء ورزانة كاسر بيها جو الهدوء لي كان من جيهتو هو

منصف : قلي يا ولدي شنوا اخبار امك وبوك
مهدي :لحمد لله عمي يسأل عليك الخير راهو يسلم عليك بلبزاف وقالي ليك وحشة وثاني نبلغ سلامو ليك
منصف :الله يسلمو هو زادة ياريت كان جا معاكم
مهدي: مرة اخرى ان شاء الله عمي وبلاك جيونا لدزاير مرحبا بيكم في أي وقت
منصف:ترحب بيك الجنة ولدي علاش لا

......شاف في بنتو لي داخلة في حضنو ومغمضة عينيها ظاهر فيها رقدت من صغرها هكذا اول متبقى في حضنو ترقد براحة قومها بشوية ومهدي غير يشوف حسها كيف سينيما تبسم باستهزاء فاقت بشوية لقات روحها في حضن بوها تبسمت لا اراديا وعنقاتو داخلة في حضنو اكثر

منصف :قوم اميرة بوها رتاحي في بيتك وخوذي راجلك زادة يرتاح تكونو تعبتو من السفر
اميمة :حاضر بابا

.......قامت هي بعد مشبعت بوسان في امها وبوها وقام من وراها مهدي دخلو لغرفتها اول مغلقو لباب جبدها من خصرها ليه محمر عينيه فيها

______________________________
اراءكم وانتقاداتكم صوتولي سيتوبلي 🫀🥀