من أجلك فقط

بارت(61)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الواحد_وستون🫀🥀:

......هبطت اميمة راسها و دموعها هبطت ناداتها امي و لكن متصرفتش كأمها ..حسبتهم عايلتها الثانية و لكن في اول مشكلة خلاوها ...أما موش مشكل هي باش تبقى هوني لين تجيب صغيرها و من هنا للوقت هاكا يا أما يتغير على خاطر صغيرو أو هي تعرف تربي صغيرها وحدها
....فات الوقت واميمة رقدت بلا متحس حتى لعشاء متعشاتش لحق نص ليل دخل مهدي تعبان دوش وشد بلاصتو حط راسو على لمخدة يراجع في احداث ليوم والحوار لي دار بينو وبين بوه

#فلاش_باك🫀🥀:

....قعد قدام بوه لي باين في نظراتو الجدية والجمود ونظراتو لي متسلطين عليه عارف بوه على واش راح يهدر وعلاش جابو لهنا كسر صوت صوت بوعلام لي خرج من جوفو رزين وجامد

بوعلام :انا ويماك عندنا 32 سنة زواج من نهار تزوجنا لحد ساعة مرفدتش يدي عليها ولا ضربها
مهدي :حتى يما من نهار لي جات عندك كانت رزينة وعقلها كبير وثقيلة مدارتش حاجة لي تتضرب عليها
بوعلام :متشوفش لي قدامك انا نحكي على لي قبلك مالڨري صراو بينا بزاف مشاكل وكنا باش نطلقو وكل واحد يمشي في طريق اما شدينا في بعض ومفرطناش ومهما صار من مشاكل مرفدتش يدي عليها كاين بزااف اساليب تحب تعاقب بيهم مرتك غير ضرب
مهدي : هدرت بزاف وهي محبتش تفهم حابة تمشي عليا رايها وتفرض عليا عقليتها مش انا لي مرتي تختالط برجال وتقعد وسطهم
بوعلام :لقراية كلمة ومتتثناش راح تكملها كيف تحب وتشتي ثاني نهار لول انا مديت كلمتي لعشيري منصف ومحال ندور عليها
مهدي :بصح يا بابا
بوعلام :لا بصح لا زوج كلمتي سيف على رقبتي راح تكمل قرايتها كيف حابة هي وين حابة توصل ثاني بلا اي اعتراض منك فهمت !
مهدي :معليش بابا كلمتك متتكسرش مي قراية بلا حجاب غير هذي لي متصراتش باش تخرج بسروال لا والف لا تقعد في دار خير
بوعلام :مهدي خلي طفلة وقت تقتانع بيه راح ديرو
مهدي :هذا هو شرطي انا تحب تقرا دير لحجاب وتقرا على روحها واحد مراح يمنعها
بوعلام :معليش ولدي هذي حاجة اتفاهمو عليها بيناتكم ربي يهدي سركم
مهدي :أمين يا غالي تصبح على خير راح لحال وغدوة نخدم بكري
بوعلام :ونت من اهلك الخير ولدي ربي يعينك
مهدي :أمين...

.....ناض سلم على راس باباه وهو مقنوط مش حابها تخرج ولا تعبت لباب طول ما هي حامل راح تعرض حياة ولدو للخطر وميقدرش يكسر كلمة باباه

_________________________________

اراءكم وانتقاداتكم صوتولي سيتوبلي ❤️🫀