من أجلك فقط

بارت(47)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_السابع_وأربعون🫀🥀:

مهدي : يبارك فيكم ان شاء الله هيا قومي اميمة مبقاش وقت لازم نروحو ضك
دليلة :ياااه وين رايحين بركا متعب في طفلة لازمها راحة
مهدي :لا يما رايحين لطبيبة باش نطمنو على بيبي وتابع عندها
دليلة :ايه لازم وليدي ربي يهنيكم ان شاء الله اكبدتي
مهدي :أمين يما هيا اميمة
اميمة :أمين خالتي

.....هزو صوالحهم وخرجو من فما ركبت قدامو وراحو لطبيبة لي دالها رونديفو عندها شوية لحقو لفما دخلت هي لقاعة نساء وهو لقاعة رجال يستناو شوية عيطتلهم سكرتيرة لي فما لدالتهم ودخل هو معاها هدرو معاهم بعدها تسطحت على سرير باش تعمللها ايكو عطاتها درا غطات تحتها وعرات على كرشها

مهدي :مدام مذا بيك تغلقي لباب بلمفتاح سيتوبلي
طبيبة :لا متخافش مسيو لباب مغلوق ومكانش لي يدخل مدام بصحتك باين راجلك يغير عليك

.....تبسمتلها اميمة تبسيمة صفرا مجاملتها اما طبيبة دارتلها جال على كرشها وبدات ديرلها في ايكو ومهدي واقف عند راسها وشاد يدها متحمس لي يشوفوهم يحلف يقول هذو طايحين في بعضاهم اشرتلهم طبيبة على شاشة ميكرو

طبيبة :شفتو وين هذيك نقطة هذاك هو لبيبي راكي في شهرك لول يلزمك راحة
مهدي :شحال صغير راكي تشوفي اميمة ولدي سبع هذاك
اميمة :صغيرة برشا
طبيبة :تونسية انتي !؟
اميمة :ايه تونسية
طبيبة :الله يبارك خيار الناس توانسة خاوتها
اميمة :ربي يفضلك اختي يعيشك

.....مدتلها بابي تمسح بيها كرشها وضحكة مرسومة على فمها مسحت كرشها وناضت خلاتها تهبط حوايجها ولحقوها

طبيبة :ضك باش نعطيك فيتامينات كاليسيوم ولحديد ولازم تنتبهي مليح لصحتك وماكلتك باش تتفاداي فقر الدم ولازم تبعدي على ستراس والتعب ولحوايج ثقال متهزيهمش وحتى العلاقة بيناتكم الاحسن هذا الوقت متكثروش ومتفورصيوش الحمل في هذو شهور حساس وقت تكملي شهرين راح ترجعي ليا ولازم تاكلي لحوايج لي فيهم لبروتين الالبان المكسرات الحبوب هذو لكل مفيدين
اميمة :باهي ربي يفضلك اما بربي نسألك توا رجعت نكره روايح وقلبي يطلع فيسع
طبيبة : عادي هذا شيء راح تدخلي في مرحلة الوحم ربي يعينك

......مهدي كان يسمع فيها بكل اهتمام حتى آخر كلمة شكروها وخرجو ركبو طونوبيل وقلع

________________________________

اراءكم وانتقاداتكم صوتولي سيتوبلي ❤️🫀