من أجلك فقط

بارت (8)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثامنة🫀🥀:

.....دخلت عندها لقاتها مقابلة لمرايا كيف مخلاتها بالضبط متحركتش من بلاصتها ضربت بيديها على صدرها وراحت ديركت ليها شادتها من يدها بقوة
سعاد : ناوية تحشمي بوك وطيحيلو وجهو في لرض اسمعي مليح يا اميمة اذا عملت شي هذا والله العظيم ورحمة أمي الغالية نغضب عليك دنيا واخرة
اميمة :يا أمي افهمني انتي على الأقل افهمني معنديش غيرك يا أمي راني مش راضية قلبي مش مطمن مش مرتاحة يا أمي افهمني يعيشك
سعاد: ماشية توا باش نحط لقهوة ونرجع ليك نحب نراك واجدة  يا اميمة عكس هذا لكلام راني متبرية منك ليوم يبعثون
....خرجت وخلاتها غارقة في دوامة افكارها قامت غسلت وجهها بزربة دارت ميك آب خفيف غطات بيه نفخ عينيها من لبكاء ولبست روب سامبل في لڨرونا جاية على لاطاي وبذرعين توصل لتحت ركبة جاتها بزاف شابة مع فورمتها لمڨدودة ولبست طالون في نفس اللون مع هي شوية قصيرة وشعرها خلاتو مطلوق مسرح على كتافها
....استهدات برحمان وتمنات تصرا حاجة باش تخرب الخطوبة هزت تيلوفونها وخرجت من فما بخطوات ثقال سمعت اصواتهم فما باينة فيهم بهجة الفرحة دخلت فما جات عينيها في عين بوها لي تبسم بفخر ببنتو لي مخيباتوش

منصف : هاهي جات عروستنا مرحبا بنتي تفضلي سلمي على ناسك
....قامو في ربعة يرحبو بيها سلمت على بوعلام وسعاد هوما لولين ومن بعد على ليندا لي كانت لابسة حتى هي وامها روبات سامبل
بوعلام: مرحبا بعروستنا الله يبارك سبحان من صورها ما شاء الله
سعاد : بسم الله عليك ربي يحرسك من العين
....بعدو شوية راجعين لور مخليين مهدي يقرب لي تفتن في زينها وزاد عجباتو الحشمة لي رتسمت على ملامحها قرب خدو ليها ناوية يسلم عليها زوج قدر وهي كي لحجر متحركتش وشادة دموعها بسيف هو فسرهم لي مش حابة تبعد على والديها مفسرهاش بالرفض
مهدي :ما شاء الله ربي يبارك
.....قعدو وهي منطقت بحتى حرف هوما فسروها حشمة اما والديها عارفين لي في قلبها بعد مدة من لحكايات
منصف : نظن لحق وقت تلبيس خواتم

.....وقفو كاملين وتهزت دار بزغاريت دارو لخواتم لبستلو الخاتم ويدها ترجف قد محاربت دموعها تغلبو عليها وطاحو مسحهملها بطرف صبعو وبعد قطعو لاتارت وقعدو شوية ووصل امام هنا اميمة كشغل عطاوها كف يعني راح يقراو الفاتحة بقات طول الوقت ساكتة هزو الفاتحة وامام دا موافقتها لي خرجت بسيف عليها ولات مرتو شرعا تفاهمو على كلش صداق شرط العرس كلشي حسب العادات والتقاليد شوية نطق بوعلام بعد مراح امام
بوعلام : نظن لازم نخليو لعريس ولعروسة شوية مع بعض يحكيو
منصف :اي بطبيعة سعاد خوذهم للبيت متاع اميمة
_______________________________
ليندا : طفلة في عمرها 22 سنة مكملة قرايتها في علم الآثار لي ختارولها مهدي طفلة مزيانة عينيها نوار وكبار شعرها اسود كيف لفحم وطويل لخصرها جاية سمرة شوية ومڨدودة

________________________________

رمضان كريم فلفلاتي وصحا فطوركم 🏮🌙✨اراءكم فلفلاتي+ وكل وحدة تقرى دير جام🖤لي تعلق برا ولا دير جام على حلقة وحلقة لالا ولي تقرا وتهرب تتبلوكا نهائيا من لقروب ❌🚫
ليندا 👇