من أجلك فقط

بارت (2)

#مِنْ_أجْلِکَ_فَقَطْ🫀🥀:

#بقلمي_ميموشة_نوسة🫀🥀:

#الحلقة_الثانية🫀🥀:

نروحو لبلاصة ثانية :

....مجمع هو وصحابو قدام لبيسين دايرين جمعة شبابية فيها بنات وولاد مستطح هو فوق كرسي من هذوك لكراسة طوال لي يتحطو مقابل البيسين ممدود على ظهرو حاط ليناتو فوق عينيه باش يتحجب عليه ضوء الشمس لابس جيست شورت في نوار مقابل الشمس لي بينت لمعة سمراتو لمحو جاي يتمشى بخطوات ثقال وبسمتو على فمو ويستعرض في عضلاتو وجسمو قدام لبنات حتى وصل قدامو والانظار تحولت عليهم اكثر قعدت فوق لكرسي لي قدامو بيناتهم غير شوية مساحة مش بزاف تفصلهم غير طاولة صغيرة فما محطوطة فيها مشروباتهم وفواكه ومكسرات هكذا 

مهدي: زيد استعرض شوية مزال مبينتش روحك مليح ديرلهم عرض هنا باش يكحلو عليك مليح خليهم يشلو عليهم ويعمروهم باش متبقالهمش حرقة في لقلب
علي :علبالك انت اكبر غيار وحاسود عرفتو في حياتي يا صاحبي راني محرحك ياك شفتني زل عليك ومطيحش كامل لبنات فيا
مهدي: راني نوض ليك نفزدك على غيار وحسود ومحرحك هذي ميلقاش ميحبو فيك ولا لي يعجبهم فيك اتلم شوية في دزاير ومكنتش مطلوق هكذا
علي: اذا انت راك راح تخطب انا مزالني سيليباتار وعايش حياتي بطول والعرض منحطش مرأة في رقبتي تظال تنكد عليا وين رايح وين جاي
مهدي: تخمامك غير في تهوميل ودور مي باش تستقر وتأسس دار وعايلة مخممتش فيها ياه على رجالة واخر زمان
علي : اغبن روحك وحدك انا منغبنش روحي ومنقيدش روحي ودراهم لي راني نصرف فيهم على روحي ومقلش روحي خيرمن جيب لحليب جيب ليكوش ارواح تروح بكري اشري دواء ادي جيب وش دارهالي انا لتكسار الراس
مهدي :اي وحدة نتوقع منو يدير لعقل حتى المهبول غير انت
علي: انا حبة مفقودة صاحبي مكانش كيفي ديجا مقتليش انت كنت كيفي ومش حاب تتزوج ضكا علاش بدلت رايك!؟
.....تعدل في بلاصتو وقعد مرجع ظهرو لور متكي بيه على ظهر الكرسي ونحا لينات من فوق عينيه وحطهم فوق راسو يسترجع في الحوار لي دار بينو وبين باباه

فلاش باك🫀🥀:_____________________
قبل اسبوع من هذا الوقت:

......دخل لدار شوية ومتأخر ليوم جوايه ثلاثة تاع صباح كان داير سهرية مع علي وجماعتهم قدام لبحر شبابية فتحت باب الدار ومع دخل وغلقو ودار باش يروح لشمبرتو بلقى باباه و يماه مزالو فايقين وقاعدين في صالة المفتوحة وحسب الحطة يستناو فيه يجي
بوعلام: على سلامتك سي شباب مطولتش كامل علاه هذا عليك مروح بكري ليوم
دليلة: علاه عليه هكذا وليدي شايف ساعة شحال راهي علبالك ليل ميرحمش وغير تاع دعاوي شر .....

_________________________________
نعرفكم ببطلنا مهدي : شاب في 30 سنة قاري ومثقف ومتعلم وخدامة على روحو وناجح جاي خمري رايح لسمورية طويل وخادم لكور تاعو بوكسور (يبوكسي ) يمارسها كهواية جاية ملامحو رجولية مزيانة عينيه زورق كيف سماء وشعرو اسود كيف لفحم قايم بروحو ومتهلي فيها يحب والديه بزاف وطايعهم عندو صديق واحد مقرب علي ميحبش لخلطة وغيار على عرضو واهل دارو
___________________________________

رمضان كريم و صحا فطوركم 🏮🌙✨اراءكم وانتقاداتكم صوتولي سيتوبلي 🤭🧹